Аԥснынтәи Урыстәылаҟа 47 000 тонна ацитрусқәа алгоуп

18
(ирҿыцуп 13:02 30.12.2020)
Ацитрус шәырқәа ирласны иԥхасҭахо ҳәа ишьаны урҭ риагараз аҳазалхратә еиҿкаара аԥыжәара аҭаны имҩаԥыргоит.

АҞӘА, ԥхынҷкәын 30 - Sputnik. Аԥснынтәи Урыстәылаҟа 47 000 тонна ацитрусқәа алгоуп ҳәа аанацҳауеит Краснодартәи аҳазалхырҭа апресс-маҵзура.

"Ашықәс ҿыц аныҳәа аламҭалазы аурыс-аԥсуа ҳәааҿы активла ацитрус аалыҵи егьырҭ ақыҭанхамҩатә аалыҵқәеи аҳәаа ишахырго убоит. Иахьазы аҳазалхырҭатә аушьҭырҭатә ҭыԥ "Адлер" аҿы иазгәарҭахьеит 46 582 тонна амандарина, 762 тонна ахәырма, 907 тонна афеихоа шахыргаз", - аҳәоит адырраҭараҿы.

Аиҿырԥшразы, 2019 шықәсазы аҳәаа иахыган 12 126 тонна амандарина, 65 тонна ахәырма, 398 тонна афеихоа.   

Уахыки-ҽнаки рыҩныҵҟа бжьаратәла 1200 тонна ацитрусқәа аҳәаа иахыргоит, аҳәаа иахысуеит 200 рҟынӡа транспорттә еидарамҩангага.

Иааидкыланы сынтәа 50 000 тонна рҟынӡа ацитрусқәа рекспорт иазыԥшуп.

Иара убас шәаԥхьар ҟалоит:

 

18

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

205
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

205

"Амшынеиқәафымцамч" афымцалашара аиуразы аԥкырақәа аланагалоит

8
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

8