Илеиз ақәа Аԥсны абнарақәа амца ахьыркыз зегьы арцәеит
(ирҿыцуп 19:10 10.01.2021)
Аԥсны Аҭагылазаашьа ҷыдақәа рзы аминистр Лев Кәыҵниа иацы Аҟәа инаркны Ԥсоунӡа абнарақәа амца ахьыркыз аҭыԥқәа зегьы дырхаԥырны аҭагылазаашьа гәеиҭеит, аҳәамҭагьы ҟаиҵеит абылрақәа ауаа ишырԥырхагам.АҞӘА, ажьырныҳәа 10 - Sputnik. Илеиз ақәа иабзоураны Аԥсны абнабылрақәа зегьы ыцәеит ҳәа Sputnik иазеиҭеиҳәеит аҭагылазаашьа ҷыдақәа рзы аминистрра апресс-маӡаныҟәгаҩ Роман Лабиа.
"Излагаз ақәоура иабзоураны абнараҿы амца ыцәеит. Аминистр излеиҳәахьаз ала, аҭагылазаашьа хылаԥшра ауҭартә иҟан. Иахьа Очамчыра араион аҿгьы амца ахьакыз ҟалеит, аха уигьы ырцәоуп. Амца зкыз абнара аҵакыра шаҟа ыҟоу макьана аҵыхәтәанынӡа еилкаам", - иҳәеит Лабиа.
Аԥсны абнарақәа амца ркит ԥхынҷкәын аҩбатәи азбжа инаркны. Мчыбжьқәак ирылагӡаны АҶА аусзуҩцәа амца иаҿагылан атәыла араионқәа зегьы рҿы. Аҭагылазаашьа хаҭала хылаԥшра аиҭон ахада Аслан Бжьаниа.
Ажьырныҳәа 4 инаркны ажьырныҳәа 10 шьыжьынӡа Гагра араион аҿы абнарақәа амца ркын. Еиҳарак аҭагылазаашьа уадаҩын асанатори "Москва" азааигәара, амца лбааит ареспубликатә трассахь, уи амшала ахаҳә леит. Амцарцәаҩцәа уахи-ҽни иҷаԥшьон ахатәы ҩнқәа рахь амца мыиасырц азы.
Атемақәа:
Гәдоуҭатәи агоспитали галтәи арҵаҩцәеи рзы ашәарақәа рҭагылазаашьа атәы рҳәеит
(ирҿыцуп 10:22 16.04.2021)
Sputnik Аԥсны акорреспондент еиликаауан асоциалтә ҳа Феисбук аҿы Гәдоуҭатәи агоспитали Галтәи арҵаҩцәеи хымз ирықәуп ауалафахәқәа рмоуижьҭеи ҳәа ицәырҵыз аинформациа ахьынӡаиашоу.АҞӘА, мшаԥы 16 – Sputnik, Бадри Есиава. Гәдоуҭатәи араионтә хәышәтәырҭа амедусзуҩцәа ашықәс иаалагазар руалафахәы рызшәоуп ҳәа Sputnik иазеиҭеиҳәеит Гәдоуҭа араион афинанстә ҟәша аиҳабы Роман Гамсаниа.
Иара иҳәеит арахь иаҵанакуа ауалафахәқәа роуп, аковидтә центр аҿы аус зуа рзы ашәарацҵақәа ракәымкәа ҳәа. Урҭ ашәарацҵақәа Ареспубликатә биуџьет аҟынтәи ауп ишынарышьҭуа.
"Араион иарбанзаалак уал амам. Ажьырныҳәа, жәабран, хәажәкыра рзы аԥарақәа зегь шәоуп. Асоциалтә ҳаҿы излацәажәо аковидтә центр аусзуҩцәа рԥарацҵа акәзар ҟалап", - ҳәа иҳәоит Гамсаниа.
Аҵара аусхк аҿы акәзар, арҵаҩцәа руалафахәы роураҿы иҟан аиҵахара, аха урҭ аԥарақәа уажәы араион абиуџьет иахыԥхьаӡалоуп, ашәахьа инаркны ашәарақәа ирылагоит.
"Проблеманы иҟоу уи ауп - ҳара дотациатә раионуп. Ҳхатә ԥарақәа ҳазхом. Мызкахьала абиуџьетникцәа руалафахәы азы 27 миллион мааҭ ҳҭахуп. Убри азы аулафахәқәа реиҳарак ареспублика иашәоит. Ианаамҭоу иаарышьҭуам ҳәа сызҳәом, избанзар графикла амза 10 - 15 рзоуп ашәарақәа анымҩаԥырго. Ҩымш-хымш анахылало ҟалоит, аха уи учҳартә иҟоуп. Мызк ахыланы ауалафахәы ҳшәоны исгәалашәом", - ҳәа иҳәоит Гамсаниа.
©
Sputnik / Томас Тхайцук
Гәдоуҭатәи араионтә хәышәтәырҭа аҳақьым хада ихаҭыԥуаҩ Ангелина Оҭырԥҳа ишьақәлырӷәӷәеит ауалафахәы ашәаразы еиҵахара шыҟам, аиҵахара аҭыԥ шамоу аковид госпиталь аусзуҩцәа ршәарацҵаҿы.
"Иахьынӡаздыруа ала атәыла зегьы аҿы ашәарацҵа еиҵаханы иҟан. Ҳара ҳҿы мацара акәым. Уажәы асиақәа еиҿдырԥшуеит", - ҳәа лҳәоит Оҭырԥҳа, иагьазгәалҭоит ашәарацҵақәа зхьыԥшу амаҵзуреи аҷаԥшьара ахыԥхьаӡареи шракәу.
Аԥсны афинансқәа рминистр ихаҭыԥуаҩ Саид Гәбаз иҳәеит амедусзуҩцәа рзы ашәарацҵақәа Агәабзиарахьчара аминистрра ишышьақәнаргыло. Иароуп Афинансқәа рминистррахь аԥаразоужьразы азыҳәа ҟазҵо.
"Ажьырныҳәеи жәабрани рзы аԥарақәа шәоуп. Хәажәкыразы аминистрраҟынтә аинформациа ҳмоуцт", - ҳәа иҳәеит иара.
Sputnik аредакциа Агәабзиарахьчара аминистррахь аҭагылазаашьа аилкааразы иҵааит, аха макьаназы хҳәаа амоуцт.
Гал араион ахадара аҵара аҟәша аиҳабы Екатерина Габелиаԥҳа асоциалтә ҳақәа рҿтәи аинформациа мцуп ҳәа ахылҳәааит.
"Арҵаҩцәа ауалафахәы роухьеит. Еиҵахарак ыҟазаргьы, ҩбаҟа мчыбжь роуп, аԥсуа уалафахәи аурыс уалафахәи хаз-хазы иахьроуа аҟынтә. Ҳаҳасабеилыргаҩцәа ари аус адырулон. Убри ауп изыхҟьаз. Ииасыз амчыбжь азы ауалафахәы неит, аха еихша-еихшаны", - ҳәа лҳәеит лара.
Еиду аштатқәа Урыстәыла аганахь асанкциа ҿыцқәа аланагалеит
(ирҿыцуп 09:42 16.04.2021)
Еиду америкатәи аштатқәа асанкциақәа аланагалеит хә-хатәхаҿыки х-еилахәыраки рганахьала Ҟрым иахырҟьаны. АҞӘА, мшаԥы 16 - Sputnik. Еиду аштатқәа Урыстәыла аганахь асанкциа ҿыцқәа аланагалеит ҳәа аанацҳауеит РИА Новости Аҩны шкәакәа адыррақәа ҵаҵӷәыс иганы.
"Иахьа (мшаԥы 15 рзы - аред.) Џьо Баиден Иусбарҭа Урыстәыла аганахьала ауснагӡатәқәа аднакылеит аҵыхәтәантәи аиҳабыреи аԥшыхәратә маҵзурақәеи ЕАА асуверинитети аинтересқәеи ахьҵыршәаауазы", - ҳәа аҳәоит Аҩны шкәакәа аҳәамҭаҿы.
Рашәара 14 раахыс ЕАА афинанстә усҳәарҭақәа азин рыҭам Урыстәыла Абанк хадеи Афинансқәа рминистрреи хәызмоу ақьаадқәа рымрыхәҳаларц.
©
Sputnik / Максим Блинов
Вашингтон иара убасгьы аԥкрақәа аланагалеит атехнологиатә еилахәырақәа фба рганахьала урҭ "урыстәылатәи амаҵзура ҷыдақәа ркиберпрограммақәа ирыцхраауеит" ҳәа ишьаны. Арахь иаҵанакит арратә технополис "Эра".
Адокумент аҿы иҳәоуп Урыстәыла Адәныҟаԥшыхәратә маҵзура "инарҭбаау акибершпионаж" SolarWind ацхыраарала имҩаԥнагоит ҳәа.
Асанкциатә сиа хадырҭәааит Урыстәыла 32 еилахәыреи хатәхаҿи рыла "алхрақәа рхы рыладырхәит" ҳәа рызҳәаны.
"ЕАА азыхиоуп аҩыза-ҳәынҭқаррақәа, апартниорцәа ршәарҭадара аиқәыршәара, иҟаҳҵогьы аҽазнык ишьақәнарӷәӷәоит ари апринцип ҳшацәхьамҵуа", - ҳәа аҳәоит аҳәамҭа арелиз аҿы.
©
Foto / Пресс-служба МИД РФ
Уи адагьы Американтәи иқәырцоит Вашингтон адипломатиатә миссиа аусзуҩцәа жәаҩык. Мшаԥы 15 ашьыжь, жәларбжьаратәи аусқәа рзы Афедерациа ахеилак ахантәаҩ актәи ихаҭыԥуаҩ Владимир Џьабаров аҳәамҭа ҟаиҵеит ари Москва аҭак шанаҭо.
Ахаша Урыстәыла ААР аҟынтә РИА Новости адырра аиуит ЕАА ацҳаражәҳәаҩ Џьон Салливан Урыстәыла ахада ицхырааҩ Иури Ушаков иахь дышнаԥхьаз, Баиден Урыстәылеи ҳареи ҳаизыҟазаашьақәа еиӷьтәтәуп ҳәа ииҳәаз ашьҭахь асанкциа ҿыцқәа аларгалар Москва уи аҭак шанаҭо.
Уаанӡа Баидени Владимир Путини ҭелла реицәажәараан иҳәеит ахԥатәи атәылаҿы еиԥылар шиҭаху. Урыстәыла ахада ипресс-маӡаныҟәгаҩ Дмитри Песков асанкциақәа алагалахаанӡа иҳәахьан урҭ ахадацәа реиԥылара иацхраауа ишыҟам.