Барабаны, брейк-данс и салют: как встречали Новый год в Сухуме

Аҟәа ақалақь ахадара аныҳәатә программа аплан ркьыԥхьит

12
(ирҿыцуп 11:38 26.12.2020)
Аԥсны ахада иусдҵа инақәыршәаны акоронавирустә инфекциа алаҵәара ацәшәаразы ареспубликаҿы аԥкыратә уснагӡатәқәа аанкылоуп ажьырныҳәа 12 рҟынӡа. Арахь иаҵанакуеит агәырӷьаратә уснагӡатәқәагьы.

АҞӘА, ԥхынҷкәын 26-Sputnik. Аҟәа ақалақь ахадара аныҳәатә программа аиҿкаашьа аплан ркьыԥхьит.

Аԥсны ахы-аҵыхәа ажьырныҳәа 12 рҟынӡа акоронавирустә инфекциа алаҵәара ацәшәаразы ареспубликаҿы аԥкыратә уснагӡатәқәа аанкылоуп, иарку ахыбрақәа рҿы амассатә уснагӡатәқәа реиҿкаареи рымҩаԥгареи рзин ыҟам, хаҭала Ашықәс ҿыци Қьырсаныҳәеи рымҩаԥгара иазку.

Аԥкрақәа ирхьымԥшқәа ахәыҷқәа рзы еиҿкаауп аныҳәатә программа:

  • Ԥхынҷкәын 26 асааҭ 17:00 инаркны 18:10-нӡа абжьаратә школ №14 аҟны ахәыҷқәа рзы еиҿкаахоит ашықәсҿыцазтәи агәырӷьаратә программа
  • Ԥхынҷкәын 27 асааҭ 17:00 инаркны 18:10-нӡа Кинопракат иҟоу ахыбра Ахан аҟны ахәыҷқәа рзы еиҿкаахоит ашықәсҿыцазтәи агәырӷьаратә программа,
  • Ԥхынҷкәын 29 асааҭ 17:00 инаркны 18:10-нӡа Ажәытә ҳабла аҟны ахәыҷқәа рзы еиҿкаахоит ашықәсҿыцазтәи агәырӷьаратә программа,
  • Ԥхынҷкәын 30 асааҭ 17:00 инаркны 18:10-нӡа Ажәытә ҿыц апаркаҟны ахәыҷқәа рзы еиҿкаахоит ашықәсҿыцазтәи агәырӷьаратә программа.

Ақалақь ахадара иара убас иаанацҳауеит, ԥхынҷкәын 25 инаркны 27-нӡа Аҟәа Ахақәиҭра ашҭаҟны иргылахоит аекран ду, асааҭ 17:00 инаркны 19:30-нӡа аҭааҩцәа идырбалахоит амультфильмқәа, асааҭ 19:30 инаркны 21:30-нӡа- афильмқәа.

Пхынҷкәын 28, 29, 30 рзы иазԥхьагәаҭоуп изынацҵоу аусмҩаԥгатәқәа.

Иара убасгьы иаартхоит апавильонқәа, зыҟны акаҳуа, ачаи, ахаа-мыхаақәа раахәара ахьалшо.

 

12

Аԥсны COVID-19 рыдырбалеит даҽа 176-ҩык ауааԥсыра

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10784ҩык ыҟоуп, ргәы бзиахеит 8513-ҩык, рыԥсҭазаара иалҵит 152-ҩык.

АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

329
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

329
Атемақәа:
Ачымазара ҿкы – акоронавирус Аԥсни адунеи аҿи: иалкаау