ЛЭП

Логәуа: авольтҳарак цәаҳәа Аҽгәара аремонт Егрынтәи иаауа афымцалашара апроблема аӡбуеит

27
(ирҿыцуп 12:35 11.01.2021)
Аҽгәаратәи авольтҳарак фымцацәаҳәа ареспублика зегьы лашарала еиқәнаршәоит ЕгрыГЕС аҟынтәи ишиашо 220 вольт аашьҭуа.

АҞӘА, ажьырныҳәа 8 - Sputnik. ЕгрыГЕС аҟынтәи ишиашо 220 вольт аазышьҭуа Аҽгәаратәи авольтҳарак цәаҳәа аремонт Егрынтәи иаауа афымцалашара апроблема аӡбуеит ҳәа иҳәеит АУН "Амшынеиқәафымцамч" адиректор хада Михаил Логәуа абри аҭыԥ аҿы аинспекциа анымҩаԥигоз.

Аҽгәаратәи авольтҳарак фымцацәаҳәа аусура аҭагылазаашьа апроблема иадҳәалоуп ааигәа ареспублика абжеиҳара лашарада аанхара ҳәа иҳәеит Логәуа.

"Аҽгәаратәи авольтҳарак фымцацәаҳәа аҭагылазаашьа даара игәкажьгоуп. Ишыздыруа ала, 2018 шықәса рзы аҭагылазаашьа аиӷьтәразы адгаларақәа ҟаҵан. Вариантк – ацәаҳәақәа рыԥсахроуп. Уи иақәхарџьтәхоны иԥхьаӡан 80-90 миллион мааҭ. Аҩбатәи авариант – иныҭкаау ареконструкциа. Уи иаҭаххоны ишьан 180- 200 миллион мааҭ", - иҳәеит Логәуа.

© Видео Sputnik
Логәуа: авольтҳарак цәаҳәа Аҽгәара аремонт Егрынтәи иаауа афымцалашара апроблема аӡбуеит

Аԥыза-министр ихаҭыԥуаҩ, аекономика аминистр Кристина Озганԥҳа АУН "Амшынеиқәафымцамч" анапы ианылҵеит арҭ асметақәа иактуалу ахәԥсақәа еиҿдырԥшырц. Логәуа иазиԥхьаӡоит ишьаҭанкылоу ареконструкциа еиҳа еиҵоу харџьхоит, избанзар аамҭа-аамҭала аремонтҟаҵара еиҳагьы аԥара агоит ҳәа.

Михаил Логәуа иажәақәа рыла аремонт азыԥхьагәарҭоит ЕгрыГЕС анаанкылахо аамҭазы. Усҟантәи аамҭазы Аԥсны фымцалашарала Урыстәыла еиқәнаршәоит, ЕгрыГЕС аҟынтәи афымцалашара аиураан Аҽгәаратәи АҲ рыда ԥсыхәа ҟалом.

Иара убас шәаԥхьар ҟалоит:

27
Атемақәа:
Аԥсны аенергетика апроблемақәа (179)

Заанаҵы рҽазыҟарҵеит: Аҟәатәи аботаникатә баҳчеи амаамынқәа рпитомники аслеира иазыхиан

5
(ирҿыцуп 15:19 19.01.2021)
Аԥсны иахьаҵанакуа асоура иалагеит ажьырныҳәа 18 ауха. Ари акаршәратә ҭыԥқәа рзы раԥхьатәи соуроуп.

АҞӘА, ажьырныҳәа  19– Sputnik, Бадраҟ Аҩӡба. Аӡынтәи ахьҭақәа амаамынқәа рпитомник аҿы рҽазырхианы иҟан ҳәа лҳәеит Sputnik Аԥсны аинтервиу азҭаз апитомник аҭҵаарадырра-приматологиатә музеи аиҳабы Альдона Салаҟаиаԥҳа.

"Амаамынқәа ахьыҩнаку аҩнқәа аӡынразы иԥхоуп. Аӡынраамҭазы иара убасгьы рыфатә ԥханы ираҳҭоит. Рыҭрақәа еснагь ицқьоуп. Ахылаԥшра бзиа рымоуп", - лҳәеит лара.

Амузеи аиҳабы илҳәеит амаамынқәа реиҳарак ахьҭа ахгара шырцәыцәгьоу.

"Ахәыҷқәа реиԥш ахьҭа иакуеит, ахьҭа рылалоит. Алашара андырцәалак аҩнхәыҷқәа рҿы иаразнакы ихьҭахоит", - лҳәоит Салаҟаиаԥҳа.

Апитомник аҿы 600 инарзынаԥшуа маамын нхоит. Иҟоуп хәызмоу ахкқәагьы– акапуцин, лапундер, иапониатәи амакакақәа уҳәа егьырҭгьы. Ахьҭа аҽанарӷәӷәо дара еиҳа иахьыԥхо аҩбатәии ахԥатәии аихагылақәа рахь ииаргоит.

© Sputnik / Томас Тхайцук
Аҟәатәи аботаникатә баҳчеи амаамынқәа рпитомники аслеира иазыхиан

Аԥсны Аҭҵаарадыррақәа ракадемиа иатәу Аботаникатә баҳча адиректор Едуард Гәбаз еиҭеиҳәеит есышықәса аԥхарра бзиа избо аҵиаақәа иҷыдоу аш ала ишҭарыҳәҳәо.

"Еиҳа аԥхарра зҭаху, аӡҭачы аҟынтәи аҵиаақәа арԥхарҭахь ииаагеит. Урҭ ԥшь-градуск аԥхарра еиҵахар, иԥсуеит. Убри азы аӡын аамҭа зегьы ҳәа иҳәоит адиректор.

"Асы аҵламахәқәа хнамыжәжәарц  азы иуашәшәыроу ҿаҳҳәоит, аҵыргәақәа раҳҭоит", - иҳәоит Гәбаз.

© Sputnik / Томас Тхайцук
Аҟәатәи аботаникатә баҳчеи амаамынқәа рпитомники аслеира иазыхиан

Есышықәса Аботаникатә баҳчаҿы иҭарыҳәҳәоит 50 ҵиаа. Уи адагьы  ачықьқәа хдырҟәыдаауеит, агәаӷь илҵуа арԥхарҭахь инаргоит.

Амаамынқәа рпитомник 1927 шықәса рзы иаартын Николаи Семашко зхадараҿы дыҟаз аҵарауаа раԥшьгарала. Аԥхьатәи аԥышәатә усурақәа мҩаԥган 1920-тәи ашықәсқәа рынҵәамҭазы.

Аҟәатәи аботаникатә баҳча — адунеи аҿы реиҳа зықәра дуу аботаникатә баҳчақәа иреиуоуп. Ахы ыҵнахуеит XIX ашәышықәсазы.

Ара иуԥылоит еснагь ииаҵәоу, зыбӷьы камԥсо аекзотикатә ҵлақәа, ачықьқәа, аҵиаақәа, ашәҭқәа. Абаҳча абазала 1994 шықәса раахыс аус ауеит Аԥсны Аҭҵаарадыррақәа ракадемиа иатәу аботаника Аинститут. Аботаникатә баҳча аҵакыра хә-гектарк инаӡоит, ара иуԥылоит хнызқь рҟынӡа ҵиаахкы.

5

Камкьиа: Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп

2
(ирҿыцуп 14:26 19.01.2021)
120 шықәса раԥхьа диит ашәҟәыҩҩы Миха Лакрба. Аҿартә театр актиор Саид Камкьиа арадио Sputnik аефир аҿы иҳәеит аламыс азышәаҳәаҩ, Миха Лакрба иԥсҭазаараҿы иааникыло аҭыԥ.
Аԥсны еицырдыруа ахьыӡқәа: Камкьиа Миха Лакрба иаԥҵамҭақәа ирызкны

"Миха Лакрба иҩымҭақәа, иновеллақәа сыԥсҭазаараҿы мҩақәҵагак исзаҩызоуп. Иара нагарҭа амаӡамкәа ҳҵас, ҳқьабзқәа ааирԥшуеит. Саргьы сыԥсҭазаараҿгьы абас сыҟандаз, абри еиԥш схы мҩаԥызгандаз ҳәа сгәы ианаанаго ыҟоуп. Миха Лакрба ихьӡ аҿар ираҳахьеит, аха шамахамзар, урҭ ашәҟәыԥхьара рҭахым, иҟалаз асоциалтә ҳақәа ирхырҟьаны. Иара иновеллақәа ашколтә программаҿы иҟоуп, убасҟан ауп ухы-угәаҿы ианаанхо, анаҩс уаныҩеидаслак, еиҭа саԥхьандаз ҳәа агәазыҳәара узцәырыргоит. Атеатр аҿгьы зны-зынла ҳанааидтәалалак, иаҳгәалашәоит урҭ ановеллақәа. Убасҟантәи аамҭаз иара ифырхаҵа абас иҟаиҵеит, аха иахьазы уи ус ауама ҳәа еилҳаргоит. Ановеллақәа рыла иҭыху афильм кьаҿқәагьы акырӡа ибзиоуп, урҭ зегьы аинтернет аҿы иузыԥшаауам, аха иҟоу иахәаԥшхьоу рҟынтә исаҳахьеит ишыргәаԥхаз ала", - ҳәа еиҭеиҳәеит Камкиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2