Аԥсны партиа дула анаркотикқәа рыҭиразы ашьаус аӡбарҭахь инашьҭуп

4
2020 шықәса цәыббрамзазы зеиԥш уаанӡа иаагамыз аметадон апартиа ду аанкылан. Иара ареспублика атәылауаа раархәаразы иааган.

АҞӘА, ԥхынҷкәын 30 - Sputnik. Аԥсны ААР ашьаусԥшааратә усбарҭа ихнаркәшеит аусҭҵаара, Гагратәи араионтә ӡбарҭахь инанашьҭит ахарахаҵаратә хыркәшамҭа ҟаҵаны аус – Аԥсны иахьаҵанакуаз хыԥхьаӡара рацәала анаркотикқәа ааганы изҭиуаз еиҿкаау ацәгьоуратә гәыԥ алахәылацәа рганахьала. Абри атәы аанацҳауеит Аԥсны ААР апресс-маҵзура.

Урыстәыла иатәылауаау, Ростов-на-Дону инхо Артур Никитини Роман Сачкои ахара рыдырҵоит Аԥсны АЗ ахәҭаҷ 224 ахәҭа 3 иазԥхьагәанаҭо ацәгьоура ҟарҵеит ҳәа (анаркотикқәа хыԥхьаӡара дула раахәара, рыҵәахра, аҭираз рымҩангара, рыҭира).

Анаркотикатә маҭәашьар "метадон" 350 грамм иҟаз, аџьармыкьа еиқәаҵәа ҳәа изышьҭоу аҿы бжьаратәла зыхәԥса 14 миллион мааҭ иҟаз аанкылан цәыббрамзазы Аԥсны ААР анаркотикқәа реикәыршара ахылаԥшразы аусбарҭа аусзуҩцәа рылшарала. Артур Никитини Роман Сачкои анаркотикқәа рыладырҵәон ареспублика араионқәа рҿы иаԥҵаз аҵәахырҭа ҭыԥқәа рыла. Ростов-на-Дону аҟынтәи анаркотикқәа рыҭиҩцәа Афон ҿыц алырхит, избанзар аԥхынтәи асезон аан аԥсшьаҩцәа аҽрыларҩашьара мариоуп ҳәа. Аԥсны аҩнуҵҟа аныҟәаразы автомашьына аархәеит.

Ишьақәыргылоуп Артур Никитин шиакәу ацәгьоуратә гәыԥ еиҿызкааз. Роман Сачко машьынарныҟәцаҩык иҳасаб ала диман. Анаркотикшьҭаҵарҭас иалхны ирыман ашколқәа рааигәара адәқәа, ашьапылампыласырҭа дәқәа рааигәара ихуаадоу ахыбрақәа, афонартә шьаҟақәа.

Иахьазы аусҭҵаара хыркәшоуп. Рҩыџьагьы ахара рыдҵоуп. Артур Никитин аҿахәҿыхра мап ацәикит, иҟоу афактқәа дышҿаԥырҽуагьы ахара ихы иадибалом. Роман Сачко иакәзар, иҿы иқәшаҳаҭхеит, иҟоу зегьы аартны далацәажәеит.

Роман Сачко ихараҵоу ала 12 инаркны 15 рҟынӡа шықәса аҭакра иқәҵахоит, Артур Никитин иакәзар –15 шықәса инаркны иԥсахьынӡаҭоу аҭакра иқәҵахар ҟалоит.

4

Владимир Делба: Аԥсны аҵаратә процесс хацыркхар алшоит

3
Аԥсны ахада Аслан Бжьаниа ахәаша, ажьырныҳәа 22 рзы атәылаҿы ишьақәгылаз афымцамчтә кризис азҵаарақәа ирызкыз аилатәара мҩаԥигеит.

АҞӘА, ажьырныҳәа 23 - Sputnik, Бадраҟ Аҩӡба. Аԥсны аҵаратә процесс хацыркхар алшоит иҳәеит аамҭала Аԥсны аԥыза-министр инапынҵақәа назыгӡо Владимир Делба атәыла ахада ахәаша, ажьырныҳәа 22 рзы имҩаԥигоз аилатәара аан.

"Урыстәылантәи иҳауа афымцалашара хаҳарала ҳхы иаҳархәароуп. Ҳара ҳҿы макьана аҵараиурҭақәеи акультуратә усбарҭақәеи аркуп, аха аԥкрақәа мышкы зны иаԥыххоит. Аҵыхәтәантәи амшқәа рзы иҳауа адыррақәа ҳасаб рзаҳуазар, аԥкрақәа хәыҷы-хәыҷ ирԥсыҽны аҵаратә процесс хацыркхар алшоит", - иҳәеит Делба. 

Уи адагьы, Делба иажәақәа рыла, акультуреи аспорти русбарҭақәа рзгьы аԥкрақәа рԥсыҽзар ауеит, усҟан афымцацәаҳәақәа еиҳагьы аидара иаҵалоит.

"Ҳара абри ҳазыҟаҵазар ауп. Избанзар ашкол аҟны алашара, аԥхара аныҟамло аамҭаҿы ҳнеир ауеит, убасҟан ауп аҭагылазаашьа зынӡа ианыцәгьахо", - ҳәа азгәеиҭеит Владимир Делба.

Ажьырныҳәа 19 инаркны "Амшынеиқәафымцамч" афымцалашара ауааԥсыра рзынашьҭра ԥнакуа иалагеит аенергосистема ахьанҭара ахьацлаз азы. Астанциақәа рҿы амашәырқәа ҟамларц азы "Амшынеиқәафымцамч" аидара рацәаны ианақәло афымцалашара дырцәоит.

Иара убас шәаԥхьар ҟалоит:

3

Воуԥҳа: ауаа аилкаара аадырԥшыроуп, ҳҳақьымцәа уаҳа рылшом, дара рхаҭақәагьы чмазаҩхеит

6
(ирҿыцуп 11:08 23.01.2021)
Аҟәа ақалақь ахадара агәыбзиарахьчара аусбарҭа аиҳабы Ирма Воуԥҳа арадио Sputnik аефир аҿы еиҭалҳәеит анализқәа ахьрырҭо аҭыԥқәа рхыԥхьаӡара аҵҵареи, аинфекциатә хәышәтәырҭаҿы аҭыԥқәа рацҵаразеи аҳҭнықалақь ахада идҵа анагӡара аус шцо атәы.
Воуԥҳа: ауаа аилкаара аадырԥшыроуп, ҳҳақьымцәа уаҳа рылшом, дара рхаҭақәагьы чмазаҩхеит

"Иҟоуп ауаа ачымазара ӷәӷәаны излаҽны измоу. Ус еиԥш аинфекциатә хәышәтәырҭаҿы ианаанага, ҳара ахаан аҩныҟа иҳашьҭӡом. Ишакәзаалакгьы, Гәдоуҭатәи ахәышәтәырҭа аума, амобилтә госпиталь аума, аҭыԥ ԥшааны иҳашьҭуеит. Зыԥсыԥ ззымго, зшоура дуу, згәабзиара ашәарҭара иҭагылоу - урҭ ҳара ишьҭаҳҵоит, хымԥада. Егьыс инеиуа зегьы ирыҿцәажәаны, иаҭаху раҳәаны, иара уа аҭыԥ аҿгьы акапельница ҟаҵаны иауҳашьҭуа ишьақәыргыланы иҟоуп", - ҳәа еиҭалҳәеит Воуԥҳа.

Лара лажәақәа рыла аинфекциатә хәышәтәырҭаҿы аиарҭа аҭыԥқәа рхыԥхьаӡара ацҵаразы аусурақәа цоит.

"Ауадаҩра ахьыҟоу ареанимациатә ҟәшаҿы ауп. Иахьазы уа иҟоуп ԥшь-ҭыԥк. Иқәгылоуп ԥшь-ИВЛк. Зчымазара ӷәӷәоу аҭыԥқәа 10 рҟынӡа иаҵаҳҵарц ҳгәы иҭоуп. Агәабзиарахьчара аминистрра аҟынтә иҳауран иҟоуп еиҭа ИВЛ-қәа", - ҳәа лҳәеит Воуԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

6