Гәдоуҭа араион ақыҭақәа ҩба рҿы амҩаҟаҵара иалагеит
(ирҿыцуп 13:42 24.12.2020)
Ақыҭақәа Абӷархықәи Аҷандареи рҿы амҩақәа аремонт рзыруеит Аԥсны асоциал-економикатә ҿиаразы Аинвестициатә программа аԥарақәа рыла.АҞӘА, ԥхынҷкәын 24 – Sputnik, Бадри Есиава. Ақыҭақәа Абӷархықәи Аҷандареи рҿы амҩақәа аремонт рзура иалагеит ҳәа Sputnik иазеиҭеиҳәеит Аԥсны Акапиталтә ргылара аусбарҭа атехникатә хылаԥшра аиҳабы Дикран Хынҭәба.
"Ақыҭақәа Абӷархықәи (ф-километрак) Аҷандареи (ԥшь-километрак) рҿы амҩахәҭақәа аремонт рзыруеит. Аусурақәа рысметатә хәыԥса иартәоит 65 миллион мааҭ. Ашықәс нҵәаанӡа аусурақәа изрылымгар ҟалоит амшцәгьақәа ирхырҟьаны. Иааиуа амзазы аусурақәа ирыцҵахоит", - ҳәа иҳәеит Хынҭәба.
Аҳәынҭҿаҵа мҩаԥнагоит "Амҩа-ргыларатә комбинат", ахылаԥшра анапы ианҵоуп Акапиталтә ргылара аусбарҭа. Ақыҭақәа Абӷархықәи Аҷандареи рҿы амҩақәа аремонт рзыруеит Аԥсны асоциал-економикатә ҿиаразы Аинвестициатә программа аԥарақәа рыла.
Абҵарамза анҵәамҭазы Пицундеи Цандрыԥшьи амҩақәа рремонт иалаган. Цандрыԥшь амҩа хада 9,3 километрак аремонт азырухьеит. Аҳабла ахада Адгәыр Дасаниа ишиҳәо ала, даҽа 5-6 ҩнуҵҟатә мҩа аремонт рзырураны иҟоуп.
©
Foto / Адгур Дасания
Дикран Хынҭәба иажәақәа рыла, Пицундагь уажәы аусурақәа ирҿуп.
"Иахьазы ф-километрак амҩа ҿыгҳарак акаҭран ықәҵоуп. Иҟаҵоу амҩа зынӡа 18 километра иҟоуп. Иахьынӡаздыруала, аучасток зегьы аԥара азхом. Убри азы асмета еиҭахәаԥштәхоит", - ҳәа иҳәеит Хынҭәба.
Аԥсны АРА атехникатә хылаԥшра аиҳабы Дикран Хынҭәба иажәақәа рыла, Пицундатәи амҩа акаҭран ақәҵаразы 82 миллион мааҭ азоужьуп.
Пицунда ахада Алхас Шамба Sputnik акорреспондент диҿцәажәо иҳәеит амҩа аремонт ашьҭахь, аԥхаррақәа шааҟалалак адыргақәа рынҵара ҳалагоит ҳәа. Иара убасгьы иҳәеит алашара ахьыҟам амҩахәҭак аҿы афонарқәа рықәыргылара ишалаго. Шамба агәыӷра ааирԥшит аҭыԥантәи анаплакыҩцәа абри азҵаараҿы ацхыраара руп, апроблемагьы ӡбхап ҳәа.
Иара убас шәаԥхьар ҟалоит:
-
Аацытәи амҩа акаҭран ақәҵаразы аусурақәа ахыркәшарахь инеиуеит
Акоронавирустә хҭыс ҿыцқәа шәкы иреиҳани даҽа ҩ-ԥсҭбараки ҟалеит Аԥсны
АҞӘА, ажьырныҳәа 22 – Sputnik. COVID-19 зцәа иалаз ҩыџьа апациентцәа рыԥсҭазаара иалҵит Гәдоуҭатәи ахәышәтәырҭаҟны ажьырныҳәа 20 рзы ҳәа аанацҳауеит Ауааԥсыра COVID-19 рацәыхьчаразы аоперативтә штаб.
Акоронавирустә инфекциа ззышьақәырӷәӷәаз 1938 шықәса рзы ииз ахаҵеи 1953 шықәсазы ииз аԥҳәыси рыԥсҭазаара иалҵит. Адиагноз хада - "акоронавирустә инфекциа ҿыц".
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 127-ҩык, рҭагылазаашьа бааԥсуп 35-ҩык, ибжьаратәуп - 45-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 22-а, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 20-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 62-а апациентцәа.
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10984-ҩык ыҟоуп, ргәы бзиахеит 8898-ҩык, рыԥсҭазаара иалҵит 156-ҩык.
- Акоронавирус иазку ажәабжьқәа зегьы шәрыԥхьар ҟалоит абра>>
Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит
Аиба Гагра афымцалашаразы аҭагылазаашьазы: амаининг аанаҳамкылар, еиҳагьы ҳаицәахоит
"Гагра раион аҭагылазаашьа даара ицәгьоуп. Ари ахьҭақәа иҟаз ирацәаны авариақәа ҟалеит. Иахьа алашара ажәлар ироуртә иҟаҳҵеит. Аҟәа имҩаԥысит аилацәажәара. Урыстәылантәи шаҟа мегаватт ҳауа ҳара инаҳхуеи ҳаинаалом, аԥкрақәа ҳрылагоит. Раионцыԥхьаӡа ишашаны ирырҭеит, шаҟа-шаҟа иԥктәу. Аподстанциа аиҳабы сареи иахьҳарцәо, ишҳарцәо, ишыҟахҵо, уаха иҳаӡбароуп. Амаининг аус аанаҳамкылар, еиҭа ҳаицәахар ҳәа сшәоит", - ҳәа еиҭеиҳәеит Аиба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
-
Аԥсны иазымхар ҟалоит иззеиқәшаҳаҭханы урыстәылантәи иаауа афымцалашара
-
Гәдоуҭа ачазауад аиҳабы Лакоба алашаразы ауадаҩрақәа рзы: ҳариааироуп, уаҳа ԥсыхәа ыҟам