Аԥсны агәабзиарахьчара аминистрра акоронавирус ахәышәтәра аиҭакрақәа аланагалеит

22
(ирҿыцуп 16:42 31.12.2020)
Аԥсны Агәабзиарахьчара аминистр Ҭамаз Ҵахнакьиа аоперативтә штаб аилатәара мҩаԥигеит. Акоронавирус ахәышәтәра аԥкаанҵа аиҭакрақәа алеигалеит.

АҞӘА, ԥхынҷкәын 31 - Sputnik. Агәабзиарахьчара аминистрра акоронавирус ахәышәтәра аиҭакрақәа аланагалеит авирус иаҿагыло ахәышәқәа рганахь ала ҳәа аанацҳауеит аусҳәарҭа апресс-маҵзура.

"Ачымазара ахәышәтәра аԥкаанҵа аҵыхәтәантәи абжьгарақәа рыла еиҿкаауп", - лҳәеит Аԥсны аҳақьым хада Анжела Арҷелиаԥҳа. Иагьазгәалҭеит аминистрра ишаиуз аҵыхәтәантәи аамҭазы ахархәара ҭбаа зауз ахәышә ҿыц.

Ареспублика амедусҳәарҭақәа рҳақьым хадацәа иазгәарҭоит, араионқәа зегьы рҿы ачымазара аҽшарҭбааз. Аԥсны асанитартә ҳақьым хада Лиудмила Скорик иазгәалҭеит аныҳәамшқәа раангьы абаклабораториа уаанӡатәи арежим ала аус шауа.

Ҭамаз Ҵахнакьиа аҳәамҭа ҟаиҵеит амедусбарҭақәа зегьы уаанӡатәи арежим ала усура мҩаԥыргалар шакәу.

АУН "Аԥсныфармациа" адиректор Рустам Адлеиба иҳәеит ковид-чымазцәа ахьырхәышәтәуа ахәышәтәырҭақәа зегьы еиԥҟьарада иахәҭоу ахәшәи аныхратә материали рыла ишеиқәшәо. Ус шакәугьы идифициту атауарқәа роуразы апроблемақәа ыҟоуп.

Иахьазы Аԥсны коронавирус 8825-ҩык ирыдырбалахьеит. 117-ҩык рыԥсҭазаара иалҵит, ргәы бзиахеит 6872-ҩык.

22
Атемақәа:
Аҿкычымазара – акоронавирус Аԥсни адунеи аҿи: иалкаау (995)

Аԥсны акоронавирус 85-ҩык ирыдырбалеит, аӡәы лыԥсҭазаара далҵит

4
(ирҿыцуп 23:55 26.01.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11301-ы ыҟоуп, ргәы бзиахеит 9207-ҩык, рыԥсҭазаара иалҵит 161-ы.

АҞӘА, ажьырныҳәа 26 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 555-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшитҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лыԥсҭазаара далҵит 1947 шықәса рзы ииз апациентка. Илзықәыргылаз адиагноз хадаакоронавирустә инфекциа ҿыц ауп, иара убас илыдбалан ҩганктәи ахәышәтәырҭанҭыҵтә аполисегментартә гәыҵәкра.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 125-ҩык, урҭ рахьтә 107-ҩык акоронавирус адиагноз рзышьақәыргылоуп, рҭагылазаашьа бааԥсуп 33-ҩык, ибжьаратәуп - 54-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 33-ҩык апациентцәа, Очамчыра ирхәышәтәуеит 18-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 25-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 48-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау (995)

Ҭарба апандемиа аамҭазы ансамбль "Кавказ" абзазашьазы: ҳусқәа еилажьны иҟоуп

11
(ирҿыцуп 20:58 26.01.2021)
Ансамбль "Кавказ" асахьаркыратә напхгаҩы, Аԥсны Жәлар рартист Арвелод Ҭарба арадио Sputnik аефир аҟны еиҭеиҳәеит аҿкычымазара иахҟьаны атәылаҟны иалагалоу аԥкрақәа ансамбль акәашацәа рҟазара ишаныԥшуа атәы.
Ҭарба апандемиа аамҭазы ансамбль "Кавказ" абзазашьазы: даара ҳусқәа еилажьны иҟоуп

Аԥсны Жәлар рартист Арвелод Ҭарба иҳәеит аҿкычымазара COVID – 19 шихьыз, аҳақьымцәа ирырҭо абжьгарақәа рыла аҩны иҭаацәеи иареи аҽыхәышәтәра ишахысуа.

"…ижәбоит акарантин ишацҵоу, даара ҳгәы хьаауеит, ансамбль аҟынтәи аҷкәынцәеи аӡӷабцәеи аҭел иасуеит, ҳанбаҭыҵуеи ҳәа иҵаауеит, ихьааргоит. Даара ҳусқәа еилажьны иҟоуп, азин ҳарҭар, аусура ҳанбалагои ҳәа иԥшуп. Ас еиԥш аҭагылазаашьа зынӡа ишьақәнарҟьагәышьоит, аха иҟаҳҵари? Досу хаҭала рҽазыҟарҵоит, аха уи ахәаӡом. Аусура ҳҭыҵыргьы мызкы-ҩымз аҽазыҟаҵара ӷәӷәа аҭаххоит, ижәбоит шаҟа аамҭа цахьоу. Мызкы аколлектив аԥсшьара ианауҳажьуаз, аусура ҿыц ҳалагазшәа ашьапеихгара ҳцәыцәгьан, уажәы шаҟа аамҭа ҵуа аус ҳамуеижьҭеи. Акәашаҩ ашьапылымпыласҩы диҩызоуп, иҽазыҟаимҵакәа ампыл иҭаны астадион дықәуҵар, ахы-аҵыхәа дызнеиӡом, игәы аангылоит, иԥсы акуеит, - ус иҟоуп акәашацәагьы", - иҳәеит Ҭарба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11
Атемақәа:
Аҿкычымазара – акоронавирус Аԥсни адунеи аҿи: иалкаау (995)