Аҟәатәи ақалақьтә еизара аҳҭнықалақь 2021 шықәсазтәи абиуџьет шьақәнарӷәӷәеит

8
Аҟәатәи ақалақьтә еизара изаамҭанытәиу аилатәараҿы ишьақәнарӷәӷәеит 2021 шықәсазтәи аҳҭнықалақь абиуџьет.

АҞӘА, ԥхынҷкәын 29 - Sputnik, Сариа Кәарцхьиаԥҳа. Аҟәатәи ақалақьтә еизара 2021 шықәсазтәи абиуџьет шьақәнарӷәӷәеит.

Абиуџьет апроект рыдигалеит ахада ихаҭыԥуаҩ Леон Кәарҷиа. Ақалақь ахада Беслан Ешба аизара далахәымызт, акоронавирус имазар ҟалап ҳәа агәызҩара ахьыҟоу азы.

Леон Кәарҷиа иажәақәа рыла, Аҟәа абиуџьет ахарџьхәҭа миллиардки 182 миллион мааҭ рҟынӡа азыԥхьагәаҭоуп.

Ахашәалахәҭа – миллиардки 147 миллион мааҭ рҟынӡа. Ареспубликатә биуџьет аҟынтәи абиуџьетбжьаратә трансфер – 35 миллион мааҭ.

Анагӡаратә усбарҭақәа русуразы иазыԥхьагәаҭоуп 53,5 миллион мааҭ, аҭыԥантәи ахаланапхгараҭаратә усбарҭақәа рымаҵ ауразы – 8,5 миллион мааҭ. Иааидкыланы ахәҭаҷ "азеиԥшҳәынҭқарратә зҵаарақәа" иазырхоуп 98 миллион мааҭ. Аҵарадырра иазырхахоит 479 миллион мааҭ, агәабзиарахьчара – 183,5 миллион мааҭ, акультуреи аҟазареи – 11,5 миллион мааҭ инарыцны, абаҩырҵәыреи аспорти – 40,5 миллион мааҭ, асоциалтә политика – 32 миллион мааҭ. 2021 шықәсазтәи абиуџьет аҿы иазыԥхьагәаҭоуп 265 миллион мааҭ анхара-коммуналтә нхамҩазы.

Аҳҭнықалақь ахада ихаҭыԥуаҩ инарҭбаау иҳасабырба ашьҭахь адепутатцәа еицҿакрыла абиуџьет апроект азы рыбжьы рҭиит.

8

Камкьиа: Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп

1
(ирҿыцуп 14:26 19.01.2021)
120 шықәса раԥхьа диит ашәҟәыҩҩы Миха Лакрба. Аҿартә театр актиор Саид Камкьиа арадио Sputnik аефир аҿы иҳәеит аламыс азышәаҳәаҩ, Миха Лакрба иԥсҭазаараҿы иааникыло аҭыԥ.
Аԥсны еицырдыруа ахьыӡқәа: Камкьиа Миха Лакрба иаԥҵамҭақәа ирызкны

"Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп. Иара нагарҭа амаӡамкәа ҳҵас, ҳқьабзқәа ааирԥшуеит. Саргьы сыԥсҭазаараҿгьы абас сыҟандаз, абри еиԥш схы мҩаԥызгандаз ҳәа сгәы ианаанаго ыҟоуп. Миха Лакрба ихьӡ аҿар ираҳахьеит, аха шамахамзар, урҭ ашәҟәыԥхьара рҭахым, иҟалаз асоциалтә ҳақәа ирхырҟьаны. Иара иновеллақәа ашколтә программаҿы иҟоуп, убасҟан ауп ухы-угәаҿы ианаанхо, анаҩс уаныҩеидаслак, еиҭа саԥхьандаз ҳәа агәазыҳәара узцәырыргоит. Атеатр аҿгьы зны-зынла ҳанааидтәалалак, иаҳгәалашәоит урҭ ановеллақәа. Убасҟантәи аамҭаз иара ифырхаҵа абас иҟаиҵеит, аха иахьазы уи ус ауама ҳәа еилҳаргоит. Ановеллақәа рыла иҭыху афильм кьаҿқәагьы акырӡа ибзиоуп, урҭ зегьы аинтернет аҿы иузыԥшаауам, аха иҟоу иахәаԥшхьоу рҟынтә исаҳахьеит ишыргәаԥхаз ала", - ҳәа еиҭеиҳәеит Камкиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

1

Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит

4
(ирҿыцуп 13:38 19.01.2021)
Аладатәи Арратә округ аруаа рҿы массалатәи алаҵаҟаҵара иалагоит. Урыстәылатәи алаҵа "Спутник V" актәи апартиа ааган Аԥсны иҟоу арратә базахь ԥхынҷкәын 2 рзы.

АҞӘА, ажьырныҳәа 19 - Sputnik. 225 000-ҩык рҟынӡа Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит ҳәа аанацҳауеит ААО апресс-маҵзура.

Алаҵа рзыҟаҵахоит аррамаҵзурауаа рҭаацәа, аграждантә персонал. Зынӡа шәнызқьҩык рҟынӡа.

Амассатә лаҵаҟаҵара хацыркхеит Аладатәи арратә округ аҿы. Актәи акомпонент рзыҟарҵахьеит 17 000-ҩык рҟынӡа, ҩ-компонентк рзыҟарҵахьеит фнызқьҩык.

Жәабран  15  2021 шықәсанӡа арратә округ амедусҳәарҭақәа иазыԥхьагәарҭоит аҽа 60 000-ҩык алаҵа рзыҟаҵара.

Алаҵа хатәгәаԥхаралоуп ишыҟарҵо, иззыҟарҵо уи азы ашәҟәы инапы аҵеиҩуеит.

Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абасала иара адунеи аҿы ираԥхьатәиу коронавирус SARS-COV-2 иаҿагыло лаҵоуп.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау