Логотип КБР Ашана.

Афонд "Ашана" 2020 шықәсазтәи аҳасабырба ҟанаҵеит

16
Афонд "Ашана" хылаԥшра рнаҭоит ичмазаҩы хьанҭоу ахәыҷқәа: Урыстәыла, Ермантәыла, Аԥсны аоперациа ззутәу, ареабилитациа зҭаху, адиагностика ззыҟаҵатәу.

АҞӘА, ԥхынҷкәын 28 - Sputnik. Акультура-гәыҳалалратә фонд "Ашана" 2020 шықәса аихшьалақәа мҩаԥнагеит. Ашықәс аҩнуҵҟа 69 хәышәтәратә курс мҩаԥган ҳәа аанацҳауеит афонд апресс-маҵзура.

Акциа "Аԥсҭазаара еицеиқәҳархап" аҳәаақәа ирҭагӡаны 2020 шықәса аҩнуҵҟа афонд еизнагеит 7 270 492 мааҭ.

  • Аиурист хаҿқәа рҟынтәи – 764 382 мааҭ;
  • Ахатәхаҿқәа рҟынтәи – 4 446 147 мааҭ;
  • Аизгарҭатә чықьмаџьақәа рҟынтәи – 454 227 мааҭ;
  • СМС-дыррақәа рыла – 862 954 мааҭ.
  • Ахәышәтәразы ахы иамырхәакәа ирхынҳәуп – 742 782 мааҭ.
  • Административ-нхамҩатә усуразы– 2 620 553 мааҭ.
  • Агәыҳалалразы амобилтә цҵа "TOOBA" аҿы еизгоуп 3 187 323 мааҭ.

"Ашана" аусзуҩцәа COVID-19 иаҿагыланы имҩаԥысуа ауснагӡатәқәа рхы рыладырхәит. Аволонтиорцәа инарыдгыланы 200 рҟынӡа ҭел рыдыркылеит ацәаҳәа ҷыда аганахь ала. Убри аан акоронавирустә инфекциа адагьы ауаа злацәажәоз ирҭахыз ацхыраара акәын: фатәылеи-жәтәылеи хәшәылеи. Афонд агуманитартә цхырааразы иннахит 500 000 мааҭ.

Агуманитартә акциа мҩаԥысуанаҵы 127 ҭаацәара афатә азы ацхыраара рыҭан (џьоукы-џьоукы изныкымкәа).

Афонд анапаҵаҟа иҟоу рзы имҩаԥнагеит аԥареизгара, уи иалахәын астол гьежьқәеи аконференциақәеи рымҩаԥысра.

Адунеизегьтәи ахәыҷқәа рыхьчара Амш азы афонд "Ашана" ООН Ахәыҷтәы фонд (ЮНИСЕФ) Аҟәатәи аофис адгыларала рнапаҵаҟа иҟоу ахәыҷқәа ирыдныҳәалеит.

Нанҳәамзазы аусура иалагеит онлаин–аукцион "Аԥсҭазаара ахьӡала аҟазара". 10 лотк рҟынтәи быжьба 97 000 нызқь мааҭ еизыргеит. Аԥарақәа ахәыҷқәа рыхәышәтәра иазырхан.

Жьҭаарамзазы Аԥснытәи ахысцәа рыклуб аҿы имҩаԥысит аматч-маҷ Афонд ацхырааразы. Ԥшьымш имҩаԥысуаз ари акциа еизнагеит 52 000 мааҭ.

Ииасуа ашықәс азы ара ихацыркын хәыдаԥсадатәи аконсультациақәа. Имҩаԥигон абакалавр, апсихологиа амагистр, апсихолог Григорьев Михаил.

Иара убасгьы ицәырҵит ахәыҷқәа ацхыраара зларзууша алшарақәа: аилахәыра "А-мобаил" ахархәаҩцәа рзы ацҵа "Кошелек", "Аквафон" абонентцәа рзы аопциа "ДОБРО".

Уаанӡеиԥш аӡынра алагамҭаз "Ашана" иеиҭахацнаркит акциа "Уҵаа Бабадуха". Акциа рҽаладырхәит шәҩыла ауаа, аиҿкаара дуқәа. Аҳамҭақәа хымчыбжьа рыҩнуҵҟа еизган. Урҭ Аҵаа Бабадуи Асҭыԥҳаи изыхәҭоу рҟынӡа инаргоит.

Афонд аҿы иазгәарҭоит агәыҳалалратә, аҳәынҭқарратә, акоммерциатә еиҿкаарақәа реидкылара иазырхоу аусура. Уи иалнаршоит ганрацәала ацхыраара аҟаҵара.

"Ари аҭагылазаашьа иунарбоит Аԥсны агәыҳалалра иҿыцу аҩаӡарахь ишхалаз. Ҳаргьы ԥхьаҟа агәыҳалалратә амҽхак еиҳа-еиҳа иҳарҭбаалоит", - ҳәа рҳәоит афонд аҿы.

Акультура-гәыҳалалратә фонд "Ашана" икоммерциатәым еиҿкаароуп, аусура азырхоуп ичмазцәоу ахәыҷқәа ацхыраара рыҭара.

16

Аԥсны Аҳәынҭстатистикаҿы ахныҟәгаратә минимум шьақәдыргылеит

1
(ирҿыцуп 10:20 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.

АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтәи аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.

Ахныҟәгаратә минимум рахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.

Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.

Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.

1

Аԥсны атуристтә бренд алоготип аус адулараз аицлабраҿ иаиааиз далкаауп

5
Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал ахь х-усумҭак неит, аусбарҭа асаит аҟны абжьыҭара алҵшәақәа рыла.

АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.

Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.

Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.

"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.

Иара диқәшаҳаҭхеит абрендинг азҟаза Анастасиа Краттлигьы.

"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.

Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.

Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.

Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.

  • Туристический бренд Абхазии
    © Sputnik / Асмат Цвижба
  • Туристический бренд Абхазии
    © Sputnik / Асмат Цвижба
1 / 2
© Sputnik / Асмат Цвижба
Туристический бренд Абхазии

Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.

Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.

5