Аинтернет аҿы аамҭалатәи аԥкрақәа заларгалаз, уи аус шауло атәы иалацәажәеит

15
(ирҿыцуп 10:16 30.12.2020)
Аимадареи, амассатә коммуникациақәеи, ацифратә ҿиареи рзы Аԥсны аҳәынҭеилакы ахантәаҩы Беслан Ҳалуашь ԥхынҷкәын 28 рзы адҵа ҟаиҵеит акриптовалиута аиура иадҳәалоу аԥкрақәа алагалазарц.

АҞӘА, ԥхынҷкәын 30 – Sputnik. Акриптовалиута аиура иадҳәалоу аусурақәа рзы аинтернет аиураз аԥкрақәа ралагалара аамҭала аенергосистема ахьанҭара аҵхроуп изызку ҳәа иҳәеит арадио Sputnik аҿы Аимадареи, амассатә коммуникациақәеи, ацифратә ҿиареи рзы Аԥсны аҳәынҭеилакы ахантәаҩы ихаҭыԥуаҩ Роланд Ратиа.

"Ареспублика аенергосистема аидара еиҳа-еиҳа иазҳауеит, убри инадҳәаланы иӡбоуп аинформациа-телекоммуникациатә ҳа "Интернет" абонентцәа акриптовалиута аиураз аусура рылзыршо адоментә хьыӡқәа реиқәыԥхьаӡа, асаитқәа рдаҟьақәеи аҳатә ҭыӡҭыԥқәеи рырбагақәа рхархәаразы аԥкрақәа алагалазарц. Иалшо аабап. Сгәыӷуеит афымцаҳақәа маҷк иадамзаргьы рхы иақәиҭаҳтәып, Ашықәс ҿыц азгьы алашара арцәара ҳақәымшәап ҳәа", - иҳәеит иара.

Ҳалуашь иажәақәа рыла, аусԥҟа анагӡашьаз ахылаԥшра анапы ианҵоуп Аԥсны Аҳәынҭеимадара ахылаԥшраз адепартамент.

"Аӡәгьы иҳәом аҭыӡҭыԥқәа зегь аблокада рзаауеит ҳәа, аха егьа ус иҟазаргьы, аус хра аиуеит. Аригьы акала авсшьа аԥшаара иашьҭалозар акәхап, аха ма аамҭак асистема аԥсы аҳаршьоит", - ҳәа иҳәеит иара.

ИАЕ "Абаза-Телеком" адиректор хада Алексеи Гьериа иажәақәа рыла, аинтернет проваидерцәа рзы уадаҩрак амам Аилак адҵа анагӡара. Уи азы аԥарацҵагьы аҭахым, аресурсқәагьы аҭахым.

"Аблокада ззутәу аҭыӡҭыԥқәеи асаитқәеи рсиа ҳарҭоит. Ауаҩы ари асаит аҭалараз азыҳәа ҟаиҵар, аҭак иоуам. Ари аҩыза апрактика ахархәара амоуп Урыстәылагьы", - ҳәа иҳәоит иара.

Гьериа иазгәеиҭеит ахархәаҩцәа жәпаҩык агәаанагара шрымоу аинтернет ахаҭа ахархәара уадаҩхар ауеит ҳәа.

"Аинтернет ахархәаҩцәа жәпаҩык агәаанагара рымоуп аинтернет ахаҭа ахархәара уадаҩхар ауеит ҳәа. Ари ацәшәара аҭахӡам. Ҳара аҟазауаа адҵа раҳҭоит, дара асаитқәа иҟоу асерверқәа рахь иҭаргалоит. Арҭ асаитқәа даҽакала аус рулоит. Уи знык иҟауҵоит, уаҳа акгьы аҭахым", - ҳәа иҳәеит иара.

Аминистрцәа Реилазаара ақәҵара инақәыршәаны Аԥсны иахьаҵанакуа ԥхынҷкәын 8 раахыс амаининг фермақәа русура аанкылоуп 2021 шықәса рашәара 1 аҟынӡа.

Ԥхынҷкәын 28 рзы аимадареи, амассатә коммуникациақәеи, ацифратә ҿиареи рзы Аԥсны аҳәынҭеилакы ахантәаҩы Беслан Ҳалуашь адҵа ҟаиҵеит акриптовалиута аиура иадҳәалоу аԥкрақәа алагалазарц.

Аимадара аоператорцәа рнапы ианҵоуп иахәҭоу атехникатә уснагӡатәқәа мҩаԥыргарц акриптовалиута аиураз аусура алзыршо адоментә хьыӡқәа реиқәыԥхьаӡа, асаитқәеи аҳатә ҭыӡҭыԥқәеи рдаҟьақәа рырбага рхархәара алмыршаразы.

Акриптовалиута аиуразы аусурақәа рыԥкыраз адҵа амчра аиуит ԥхынҷкәын 29 инаркны.

Иара убас шәаԥхьар ҟалоит:

15

Аԥсны COVID-19 рыдырбалеит даҽа 176-ҩык ауааԥсыра

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10784ҩык ыҟоуп, ргәы бзиахеит 8513-ҩык, рыԥсҭазаара иалҵит 152-ҩык.

АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

327
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

327
Атемақәа:
Ачымазара ҿкы – акоронавирус Аԥсни адунеи аҿи: иалкаау