Анхара-коммуналтә усбарҭа: Аҟәа Гәлиа имҩаҿы ада аӡы анашьҭразы аусурақәа хыркәшоуп

14
(ирҿыцуп 09:42 25.12.2020)
Ԥхынҷкәын 21 рзы Аҟәа акоммуникациатә цәаҳәақәа рышьҭаҵаразы ахыркәшаратә усурақәа ирылагеит.

АҞӘА, ԥхынҷкәын 25 – Sputnik. Аҳҭнықалақь зегь аҟны, Гәлиа имҩаҿы игылоу ахатәы ҩнқәа рҿада, ӡыла реиқәыршәаразы аусурақәа хыркәшоуп ҳәа Sputnik иазеиҭеиҳәеит Аҟәа ахадара Анхарҭа-коммуналтә усбарҭа адепартамент адиректор ихаҭыԥуаҩ Руслан Аҩӡба.

"Гәлиа имҩаҿы ахатәы ҩынқәа аус рыдырулоит абригадақәа ҩба. Урҭ руак Гәлиеи Воронови рымҩақәа рҽахьеиԥыршьуа иааихьеит, егьи – Чачба имҩаҿынӡа. Ахатәы ҩынқәа ақалақь ахадареи анардадаҩы ихарџь алеи аӡымҩангагақәа ирԥыршьуеит", - ҳәа иҳәеит иара.

Иара иажәақәа рыла аҩнқәа рыԥшәмацәа заанаҵы адырра рыҭан аремонттә усурақәа мҩаԥысраны ишыҟоу азы.

Аҩӡба иҳәеит уаанӡагьы аремонт ҟазҵоз ари анардадаратә еиҿкаара шакәыз, ахатәы ҩынқәа ракәзар, ауаа рхала аҵеџьқәа рҟынтәи рыҩныҟақәа аӡцәаҳәақәа шнаргоз. Уажәы иҟоу аҭагылазаашьеи аныҳәа ааигәахареи инарыдҳәаланы ари аус азы ахарџьқәа реиҳарак ақалақь ахадара ахахьы иагеит.

"Иҟоуп атәанчаҩцәа, зылшара ԥку, убри азы ақалақь ахахьы иагоит асеиԥш иҟоу ауаа аӡы роуа аҟаҵара", - ҳәа иҳәеит иара.

Иара убасгьы иазгәеиҭеит ҩнеихагылақәак рҿы аӡы ахалара шацәыуадаҩу, аха уи лассы аҭыԥ ишықәҵахо.

Аӡымҩангагагатә цәаҳәақәа рыԥсахреи урҭ амагистралтә ҳақәа реиԥшьреи рзы аусурақәа ирылаган ԥхынҷкәын 20 рзы. Ԥхынҷкәын 21 азы ихдыркәшараны иҟан.

Аӡымҩангагақәа рышьҭаҵареи реиԥшьреи анапы ианын анардадатә еиҿкаара "Астория-Аквасервис". Аусура мҩаԥыргон 70-ҩык аҟазауааи 30 ак атехника ҷыдеи. Ус шакәызгьы аусурақәа зхыркәшамхеит. Ақалақьуаа хымш ӡыда иҟан.

Иара убас шәаԥхьар ҟалоит:

14

Аԥсны COVID-19 рыдырбалеит даҽа 176-ҩык ауааԥсыра

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10784ҩык ыҟоуп, ргәы бзиахеит 8513-ҩык, рыԥсҭазаара иалҵит 152-ҩык.

АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

329
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

329
Атемақәа:
Ачымазара ҿкы – акоронавирус Аԥсни адунеи аҿи: иалкаау