Озган Аҽгәаратәи авольтҳарак цәаҳәа аремонттә усурақәа рыҿҳәара далацәажәеит

© Sputnik / Томас ТхайцукКристина Озган
Кристина Озган  - Sputnik Аҧсны
Анапаҵаҩра
АУН "Амшынеиқәафымцамч" анапы ианҵоуп Аҽгәаратәи авольтҳарак цәаҳәа аремонттә усурақәа асметақәа иактуалу ахәԥсақәа рыла еиқәдыршәарц.

АҞӘА, ажьырныҳәа 8 - Sputnik. Илана Амқәабԥҳа. Аҽгәаратәи авольтҳарак цәаҳәа аремонттә усурақәа зегьы хыркәшахоит лаҵара 1-нӡа, абри атәы лҳәеит Аԥсны аԥыза-министр ихаҭыԥуаҩ, аекономика аминистр Кристина Озган.

Озган лажәақәа рыла, аусурақәа рыҿҳәара ҳәа иарбоуп ажьырныҳәамза инаркны лаҵарамзанӡа, ари аамҭа иалагӡаны еилкаатәуп аусурақәа рыхәԥса ахьынтәаарго, техникала иахьынӡеиқәшәо, дара зегьы апроект-сметатә шәҟәқәа реиқәыршәара иашьаҭахоит.

"Иҟоуп ҩ-проектк, ҩ-сметак, дара аҵыхәтәантәи ашықәсқәа рзы еиқәыршәан, уаҟа иарбоуп аусурақәа рынагӡаразы ишаҭаху 97 миллиион мааҭ аԥара, иарбоуп ацәаҳәақәа рыԥсахра, адыдмацәыс аҽацәыхьчага, хәҭа-хәҭала ашьаҟақәа рырӷәӷәара. Даҽа проектк, уи еиҳа ахә ҳаракуп, иартәоит 190 миллион мааҭ, иазгәаҭоуп ашьаҟақәеи ацәаҳәақәеи реиҳарак рыԥсахра, адыдмацәыс аҽацәыхьчага", - лҳәеит лара.

Аремонттә усурақәа рзы еиӷьуа аҭагылазаашьа ҟамлар алшоит, ҳәа азгәалҭеит аекономика аминистр.

ЛЭП - Sputnik Аҧсны
Логәуа: авольтҳарак цәаҳәа Аҽгәара аремонт Егрынтәи иаауа афымцалашара апроблема аӡбуеит

Аҽгәаратәи авольтҳарак цәаҳәа аремонттә усурақәа афинансқәа рзоужьра иалацәажәан Жәлар реизара аилатәараҿы, ԥхынҷкәын 30 рзы. 2021 шықәсазтәи Аԥсны абиуџьет ахәаԥшраан, абиуџьет азы акомитет аиҳабы Натали Смыр ажәалагала ҟалҵеит адокумент арҽеирақәа алагалазарц, урҭ рахьтә акы- Аҽгәаратәи авольтҳарак цәаҳәа аремонттә усурақәа афинансқәа рзоужьра.

Аԥсны аԥыза-министр ихаҭыԥуаҩ, аекономика аминистр Кристина Озган, ареспубликатә биуџьет азы азакәан апроект арҽеирақәа рыда адкыларазы ажәалагала ҟалҵеит, иазгәалҭеит, Аҽгәаратәи АҲ аремонт Аинвестпрограмма аҳәаақәа ирҭагӡаны ишымҩаԥырго, аха убри аан илҳәеит, уи иахҟьаны хырхарҭақәак афинансқәа рзоужьра алыршахом ҳәа. Лажәақәа рыла, Аинвестпрограмма афинансқәа рзоужьра алымшар, аусурақәа рзы хәҭак ареспублика абиуџьет аҟнытә игахоит ҳәа.

Аԥсны Апарламент адепутатцәа аҩбатәи аԥхьарала ирыдрымкылеит "2021 шықәсазтәи ареспубликатә биуџьет азы" азакәан апроект. Абиуџьети, акредиттә еиҿкаарақәеи, ашәахтәқәеи, афинансқәеи рзы аилак анапы ианҵоуп азакәан апроект аус аднауларц, иҟаҵо арҽеирақәа азыԥхьагәаҭаны.

Иара убас шәаԥхьар ҟалоит:

 

Ажәабжьқәа зегьы
0