Асанҳақьым хада: Аԥсны иахьаҵанакуа 2000-ҩык рҟынӡа COVID-19 рзышьақәырӷәӷәоуп

22
(ирҿыцуп 18:30 11.01.2021)
Аԥсны ауааԥсыра акоронавирустә инфекциа рацәыхьчаразы Акоординациатә штаб аӡбра аднакылеит аԥкыратә уснагӡатәқәа жәабран 15 рҟынӡа рыҿҳәара инахазарц, ашколқәеи ахәыҷбаҳчақәеи русурақәагьы абрахь иналаҵаны.

АҞӘА, ажьырныҳәа 11 – Sputnik, Асмаҭ Ҵәыџьԥҳа. Аԥсны иахьаҵанакуа 2000-ҩык рҟынӡа адиагноз COVID-19 рымоуп, абри атәы лҳәеит ареспублика асанитартә ҳақьым хада Лиудмила Скорик ауааԥсыра акоронавирустә инфекциа рацәыхьчаразы Акоординациатә штаб аилатәараҿы.

Лара лажәақәа рыла 2000-ҩык рҟынтәи 400-ҩык рчымазара бжьаратәуп ма ихьанҭоуп. Гәдоуҭатәи агоспиталь аҿы ишьҭоуп 50-ҩык ачымазцәа ӷәӷәақәа.

"Аҵыхәтәантәи афымш рыҩныҵҟа аепидемиологиатә ҭагылазаашьа акыр еибарххоуп. Ичмазцәоу рхыԥхьаӡара иацлоит. Абыргцәа реиԥш аҿаргьы, ахәыҷқәагьы чмазцәахоит. Аҵыхәтәантәи уахи-ҽни рзы игәаҭаз 169-ҩык рҟынтәи 12-ҩык хәыҷқәоуп. Аныҳәатә мшқәа абри аиԥш иҟоу асахьахь ҳкылыргеит", - лҳәоит Скорик.

Иара убасгьы илҳәеит амедусҳәарҭақәа ирыдҵаало рҟынтәи 30 процент аҿкы рымоуп. Ари ҩынтәны еиҳауп уаанӡа аасҭа.

"Ԥхьаҟагьы ахада иусдҵа ҳақәымныҟәар, локдаун алаҳәара ада ԥсыхәа ҳамам. Ауаа ианахәҭоу амедицинатә цхыраара роуроуп. Ауаа рацәа Аԥсны ахала ршьапы иазықәыргылом. Амедусзуҩцәа зегьы иахәҭоу ацхыраара рыҭаразы изеихьӡом", - лҳәеит лара.

Скорик ишылҳәо ала амедусзуҩцәа уаанӡа аасҭа еиҵахеит. Уаанӡа урыстәылатәи рколлегацәа ацхыраар руазар, уажәы рхала ракәхеит.

Аԥсны ауааԥсыра акоронавирустә инфекциа рацәыхьчаразы Акоординациатә штаб аилатәара мҩаԥысит Аминистрцәа реилазаараҿы ажьырныҳәа 11 азы.

Иара убас шәаԥхьар ҟалоит:

22
Атемақәа:
Ачымазара ҿкы – акоронавирус Аԥсни адунеи аҿи: иалкаау (969)

"Амшынеиқәафымцамч" афымцалашара аиуразы аԥкырақәа аланагалоит

8
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

8

Ҳанагәуа: афермақәа аҿыхуп, аха рыуа-рҭахы рахь ишаны аҩнқәа рҿы иахьдыргылаз ыҟоуп

13
(ирҿыцуп 17:19 19.01.2021)
Гәылрыԥшь араион "Амшынеиқәафымцамч" афилиал аиҳабы Зураб Ҳанагәуа арадио Sputnik аефир аҿы еиҭеиҳәеит араион аҿы амаинингқәа рҿыхразы имҩаԥырго аусура атәы.
Раионк аԥсҭазаараҟынтә: Ҳанагәуа Гәылрыԥшь амаинингқәа рзы

"Афермақәа ахьаҟәырхыз рыуа-рҭынха рахь ишаны аҩнқәа рҿы иахьдыргылаз ыҟоуп. Уи проблеманы иҟоуп атәыла зегьы аҿы. Ҳраион аҿы афермақәа иаҿыхны, еимыхны иҟоуп. Ҳара есыҽны агәаҭарақәа мҩаԥаагоит. Трансформаторк аҿы аӡәы днеины акы аԥишьыр, ихаҳҵәоит, ҳрацәажәоит. Иҟоуп ахҭысқәа ихҵәаны нас еиҭа имҵаа иахьаԥыршьуа, аха урҭ анаҩс еиҭа иаҿаҳхуеит. Аусутәқәа зегьы мҩаԥгахар, ҳаргьы ԥсеивгарак ҳауеит ҳәа сақәгәыӷуеит ", - ҳәа еиҭеиҳәеит Ҳанагәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

13