Аԥсны акоронавирус 109-ҩык ирыдырбалеит, аӡәы иԥсҭазаара далҵит

34
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 8459-ҩык ыҟоуп. Урҭ рахьтә ргәы бзиахеит 6726-ҩык, рыԥсҭазаара иалҵит 108-ҩык.

АҞӘА, ԥхынҷкәын 26 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 485-ҩык атестқәа рзыҟаҵан, урҭ рахьтә 109-ҩык акоронавирус рцәа ишалаз аадырԥшит.

Аоперативтә штаб иаанацҳауеит Гагратәи ахәышәтәырҭаҟны иԥсҭазаара дшалҵыз 83 шықәса зхыҵуаз апациент. Иара ахәышәтәырҭа дҭашәеит иԥсыԥ лагаҩагара акыр ицәыцәгьаны, ҩганктәи агәыҵәкра иманы ԥхынҷкәын 25 рзы. Иақәнагаз атерапиа шизымҩаԥыргозгьы идунеи иԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 94-ҩык ауааԥсыра, урҭ рахьтә 86-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 24-ҩык, ибжьаратәуп - 13-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 35-ҩык апациентцәа, Очамчыра ирхәышәтәуеит 28-ҩык, Тҟәарчалтәи ахәышәтәырҭаҿы - 17-ҩык, Гагратәи ахәышәтәырҭаҿы - 41-ы.

Аҟәатәи амобилтә хырхарҭарацәатә госпиталь аҟны ишьҭоуп акоронавирус зыдбалоу 44-ҩык пациент. 30-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

34
Атемақәа:
Ачымазара ҿкы – акоронавирус Аԥсни адунеи аҿи: иалкаау (969)

Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит

3
(ирҿыцуп 13:38 19.01.2021)
Аладатәи Арратә округ аруаа рҿы массалатәи алаҵаҟаҵара иалагоит. Урыстәылатәи алаҵа "Спутник V" актәи апартиа ааган Аԥсны иҟоу арратә базахь ԥхынҷкәын 2 рзы.

АҞӘА, ажьырныҳәа 19 - Sputnik. 225 000-ҩык рҟынӡа Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит ҳәа аанацҳауеит ААО апресс-маҵзура.

Алаҵа рзыҟаҵахоит аррамаҵзурауаа рҭаацәа, аграждантә персонал. Зынӡа шәнызқьҩык рҟынӡа.

Амассатә лаҵаҟаҵара хацыркхеит Аладатәи арратә округ аҿы. Актәи акомпонент рзыҟарҵахьеит 17 000-ҩык рҟынӡа, ҩ-компонентк рзыҟарҵахьеит фнызқьҩык.

Жәабран  15  2021 шықәсанӡа арратә округ амедусҳәарҭақәа иазыԥхьагәарҭоит аҽа 60 000-ҩык алаҵа рзыҟаҵара.

Алаҵа хатәгәаԥхаралоуп ишыҟарҵо, иззыҟарҵо уи азы ашәҟәы инапы аҵеиҩуеит.

Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абасала иара адунеи аҿы ираԥхьатәиу коронавирус SARS-COV-2 иаҿагыло лаҵоуп.

3
Атемақәа:
Ачымазара ҿкы – акоронавирус Аԥсни адунеи аҿи: иалкаау (969)
Лиолиа Тәанԥҳа

Аиааира "агимн" аԥызҵаз: Лиолиа Тәанԥҳа лгәалашәаразы

97
(ирҿыцуп 11:27 19.01.2021)
Апоетесса Лиолиа Тәанԥҳа диит 1952 шықәса рзы Аҟәа араион Ешыра ақыҭан. Лыԥсы ҭаны дыҟазҭгьы Лиолиа ажьырныҳәа 19 рзы илхыҵуазаарын 69 шықәса.

Лиолиа Тәанԥҳа лажәеинраала "Аиааира" аԥсуа жәлар риааира гимнк аҳасабала азыҟалареи лҩыза ихьӡала ашьха ақәцәахь лхалареи ртәы рҳәеит апоетесса лҩызцәа Борис Ҷолариеи Гәыли Кьычԥҳаи.

Sputnik

Апоетесса Лиолиа Тәанԥҳа диит 1952 шықәса ажьырныҳәа 19 рзы Аҟәа араион Ешыра ақыҭан. Лқыҭа гәакьаҿ абжьаратә школ даналга ашьҭахь Лиолиа, 1969 шықәса рзы аекскурсиамҩаԥгаҩцәа рзы Аҟәатәи абиуро аҿы еиҿкааз акурсқәа рҟны аҵара дахысуеит. 1970 шықәса рзы Аҟәатәи  аҳәынҭқарратә арҵаҩратә институт агеографиа афакультет дҭалоит.

Баграт Шинкуба, Джума Ахуба, Иван Папаскир, Леля Тванба на встрече с молодыми писателями
© Фото : из архива семьи Тванба
Баграт Шьынқәба, Џьума Аҳәба, Иван Папасқьыр, Лиолиа Тәанба ашәҟәыҩҩцәа ҿарацәа рԥылараан

Иван Папасқьыр ихьӡ зху Амилаҭтә библиотека адиректор  Борис Ҷолариеи Лиолиа Тәанԥҳаи курск аҟны аҵара еицырҵон. Иара ԥхарра дула игәалаиршәоит имшира аҽны ихьӡала Лиолиа ашьха Чегет дышхалаз.

"Сара лассы-лассы исгәалашәалоит сыстудент ԥсҭазаара. Ҳара усҟан Нхыҵ Кавказ, Черқьесск ақалақь аҟны астуденттә практика ҳахысуан. Цәыббра 20, сымшира аҽны ҳара ашьха Чегет ақәцәахь ҳхалеит. Аԥхьа аканатмҩала ҳхалон, нас шьапыла. Аӡӷабцәа рҟынтәи 4011 метра дахысны ашьха ақәцәахь ахалара зылшаз Лиолиа заҵәык лоуп. Ауаххьаан Лиолиа иазгәалҭеит "ашьха схалара ззыскыз Борис Ҷолариа имшира ауп" ҳәа. Убри ашәымҭак азы насыԥ сыманы схы збеит. Аиҩызара иаҵанакуазгьы иныҭкааны издырит", — ҳәа еиҭеиҳәоит Ҷолариа.

Леля Тванба сажает дерево во дворе Баслахуской средней школы. Март 1988 год
© Фото : из архива семьи Тванба
Баслахәтәи абжьаратә школ ашҭаҟны Лиолиа Тәанба аҵла еиҭалҳауеит. Март.1988 шықәсазы.

Иара иажәақәа рыла Лиолиа лҩызара, лыцныҟәара, лыццәажәара гәахәаран иунаҭоз.

Аиҿкаара "Аԥсны анацәа аҭынчреи асоциалтә иашареи рзы" ахантәаҩы Гәли Кьычԥҳа Лиолиа аус лыцылуан Дырмит Гәлиа Иҩны-музеи аҟны.

Леля Тванба, Арзамет Тарба и Гули Кичба в доме музеи Дмитрия Гулия
© Фото : из архива семьи Тванба
Гәли Кьычԥҳа Лиолиа аус лыцылуан Дырмит Гәлиа Иҩны-музеи аҟны

"Амузеи ахь усураҳәа иааиуаз зегь ззеиԥшыз ракәмызт. Лиолиа арахь усураҳәа даннеиз лажәеинраалақәа рыла деицырдыруа дҟалахьан. Усзуҩык иҳасабала даара аҭакԥхықәра иаҵагылоз уаҩын, деилыҷҷан, деиҿкаан", — лҳәоит Гәли.

Гәыли иазгәалҭоит Лиолиа лпоезиа акыр ишылзааигәоу. Бзиа илбо ажәеинраалақәа ишреиуоу "Сшьауардынқәа", "Март мза ҵэыуоит". 

"Сара сзы акраҵанакуеит сԥа, Арзамеҭ Ҭарба изкны илҩыз ажәеинраала. Кәасҭа Ченгьелиа амузыка ианиҵаз лажәеинраала ссир "Аиааира" акәзар, аԥсуа жәлар риааира иагимнны иҟалеит. Иара раԥхьаӡа акәны инагӡан 1992 шықәса жьҭаара 21 рзы, Лиолиа лашьа, Аԥсны Афырхаҵа Завер Тәанба данҭаха ашьҭахь. Ҳаибашьцәа рыԥсадгьыл ахьчарахь инеиуан абри ашәа еицҳәо", — лҳәоит Гәыли.

Лиолиа лажәеинраалақәа ркьыԥхьуан:  "Амцабз", "Алашара", "Апсны Ҟаԥшь". Раԥхьатәи леизга "Ашамҭаз" ҭыҵит 1981 шықәса рзы.

Лиолиа Тәанԥҳа лыԥсҭазаара далҵит 2006 шықәса абҵара 21 рзы.

97