АҶА амцарцәаҩцәа ҷаԥшьоит Гагра араион иҟоу амцакрақәа рҭагылазаашьа ахылаԥшразы

38
(ирҿыцуп 14:15 08.01.2021)
Гагра араион иҟоу амца аҽеиҩнашеит, амцакрақәа аҭыԥ рымоуп ақалақь ашьхара иахьаԥнуи амшын азааигәареи, аҩнқәа рҟынӡа инаӡеит, 100 метрак иааигәаны.

АҞӘА, ажьырныҳәа 8-Sputnik. Гагра араион иҟоу амцакрақәа рҭагылазаашьа ахылаԥшра азыруеит, аҭыԥаҟны ичаԥшьоит хә-гәыԥк амцарцәаҩцәа. Абри атәы Sputnik иазеиҭеиҳәеит Гагра араиони Гагра ақалақьи аиқәырхара- абылрацәыхьчаратә ҟәша аиҳабы Давид Бганба.

"Аҭагылазаашьа ахылаԥшра ахҭоит, ҳамчқәа азхоит", - иҳәеит иара.

Бганба иажәақәа рыла, амцакрақәа анхарҭаҩнқәа рҟынӡа инаӡеит, 100 метрак иааигәаны.

Гагра акәша-мыкәша абнарақәа амца ркит хымш раԥхьа, анаҩс ахаша ажьырныҳәа 6 рзы шьыжьнаҵы амца атрасса Ԥсоу - Егры ахь илбааит, уи иахҟьаны ахаҳә леит. Еиҳарак аҭыгалазаашьа уадаҩын асанатори "Москва" иахьаҵанакуа аҭыԥ аҿы. Амца аанкылара рылшеит, асанатори ԥырхага амоуит.

Ажьырныҳәа 7 рзы, ахәылбыҽха адырра ҟаҵан Гагра араион аҟны абнаҿы амцакрақәа аҩнқәа рҟынӡа инаӡеит, 150 метра инареиҳаны ҳәа. Араион анапхгара ирҳәахьан иаҭахны иҟалозар ауааԥсыра ралгара иазыхиоуп ҳәа. Ибылуаз еиҳарак абна аҵеи иҩаз аҳаскьынреи ракәын, абылрақәа рҵакьырадгьыл ф-гектарк рҟынӡа инаӡоит. Амцарцәаразы инашьҭын амцарцәаратә гәыԥқәа ԥшьбеи, Гагра аиқәырхаратә гәыԥи, Аҟәатәи амцарцәаратә гәыԥи.

Аԥсны АҶА апресс-маӡаныҟәгаҩ Роман Лабиа иазгәеиҭеит, амцакрақәа ауаатәыҩса ишырхароу, - "анхаҩцәа рбаҳчақәа рҟны аҳаскьын ҩа амца ацрарҵоит, нас аԥша иахҟьаны амца аҽарцәгьоит".

Уи аԥхьа адырра ыҟан Гәдоуҭеи Гали рраионқәа рҟны амцакрақәа аҭыԥ шрымаз.

Иара убас шәаԥхьар ҟалоит:

38
Атемақәа:
Аԥсны абнарақәа рбылра (27)

Бжьаниа Аҟәатәи аҳаиртә баӷәаза аусура алагара аҿҳәарақәа дрылацәажәеит

2
(ирҿыцуп 16:01 28.01.2021)
Аԥсны ахада Аслан Бжьаниа Аԥсуа телехәаԥшра аинтервиу анеиҭоз дазааҭгылеит Аҟәатәи аҳаирбаӷәаза аусура алагара аҿҳәара азҵаарагьы.

АҞӘА, ажьырныҳәа 28 – Sputnik. Аԥсназы акрызҵазкуа акәны иҟоуп Аҟәатәи аҳаирбаӷәаза аусура алагара, иара 2024 шықәса иахымгакәа аусура иалагап ҳәагьы ҳгәыӷуеит, абри атәы иҳәеит Аԥсны ахада Аслан Бжьаниа Аԥсуа телехәаԥшра аинтервиу анеиҭоз.

"Ҩымчыбжь рахь знык Урыстәыла атранспорт аминистрраҿы аилацәажәара мҩаԥысуеит. Аԥсныҟа изныкымкәа аҟазауаа аахьеит. Иаахьеит аинвесторцәагьы. Апроект аусура иалагоит. Зықьҩык иреиҵамкәа аусурҭа ҭыԥқәа роуеит", - иҳәеит ахада.

Бжьаниа иҳәеит ари аҩыза азҵаара мышкала иуӡбо шакәым.

"Аиҳабыра рҿаԥхьа аусдҵа ықәыргылахоит. Иара ҵоураны аӡбра аиҳабырагьы ирлахьынҵахоит. 2024 шықәсанӡа аус аҭыԥ ианықәҵамха ҳкабинетқәа ҳазрыҩнатәозеи", - азгәеиҭеит иара.

2019 шықәсазы Владислав Арӡынба ихьӡ зху жәларбжьаратәи аҳаирбаӷәаза "Аҟәа" жәларбжьаратә анбантә код аиуит. Иара убасгьы иара аицтәаратә баӷәаза астатус аиуит. Уи иазыԥхьагәанаҭоит аграждантәи аҳәынҭқарратәи (арратә, аҳазалхратә, аҳәынҭқарратә маҵзура мҩаԥызго аҽа хкык) авиациа абаӷәазаҿ реицыҟазаара.

Иара убас шәаԥхьар ҟалоит:

2
Атемақәа:
Аҟәатәи аҳаирбаӷәаза

Аԥсни Урыстәылеи рыруаа аицҽазыҟаҵарақәа мҩаԥыргеит

3
(ирҿыцуп 15:52 28.01.2021)
Аицҽазыҟаҵарақәа мҩаԥган Аԥсни Урыстәылеи рыруаа еиуеиԥшым азыхиарақәа раан реицхымҩаԥгашьа ахәшьара аҭаразы.

АҞӘА, ажьырныҳәа 28 - Sputnik. Хнызқьҩык инарзынаԥшуа Аԥсны иҟоу Урыстәылатәи Аладатәи арратә округ арратә база аррамаҵзурауааи Аԥсны Аҳәынҭқарра арратә мчра аррамаҵзурауааи аицҽазыҟаҵарақәа мҩаԥыргеит ҳәа аанацҳауеит Аладатәи арратә округ апресс-маҵзура.

Агәыԥ Аԥсны имҩаԥыргеит иаалырҟьаны ашьхараҿи амшын иахьаԥнуи аҭыԥқәа рҿы арратә техникеи аџьаԥҳани разырхиара, аматериал хархәагақәеи азынџьаԥҳани реиқәыршәара.

Еицырзеиԥшу аусдҵа анагӡашьа ахылаԥшра арҭон аԥырҩы дызҭам аԥрыгақәа рхархәарала.

Иааидкыланы ауснагӡатә иалахәын 500 ак арратә техника, атанкқәа Т-72Б3, акәылӡытранспортиорқәа БТР-82А, акәылӡыавтомашьынақәа "Тигр" уҳәа арратә машьынақәа жәпакы.

3