Аԥсны ААР Аӡҩыбжьатәи ахҭыс шыҟалаҵәҟьаз атәы рҳәеит

36
(ирҿыцуп 09:34 28.12.2020)
Аԥсны азинхьчаратә усбарҭақәа Аӡҩыбжьа ақыҭан инхо Ҷанаа рыҩнҭаҟны иҽыҵәахны дыҟоуп ҳәа ззы адырра рымаз ацәгьоуҩы ишьҭан.

АҞӘА, ԥхынҷкәын 28 - Sputnik. Аԥсны ААР аусзуҩцәеи СОБР аусзуҩцәеи Аӡҩыбжьа инхо Ҷанаа рыҩнаҭаҿы 1989 шықәса рзы ииз Ешсоу Ҷанба ишьҭан ҳәа аанацҳауеит аусбарҭа асаит.

Ешсоу Ҷанба, Аӡҩыбжьа ақыҭан ииз, рашәарамзазы иԥшаара рылаҳәан анаркотик злоу аҵиаақәа: аныцә - 170 шьаҭа, абларкыга - 19 000 шьаҭа лаҵаны иахьимаз азы.

Иара убасгьы агәызҩара ыҟоуп ахаҵа ацитрусқәа раахәаразы Урыстәылантәи Аԥсныҟа иааз  ԥхынҷкәын 1 азы абџьар ахархәарала 500 000 мааҭ аԥара имихит, ахәрагьы ииҭеит ҳәа.

Аоперативтә информациала Ешсоу Ҷанба Нина Атиасова лыҩнаҿы иҽыҵәахны дыҟан.

Аԥсны ААР апресс-маҵзура  ишазгәанаҭо ала, аоперациа ҷыда азакәанԥҵара инақәыршәаны имҩаԥган. Ацәгьоуҩы дыԥшаамызт, аоперациагьы хыркәшан.

Атиасова лыҩны иаҭаз ааха аамҭа кьаҿла аҭыԥ иқәҵахоит ҳәа рҳәоит апресс-маҵзураҟны.

Апрокуратура аусбарҭа аусзуҩцәа рганахьала азакәанеилагара аадырԥшыр, Аԥсны Аҳәынҭқарра азакәанԥҵара инақәыршәаны аҭакԥхықәра рыдҵахоит.

Иара убас шәаԥхьар ҟалоит:

36

Аԥсны атуристтә бренд алоготип аус адулараз аицлабраҿ иаиааиз далкаауп

3
Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал ахь х-усумҭак неит, аусбарҭа асаит аҟны абжьыҭара алҵшәақәа рыла.

АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.

Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.

Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.

"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.

Иара диқәшаҳаҭхеит абрендинг азҟаза Анастасиа Краттлигьы.

"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.

Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.

Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.

Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.

  • Туристический бренд Абхазии
    © Sputnik / Асмат Цвижба
  • Туристический бренд Абхазии
    © Sputnik / Асмат Цвижба
1 / 2
© Sputnik / Асмат Цвижба
Туристический бренд Абхазии

Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.

Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.

3

НАТО ҩаԥхьа Урыстәыла Аԥсни Аахыҵ Уаԥстәылеи разхаҵара мап ацәнакырц иаанаԥхьеит

7
Урыстәыла Аԥсни Аахыҵ Уаԥстәылеи рхьыԥшымра азханаҵеит 2008 шықәса нанҳәамзазы амч ахархәарала уаанӡатәи автономиақәа архынҳәырц азы иаԥшьнагаз ахҭысқәа рышьҭахь.

АҞӘА, ажьырныҳәа 22 – Sputnik. НАТО Урыстәыла Аԥсни Аахыҵ Уаԥстәылеи разхаҵара мап ацәнакырц ишаанаԥхьац иаанаԥхьоит иҳәеит НАТО аҳәынҭмаӡаныҟәгаҩ Иенс Столтенберг Бриуссель Қырҭтәыла ахада Саломе Зурабишвили дылԥылаанӡа имҩаԥигоз апресс-конференциаҿы. Абри атәы аанацҳауеит РИА Новости.

"Ҳара Урыстәыла Аԥсни Аахыҵ Уаԥстәылеи ррегионқәа разхаҵара мап ацәнакырц ишааҳаԥхьац иааҳаԥхьоит", - иҳәеит иара.

Столтенберг иара убас иациҵеит Урыстәыла "Қырҭтәыла аҵакыра акзаара ҳасаб азнауларц, жәларбжьаратә азин пату ақәнаҵаларц".

Уаанӡа адырра ҟарҵахьан Қырҭтәыла ахада Саломе Зурабишвили ажьырныҳәа 22 рзы Бриуссель иҟоу НАТО аштаб-квартира дшаҭаауа, иара убас НАТО-Қырҭтәыла еицырзеиԥшу акомиссиа аилатәара дшалахәхо.

Урыстәыла Аԥсни Аахыҵ Уаԥстәыла рхьыԥшымра азханаҵеит нанҳәа 26 2008 шықәсазы. Урыстәыла аиҳабыра изныкымкәа ирҳәахьан арҭ аҩтәылак рхьыԥшымра азхаҵара аиҭахәаԥшра ргәы ишҭам, уи аӡбамҭа иахьатәи аамҭа ишақәшәо. Қарҭ акәзар, урҭ рхьыԥшымра азханаҵарц агәы иҭам.

Нанҳәа 8 ауха 2008 шықәса рзы ақырҭуа ар "Градқәа", атанкқәа, авиациа рыла ихысуа аахыҵ Уаԥстәыла иажәлеит, аҳҭнықалақь Цхинвал абжа еилаԥырыххааит. Урыстәыла ауаԥс жәлар аӡәреи-аԥсреи ирцәыхьчо, ақырҭуа ир ирҿагылеит. Хәымш ицоз аибашьра ашьҭахь Аахыҵ Уаԥстәыла ахы иақәиҭтәын.

Ауаҩы изинқәа рзы Европатәи аӡбарҭа иацы ҵаҵӷәык аҵам ҳәа иаԥхьаӡеит 2008 шықәса нанҳәамзазтәи ахҭысқәа рзы Қырҭтәыла Урыстәыла иаднаҵо ахара.

Иара убас шәаԥхьар ҟалоит:

7