Атуристтә дәыӷба "Шәача" Роза Хуторынтәи Гаграҟа мшаԥы нҵәаанӡа иныҟәалоит

21
(ирҿыцуп 10:51 11.01.2021)
Аретро-дәыӷба "Шәача" Аԥсныҟа иныҟәоит 2020 шықәса нанҳәамза инаркны, ҭагалангьы, аӡынгьы аныҟәара иаҿын.

АҞӘА, ажьырныҳәа 5 - Sputnik. Ишиашоу ицо адәыӷбеимадара Роза Хутор – Гагра аус аулоит мшаԥымза нҵәаанӡа ҳәа адырра ҟарҵеит Урыстәылатәи аихамҩақәа рсаит аҟны.

"Атуристтә маршрут ҿыцқәа рырҿиаразы Афедералтә пассаџьыртә еилахәыра иацнаҵеит ишиашоу Роза Хутор – Адлер иныҟәо атуристтә дәыӷба "Шәача" иацраҳәоу авагонқәа №930/929 рныҟәара аамҭа. Урҭ мшаԥымза нҵәаанӡа иныҟәалоит. Ашьхашәҩатә курорт Роза Хутор аҟны зыԥсы зшьо алшара рымоуп рыԥсшьараамҭа еиҳагьы идырлахҿыхырц Аԥсны Аҳәынҭқаррахь ҽнактәи аныҟәара мҩаԥганы", - ҳәа аанацҳауеит адырраҭара.

Ажьырныҳәа 13 инаркны атуристтә дәыӷба Шәачантәи Гаграҟа иныҟәалоит, Адлер, Весиолое, Цандрыԥшь аангыларҭақәа рҟны иаангылоит. Адлер адәыӷба иацрарҳәои ишиашоу ицо авагонқәа Роза Хутор – Адлер.

Шәачантәи Аԥсныҟа иаар зҭаху атуристцәа аҩаша ада есҽны иныҟәалар рылшоит. Шәачантәи адәыӷба дәықәлоит асааҭ 7:45 рзы, Гагра инеиуеит асааҭ 11:30. Гагрантәи шьҭахьҟа идәықәлоит 18:43 рзы, Шәача инеиуеит 22:25 рзы. Роза Хутор аҟынтәи ишиашоу иаауа авагонқәа аҩаша ада есҽны идәықәлоит асааҭ 07:14 рзы, шьҭахьҟа игьежьуеит асааҭ 23:10 рзы.

Атуристтә дәыӷба апассаџьырцәа Гагра ҽнак рхыргар рылшоит, мамзаргьы иаархәар ауеит Аԥсны аҭыԥ ԥшӡарақәа рҭааразы иаку атур.

Атуристтә дәыӷба "Шәача" амаршрут Тҟәаԥс - Шәача - Гагра аныҟәара иалагеит 2020 шықәса нанҳәамза инаркны. Уи авагонқәа асовет аамҭаан ишыҟаз еиԥшны иҟаҵоуп, убри аан иахьатәи аамҭа аҭахрақәагьы ирықәшәоит. Авагон-ақьафурҭаҿы ауаа ирыдыргалоит аурыси аԥсуеи чысқәа.

21

Аԥсны COVID-19 рыдырбалеит даҽа 176-ҩык ауааԥсыра

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10784ҩык ыҟоуп, ргәы бзиахеит 8513-ҩык, рыԥсҭазаара иалҵит 152-ҩык.

АҞӘА, ажьырныҳәа 18 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 544-ҩык атестқәа рзыҟаҵан, урҭ рахьтә 176-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-ҩык, урҭ рахьтә 105-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 35-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 20-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 24-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 60-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

327
(ирҿыцуп 23:02 19.01.2021)
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

327
Атемақәа:
Ачымазара ҿкы – акоронавирус Аԥсни адунеи аҿи: иалкаау