Аԥсны агәыҳалалра ацҳаражәҳәаҩцәа Аԥсны ажәлар Ашықәс ҿыц рыдырныҳәалеит

7
(ирҿыцуп 17:38 31.12.2020)
Аиҿкаара "Аԥсны агәыҳалалра ацҳаражәҳәаҩцәа" еиҿкаан Москва, 2017 шықәса рашәарамзазы. Иара иалахәуп аҳәынҭқарратәи ауаажәларратәи усзуҩцәа, ашәаҳәаҩцәа, амузыкарҳәаҩцәа уҳәа егьырҭгьы.

АҞӘА, ԥхынҷкәын 31– Sputnik. Урыстәыла жәлар рартистка, ашәаҳәаҩ Валериа, ашәаҳәаҩ Николаи Басков, акомпозитор, амузыкатә продиусер Максим Фадеев уҳәа егьырҭгьы Аԥсны ажәлар аныҳәа рыдырныҳәалеит.

Урыстәыла жәлар рартистка, ашәаҳәаҩ Валериа иахьатәи аамҭа иақәшәо ҳажәлар аиммунитет ҳараки агәамчи рзеиӷьалшьеит.

"Сара агәра ганы сыҟоуп хара имгакәа уаанӡатәи ҳаԥсҭазаара ҳшазыхынҳәуа, иаҳҭаху ҳазҭаху ҳарныруа, ҳгәырӷьо-ҳаччо ҳшыҟало", -  лҳәоит Валериа.

Николаи Басков 2021 шықәса зегьы рзы иссиру шықәсны иҟаларц азеиӷьашьара ҟаиҵеит.

Хьыбла Гьерзмааԥҳа иналыгӡо ашәа "Сара с-Аԥсны" автор, акомпозитор Максим Фадеевгьы Аԥсны ауааԥсыра дрыдныҳәалеит.

"Ишәзеиӷьасшьар сҭахуп анасыԥ, агәабзиара, шәыгәқәа раҳаҭны, иаартны иахьа ишыҟоу еиԥш ахааназгьы иҟазааит", - иҳәеит иара.

"Аԥсны агәыҳалалра ацҳаражәҳәаҩцәа" афонд адиректор Едгар Ӷәазаа зегьы ирзеиӷьеишьеит аманшәалара, агәамч нагӡа.

Адныҳәаларақәа ҟаҵан Урыстәыла аҿари аспорти рзы Афедералтә маҵзура аиҳабы Александр Бугаев, Аԥсны зҽаԥсазтәыз артист Кесоу Ҳагба, ашәаҳәаҩ Милена Барцыцԥҳа, апоет Анатоли Лагәлаа рҟынтәи.

Аиҿкаара "Аԥсны агәыҳалалра ацҳаражәҳәаҩцәа" еиҿкаан Москва, 2017 шықәса рашәарамзазы. Иара иалахәуп аҳәынҭқарратәи ауаажәларратәи усзуҩцәа, ашәаҳәаҩцәа, амузыкарҳәаҩцәа уҳәа егьырҭгьы.

7

"Амшынеиқәафымцамч" афымцалашара аиуразы аԥкырақәа аланагалоит

8
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

8

Ҳанагәуа: афермақәа аҿыхуп, аха рыуа-рҭахы рахь ишаны аҩнқәа рҿы иахьдыргылаз ыҟоуп

13
(ирҿыцуп 17:19 19.01.2021)
Гәылрыԥшь араион "Амшынеиқәафымцамч" афилиал аиҳабы Зураб Ҳанагәуа арадио Sputnik аефир аҿы еиҭеиҳәеит араион аҿы амаинингқәа рҿыхразы имҩаԥырго аусура атәы.
Раионк аԥсҭазаараҟынтә: Ҳанагәуа Гәылрыԥшь амаинингқәа рзы

"Афермақәа ахьаҟәырхыз рыуа-рҭынха рахь ишаны аҩнқәа рҿы иахьдыргылаз ыҟоуп. Уи проблеманы иҟоуп атәыла зегьы аҿы. Ҳраион аҿы афермақәа иаҿыхны, еимыхны иҟоуп. Ҳара есыҽны агәаҭарақәа мҩаԥаагоит. Трансформаторк аҿы аӡәы днеины акы аԥишьыр, ихаҳҵәоит, ҳрацәажәоит. Иҟоуп ахҭысқәа ихҵәаны нас еиҭа имҵаа иахьаԥыршьуа, аха урҭ анаҩс еиҭа иаҿаҳхуеит. Аусутәқәа зегьы мҩаԥгахар, ҳаргьы ԥсеивгарак ҳауеит ҳәа сақәгәыӷуеит ", - ҳәа еиҭеиҳәеит Ҳанагәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

13