Аминистрцәа Реилазаара аҳәынҭобиектқәа рҿы амаинингқәа рықәыргылара азин ҟанаҵом
АҞӘА, ԥхынҷкәын 30 - Sputnik. Аԥсны Аминистрцәа Реилазаара азин ҟанаҵом аҳәынҭнапхгараҭара, ареспубликатәи аунитартәи наплакқәа, аҳәынҭеилахәырақәа, аусбарҭақәа робиектқәеи рҵакырақәеи рҿы акриптавалиута аиуразы ахархәагақәа рықәыргылареи рыҵәахреи. Абри атәы аанацҳауеит Аминистрцәа Реилазаара асаит.
Аҳәынҭқарратә усбарҭақәеи аиҿкаарақәеи рнапы ианҵоуп:
- акриптавалиута аиуразы ахархәагақәа рықәыргылареи рыҵәахреи рзы ахархәара зырҭо ахыбрақәеи аҭыԥқәеи рарендазы аилаӡарақәа аԥыхтәуп;
- акриптавалиута аиуразы ахархәагақәа рықәыргылареи рыҵәахреи рзы ахархәара зырҭо ахыбрақәеи аҭыԥқәеи аамҭа мгакәа иҭарцәтәуп;
- абри Адҵа анапы анаҵаҩха инаркны 15 мзартә мшы рыҩныҵҟа Аекономика аминистррахь адыррақәа нашьҭтәуп абри апункт шынагӡо азы;
- аҳәынҭусбарҭақәеи аиҿкаарақәеи рнапхгаҩцәа аҭакԥхықәра рыдуп абри адҵа еиларгозар.
Аԥсны ААРи "Амшынеиқәафымцамч", Аекономика аминистрра, Аԥсны АШәМ акриптавалиута аиуразы ахархәагақәа ма атрансформаторқәа аҵәахырҭахь инаргароуп амаининг амҩаԥгараз аԥкыра аҿҳәара нҵәаанӡа.
Ԥхынҷкәын 25 рзы АУН "Амшынеиқәафымцамч" адиректор хада аусдҵа ҭижьит ареспублика аҵакыраҿы иҟоу афермақәа зегьы аҿыхзарц.
Аимадареи, амассатә коммуникациақәеи, ацифратә ҿиареи рзы Аԥсны аҳәынҭеилакы ахантәаҩы Беслан Ҳалуашь ԥхынҷкәын 28 рзы адҵа ҟаиҵеит акриптовалиута аиура иадҳәалоу аԥкрақәа алагалазарц рашәара акынӡа.
Аминистрцәа Реилазаара ақәҵара инақәыршәаны Аԥсны иахьаҵанакуа ԥхынҷкәын 8 раахыс амаининг фермақәа русура аанкылоуп 2021 шықәса рашәара 1 аҟынӡа. Иара убасгьы азин ҟаҵам ахархәагақәа раагаразы.
Иара убас шәаԥхьар ҟалоит:
- Аинтернет аҿы аамҭалатәи аԥкрақәа заларгалаз, уи аус шауло атәы иалацәажәеит
- Аимадараз аҳәынҭеилакы аинтернет аиураз аԥкрақәа аланагалоит амаинингқәа ирхырҟьаны
Аԥсны COVID-19 рыдырбалеит даҽа 176-ҩык ауааԥсыра
АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.
Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.
Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу. Река ақыҭа афельдшер: ажәлар рзы даара иуадаҩу аҭагылазаашьа шьақәгылеит
"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.
Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.
"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Акоронавирус иазку ажәабжьқәа зегьы шәрыԥхьар ҟалоит абра>>