Аслан Бжьаниа Хьыбла Гьерзмааԥҳа лымшира лыдиныҳәалеит

14
Аоператә шәаҳәаҩы, Аԥсни Урыстәылеи Жәлар рартистка Хьыбла Гьерзмааԥҳа диит Пицунда ажьырныҳәа 6, 1970 шықәса рзы.

АҞӘА, ажьырныҳәа 6 - Sputnik. Аԥсны ахада Аслан Бжьаниа Аԥсны Аҳәынҭқарреи Урыстәылатәи Афедерациеи Жәлар рартистка Хьыбла Гьерзмааԥҳа лымшира лыдиныҳәалеит.

"Гәык-ԥсыкала ишәыдысныҳәалоит шәымшира. Шәара зыхьӡ хара инаҩхьоу, зегьы еицырдыруа шәаҳәаҩуп, адунеитә оператә сцена аеҵахәқәа шәраԥхьагылоуп. Шәара ишәылоу абаҩхатәра, ишәхоу абжьы хаа аклассикатә музыка абзиабаҩцәа ҽакы иаладырҩашьом, ахә ҳаракны иршьоит адунеи зегь аҟны", - ҳәа аҳәоит атәыла ахада иофициалтә саит аҟны икьыԥхьу адныҳәалара атекст аҿы.

Бжьаниа иазгәеиҭеит Гьерзмааԥҳа лҟазара ҳаракы ала лыԥсадгьыл Аԥсны шӡырылго адунеи иреиӷьӡоу атеатрқәа рысценаҟны, уи азы лыуаажәлар еснагь илызгәыдууп, ҳаҭыр ду лықәырҵоит, иҭабуп ҳәагьы ларҳәоит.

Атәыла ахада аопера аеҵәахә агәабзиареи, аманшәалареи, лаԥхьаҟа лҟазараҿы аихьӡара дуқәеи лзеиӷьеишьеит.

14

Аԥсны акоронавирус 85-ҩык ирыдырбалеит, аӡәы лыԥсҭазаара далҵит

4
(ирҿыцуп 23:55 26.01.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 11301-ы ыҟоуп, ргәы бзиахеит 9207-ҩык, рыԥсҭазаара иалҵит 161-ы.

АҞӘА, ажьырныҳәа 26 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 555-ҩык атестқәа рзыҟаҵан, урҭ рахьтә 85-ҩык акоронавирус рцәа ишалаз аадырԥшитҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лыԥсҭазаара далҵит 1947 шықәса рзы ииз апациентка. Илзықәыргылаз адиагноз хадаакоронавирустә инфекциа ҿыц ауп, иара убас илыдбалан ҩганктәи ахәышәтәырҭанҭыҵтә аполисегментартә гәыҵәкра.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 125-ҩык, урҭ рахьтә 107-ҩык акоронавирус адиагноз рзышьақәыргылоуп, рҭагылазаашьа бааԥсуп 33-ҩык, ибжьаратәуп - 54-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 33-ҩык апациентцәа, Очамчыра ирхәышәтәуеит 18-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 25-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 48-ҩык апациентцәа.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау

Ҭарба апандемиа аамҭазы ансамбль "Кавказ" абзазашьазы: ҳусқәа еилажьны иҟоуп

11
(ирҿыцуп 20:58 26.01.2021)
Ансамбль "Кавказ" асахьаркыратә напхгаҩы, Аԥсны Жәлар рартист Арвелод Ҭарба арадио Sputnik аефир аҟны еиҭеиҳәеит аҿкычымазара иахҟьаны атәылаҟны иалагалоу аԥкрақәа ансамбль акәашацәа рҟазара ишаныԥшуа атәы.
Ҭарба апандемиа аамҭазы ансамбль "Кавказ" абзазашьазы: даара ҳусқәа еилажьны иҟоуп

Аԥсны Жәлар рартист Арвелод Ҭарба иҳәеит аҿкычымазара COVID – 19 шихьыз, аҳақьымцәа ирырҭо абжьгарақәа рыла аҩны иҭаацәеи иареи аҽыхәышәтәра ишахысуа.

"…ижәбоит акарантин ишацҵоу, даара ҳгәы хьаауеит, ансамбль аҟынтәи аҷкәынцәеи аӡӷабцәеи аҭел иасуеит, ҳанбаҭыҵуеи ҳәа иҵаауеит, ихьааргоит. Даара ҳусқәа еилажьны иҟоуп, азин ҳарҭар, аусура ҳанбалагои ҳәа иԥшуп. Ас еиԥш аҭагылазаашьа зынӡа ишьақәнарҟьагәышьоит, аха иҟаҳҵари? Досу хаҭала рҽазыҟарҵоит, аха уи ахәаӡом. Аусура ҳҭыҵыргьы мызкы-ҩымз аҽазыҟаҵара ӷәӷәа аҭаххоит, ижәбоит шаҟа аамҭа цахьоу. Мызкы аколлектив аԥсшьара ианауҳажьуаз, аусура ҿыц ҳалагазшәа ашьапеихгара ҳцәыцәгьан, уажәы шаҟа аамҭа ҵуа аус ҳамуеижьҭеи. Акәашаҩ ашьапылымпыласҩы диҩызоуп, иҽазыҟаимҵакәа ампыл иҭаны астадион дықәуҵар, ахы-аҵыхәа дызнеиӡом, игәы аангылоит, иԥсы акуеит, - ус иҟоуп акәашацәагьы", - иҳәеит Ҭарба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11
Атемақәа:
Аҿкычымазара – акоронавирус Аԥсни адунеи аҿи: иалкаау