Милиция МВД

Аныҳәатә режим ала: Аԥсны АҶА, ААР, "Амшынеиқәафымцамч" аныҳәазтәи русура

11
(ирҿыцуп 10:05 30.12.2020)
Аԥсны АҶА, ААР аныҳәамшқәа рзы русуратә режим азырхоуп ауааԥсыра ршәарҭадара аиҿкаара, иҷыдоу џьара машәырк аԥырҟәҟәаара.

АҞӘА, ԥхынҷкәын 30 – Sputnik, Бадри Есиава. Аԥсны Аҩнуҵҟатәи аусқәа рминистрреи Аԥсны Аҭагылазаашьа ҷыдақәа рминистрреи иааиуа амшқәа рзы иҷыдоу арежим ала аус рулоит ҳәа Sputnik иазаанацҳаит аусбарҭақәа рыпресс-маҵзурақәа.

"Аԥсны аҩнуҵҟатәи аусқәа рминистр Дмитри Дбар идҵала "Аԥсны ААР аппарат хада, атранспорттә усбарҭа, аҩнуҵҟатәи аусқәа ақалақьтәии араионтәии ҟәшақәа 2020 шықәса ԥхынҷкәын 30 инаркны 2021 ажьырныҳәа 11 рҟынӡа иҷыдоу амаҵзуратә режим ахь ииагахоит", - ҳәа аанацҳауеит аминистрра апресс-маҵзура.

Адырраҭараҿы ишаҳәо ала, аныҳәамшқәа рзы аусуратә режим ҷыда азырхоуп ауааԥсыра ршәарҭадара аиҿкаара, иҷыдоу џьара машәырк аԥырҟәҟәаара.

Ареспубликатә унитартә наплакы "Амшынеиқәафымцамч" аштаттә режим ала аусура мҩаԥысуеит.

"Ари амш азы асменақәа рҿы игылоу зегьы аштаттә режим ала аус рулоит. Авариатә маҵзурақәа зегьы азыхиахоит ак ҟалар, аҭагылазаашьа аҭышәныртәалара", - ҳәа аҳәоит апресс-маҵзура.

Аҭагылазаашьа ҷыдақәа рзы аминистр Лев Кәыҵниа аусԥҟа инапы аҵаиҩит. Уи инақәыршәаны ԥхынҷкәын 31, ажьырныҳәа 1 рзы аусбарҭа агәыԥқәа хаҭәаахоит амцарцәаратәии аиқәырхаратәии резервтә техникала.

"Абылрақәа раԥырҟәҟәааразы ауснагӡатә цҵақәа мҩаԥгахоит, ашәарҭадаратә ҭахрақәа шынагӡоу ахылаԥшра аҭахоит, аҭагылазаашьа ҷыдақәа раԥырҟәҟәаара азыԥхьагәаҭахоит", - ҳәа аҳәоит аусԥҟа апунктқәа руак.

Аусԥҟа анагӡараз аҭакԥхықәра рыдуп Аԥсны АҶА аҟәшақәа рнапхгаҩцәа.

Уаанӡа аминистр Лев Кәыҵниа иазгәеиҭахьан аепидемиологиатә ҭагылазашьа иаҿырԥшны амцарцәаҩцәеи аиқәырхаҩцәеи рыбжьара ишалшо ала авирус аламырҵәараз ауснагӡатәқәа мҩаԥыргароуп ҳәа.

Аминистр иара убасгьы иазгәеиҭеит аныҳәаламҭалатәи ауснагӡатәқәа зегь шаԥихыз, итрадициатәу аныҳәатә банкет инаркны.

11

Камкьиа: Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп

1
(ирҿыцуп 14:26 19.01.2021)
120 шықәса раԥхьа диит ашәҟәыҩҩы Миха Лакрба. Аҿартә театр актиор Саид Камкьиа арадио Sputnik аефир аҿы иҳәеит аламыс азышәаҳәаҩ, Миха Лакрба иԥсҭазаараҿы иааникыло аҭыԥ.
Аԥсны еицырдыруа ахьыӡқәа: Камкьиа Миха Лакрба иаԥҵамҭақәа ирызкны

"Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп. Иара нагарҭа амаӡамкәа ҳҵас, ҳқьабзқәа ааирԥшуеит. Саргьы сыԥсҭазаараҿгьы абас сыҟандаз, абри еиԥш схы мҩаԥызгандаз ҳәа сгәы ианаанаго ыҟоуп. Миха Лакрба ихьӡ аҿар ираҳахьеит, аха шамахамзар, урҭ ашәҟәыԥхьара рҭахым, иҟалаз асоциалтә ҳақәа ирхырҟьаны. Иара иновеллақәа ашколтә программаҿы иҟоуп, убасҟан ауп ухы-угәаҿы ианаанхо, анаҩс уаныҩеидаслак, еиҭа саԥхьандаз ҳәа агәазыҳәара узцәырыргоит. Атеатр аҿгьы зны-зынла ҳанааидтәалалак, иаҳгәалашәоит урҭ ановеллақәа. Убасҟантәи аамҭаз иара ифырхаҵа абас иҟаиҵеит, аха иахьазы уи ус ауама ҳәа еилҳаргоит. Ановеллақәа рыла иҭыху афильм кьаҿқәагьы акырӡа ибзиоуп, урҭ зегьы аинтернет аҿы иузыԥшаауам, аха иҟоу иахәаԥшхьоу рҟынтә исаҳахьеит ишыргәаԥхаз ала", - ҳәа еиҭеиҳәеит Камкиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

1

Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит

4
(ирҿыцуп 13:38 19.01.2021)
Аладатәи Арратә округ аруаа рҿы массалатәи алаҵаҟаҵара иалагоит. Урыстәылатәи алаҵа "Спутник V" актәи апартиа ааган Аԥсны иҟоу арратә базахь ԥхынҷкәын 2 рзы.

АҞӘА, ажьырныҳәа 19 - Sputnik. 225 000-ҩык рҟынӡа Аладатәи арратә округ аррамаҵзурауаа фымз рыҩныҵҟа COVID-19 аҟынтә алаҵа рзыҟаҵахоит ҳәа аанацҳауеит ААО апресс-маҵзура.

Алаҵа рзыҟаҵахоит аррамаҵзурауаа рҭаацәа, аграждантә персонал. Зынӡа шәнызқьҩык рҟынӡа.

Амассатә лаҵаҟаҵара хацыркхеит Аладатәи арратә округ аҿы. Актәи акомпонент рзыҟарҵахьеит 17 000-ҩык рҟынӡа, ҩ-компонентк рзыҟарҵахьеит фнызқьҩык.

Жәабран  15  2021 шықәсанӡа арратә округ амедусҳәарҭақәа иазыԥхьагәарҭоит аҽа 60 000-ҩык алаҵа рзыҟаҵара.

Алаҵа хатәгәаԥхаралоуп ишыҟарҵо, иззыҟарҵо уи азы ашәҟәы инапы аҵеиҩуеит.

Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абасала иара адунеи аҿы ираԥхьатәиу коронавирус SARS-COV-2 иаҿагыло лаҵоуп.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау