Гагра аҭыԥ змоу абылрақәа ақьафурҭа "Гагрыԥшь" иаԥырхагам

25
(ирҿыцуп 19:30 09.01.2021)
Асоциалтә ҳақәа рхархәаҩцәа иҭаргалоит ақьафурҭа "Гагрыԥшь" акәша-мыкәша алҩа шху ахьану афотосахьақәа, ари аҭоурых-культуратә обиект амца акыр ҳәа ишәоит.

АҞӘА, ажьырныҳәа 9 - Sputnik, Бадри Есиава. Гагра аҭыԥ змоу абылрақәа ақьафурҭа "Гагрыԥшь" иаԥырхагам, амца ахьакыз аҭыԥ аҟынӡа 500-1000 метра раҟара бжьоуп ҳәа Sputnik акорреспондент изеиҭеиҳәеит Гагреи Гагра араиони абылраҽацәыхьчара-аиқәырхаратә штаб аиҳабы Давид Бганба.

Иара инаҵшьны излазгәеиҭаз ала, амцарцәаратә гәыԥқәа аҭыԥ аҿы иҟоуп, иҷаԥшьоит, аҭоурых-культуратә обиект амца акыр руам.

1902 шықәсазы Париж имҩаԥысуаз адунеизегьтәи ацәыргақәҵаҟны апринц Ольденбургтәи амҿтәы ақьафурҭа "Гагрыԥшь" ааихәеит. Убри ашықәс азы Аԥсныҟа иԥырганы иаарган, араҟа иеизыргеит.

Иара убас, уи ацәыргақәҵаҟынтә апринцесса Евгениа Ольденбургтәи илзааган ахан. Ахан иахьанӡа инымхаӡеит: ианԥхасҭаха, XX ашәышықәса 80-тәи ашықәсқәа рзы иԥырган.

Ақьафурҭа аргылара иалгеит 1903 шықәсазы, мышқәак рышьҭахь, ажьырныҳәа 9 рзы иара уброуп Гагратәи аԥсшьарҭа ҭыԥ ахьаартыз. Акурорт ахаҭагьы аартра мҩаԥган уи ақьафурҭаҟны. Акурорт аартра иалахәыз раԥхьатәи аԥсшьаҩцәа апринц рнапаҟны ириҭеит абри амш азы ҷыдала иҭыжьыз араӡынтә медалқәа.

Аихагыла амонтаж аан аметалл рхы иадмырхәаӡеит. Ақьафурҭа "Гагрыԥшь" ҵәымаӷ заҵәыкгьы аламҵакәа идыргылеит.

"Гагрыԥшь" иаҭаауан Николаи II, Иосиф Сталин, Антон Чехов, Иван Бунин, Федор Шалиапин, Максим Горки уҳәа еицырдыруаз ауаа. Уи ақьафурҭаҟны иара убас афильм "Зимний вечер в Гаграх" аҭыхрақәа мҩаԥысуан.

Ақьафурҭа ахыбраҟны аиҭашьақәыргыларатә усурақәа маҷымкәа ишымҩаԥгазгьы, ҳаамҭаҟынӡа уи ааӡеит иамаз раԥхьатәи ахаҿра еиқәханы.

25
Атемақәа:
Аԥсны абнарақәа рбылра (27)

Аԥсны Аҳәынҭстатистикаҿы ахныҟәгаратә минимум шьақәдыргылеит

0
(ирҿыцуп 00:26 23.01.2021)
Ииасыз ашықәс азы ишьақәыргылаз ахныҟәгаратә минимум иаҿурԥшуазар, сынтәатәи 4,6 процент рыла еиҳахеит.

АҞӘА, ажьырныҳәа 22 – Sputnik. Аусура зылшо Аԥсны атәылауаҩ ажьырныҳәа 1, 2021 шықәсазтши аҭагылазаашьала ихныҟәгаратә минимум иартәеит 7398,6 мааҭ ҳәа аанацҳауеит Аԥсны Аҳәынҭқарра Аҳәынҭқарратә статистика аусбарҭа.

Ахныҟәгаратә минимум прахь иаҵанакуеит 5060,7 мааҭ рыхә афатә-ажәтә, акрыфара иадҳәалам атауарқәа 1450,1 мааҭ рыхә, ашәахтәқәеи ихымԥадатәиу ашәарақәеи – 887,8 мааҭ рыхә.

Иазгәаҭоуп ииасыз ашықәс азы ишьақәыргылаз ахныҟәгаратә минимум иаҿырԥшны, сынтәатәи 4,6 процент рыла ишеиҳахаз.

Аҳәынҭстатистика иара убас ицәырнагеит хаз игоу афатә-ажәтә хкқәа 2019-2020 шықәсқәа рзы иҟаз рыхәԥса ахьарбоу атаблица.

0

Аԥсны атуристтә бренд алоготип аус адулараз аицлабраҿ иаиааиз далкаауп

4
Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал ахь х-усумҭак неит, аусбарҭа асаит аҟны абжьыҭара алҵшәақәа рыла.

АҞӘА, ажьырныҳәа 23 – Sputnik, Асмаҭ Ҵәыџьԥҳа. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабра афинал аҿы аиааиҩы далнакааит.

Ажиури рыбжьыҭарала аиааира игеит Санкт-Петербургтәи адизаинер, иара абжьқәа реиҳарак иоуит онлаин-бжьыҭараангьы. Аха убри аан ажиури ирҳәеит амакет еиҭа аус адулатәуп ҳәа.

Зегь раасҭа иалацәажәан амакет ианыз амандарина асахьа. Ажиури алахәылацәақәак ирҳәеит акцент зҭатәу Аԥсны аҭоурых-культуратә ҭынхоуп, аха егьырҭ ргәаанагарала ацитрус шәыр абренд ианаалоит, иареи ареспубликеи еиԥшныршьалоит азы ҳәа.

"Азеиԥш гәаанагара ацныҟәара аҭахым. Сара сзы амандарина аҳәаа аркра, аидара амҩангара, ауаа рӷарра ауп ианарԥшуа. Еиҳа аинтерес зҵоу асимволқәа ҳамоуп. Ақьырсиан культура ду ҳалаҽхәартә иҳамоуп", - ҳәа иҳәеит Баҭал Кобахьиа.

Иара диқәшаҳаҭхеит абрендинг азҟаза Анастасиа Краттлигьы.

"Абренд аамҭа иақәшәозар ауп, аха убри аан атәыла акультура аныԥшуазароуп", - ҳәа лҳәеит лара.

Аԥсны Апарламент адепутат Асҭамыр Аршба игәаанагарала амандарина аблокада аамҭа акәӡам изыдҳәалатәу, иԥсеиқәырхаганы акәын ишыҟаз, уи адагьы иара алоготип аҿы амра асахьоуп ианыԥшуа.

Аԥсны атуризм аминистр Ҭеимураз Хышба ажиури алахәылацәа иреиҳәеит абренд еиуеиԥшым аҭыԥқәа ишырныԥшуа: ацәашәҵатәы, аплиажтә хархәагақәа уҳәа реиԥш иҟақәоу. Аԥсуа орнамент ма афрескақәа абри аан рхархәара проблемахоит ҳәа иҳәеит иара.

Ажиури анеилацәажәа ашьҭахь иӡбан алоготип автор апроект аус еиҭадиуларц изырхынҳәра.

  • Туристический бренд Абхазии
    © Sputnik / Асмат Цвижба
  • Туристический бренд Абхазии
    © Sputnik / Асмат Цвижба
1 / 2
© Sputnik / Асмат Цвижба
Туристический бренд Абхазии

Аԥсны атуризм аминистрра ҳтәыла атуристтә бренд аус адуларазы аицлабра алахәхаразы арзаҳалқәа рыдкылара иалагеит абҵара 15 рзы. Аицлабраз иаашьҭын 54 макет. Аԥсны атуризм азы аминистрра ареспублика атуристтә бренд алоготип азы амакетқәа ралхразы ирыланаҳәаз аицлабраҿ иалнакааит ԥхынҷкәын 28 рзы жәа-макетк. Дара аминистрра асаит аҿы иқәыргылан.

Афинал ахь, ажьырныҳәа 22 рзы х-усумҭак неиит. Аиааира игеит абжьеиҳа зауз автор, иагьианашьахеит 50 000 мааҭ.

4