Турнир по вольной борьбе имени Муссы Экзекова прошел в Гудауте

Зааӡамҭацәа ақәҿиара дуқәа аазырԥшуа: Ӡыкә Бениа 80 шықәса ихыҵит

16
(ирҿыцуп 15:36 12.01.2021)
СССР аспорт азҟаза, Аԥсны зхы иақәиҭу ақәԥараз Ҳаҭыр зқәу аспорт азҟаза, Аԥсны АССР абаҩрҵәыреи аспорти русзуҩы, ҚССР зҽаԥсазтәыз азыҟаҵаҩ, Аԥсны зҽаԥсазтәыз азыҟаҵаҩ Ӡыкә Бениа ажьырныҳәа 12 аҽны 80 шықәса ихыҵуеит.

Бармышь ақыҭан ииз иааӡаз, заԥхьаҟа акыр ақәҿиарақәа аазырԥшыз, аспортсмен бзиақәа реиҵааӡара иазааԥсо, иахьа уажәраанӡагьы зус гәцаракрала иазнеиуа Ӡыкә Бениа имшира азгәеиҭоит. Азыҟаҵаҩ ақәҧара адырҵараҿы иџьабаа иабзоураны Гәдоуҭатәи аспортшкол ақәҿиара дуқәа аиухьеит.

Наала Гәымԥҳа, Sputnik

Ӡыкә Бениа 60 шықәса инарзынаԥшуа аспорт инапы алакуп, уи иԥсҭазаара иахәҭакуп.

Дзука Бения
© Sputnik / Илона Хварцкия
Зааӡамҭацәа ақәҿиара дуқәа аазырԥшуа: Ӡыкә Бениа 80 шықәса ихыҵит

"1960 шықәса рзыҳәан арратә маҵзура хыркәшаны санааи, сҩыза Руслан Ажьиба ибзоурала аспорт ахь схы сырхеит. Иара дыспортсмен наган, шықәсык ала Германиа дачемпионхахьан. Усҟан даҽа аамҭакын, атранспорт абаҟаз, ишуҭаху ақалақь ахь уааны уҽазыҟауҵартә еиԥш алшара ыҟамызт. Ақыҭаҟны аҿар ҳара- ҳара ҳаицлабуан, ахәмаррақәа, аиқәԥарақәа мҩаԥаҳгон", - игәалаиршәоит аспортсмен.

Акыр шықәса раахыс азыҟаҵаратә усура мҩаҧго, иара иазыҟаиҵахьеит жәаҩыла СССР-и Урыстәылеи аспорт азҟазацәа. Урҭ рхыҧхьаӡараҿы иҟоуп СССР аспорт жәларбжьаратәи акласс азҟазацәа, СССР-и Европеи рчемпионцәа Рашь Хәытаба, И. Зарандиа, аҿар рыбжьара адунеи ачемпион Баграт Хәытаба, Денис Царгәыш.

Аџьынџьтәылатә Еибашьраан рыԥсадгьыл рхы ақәырҵеит Ӡыкә Бениа иааӡамҭацәа.

"Аибашьра иалаӡит арԥарцәа бзиақәа, сааӡамҭацәа: Хәытаба Гәырам, Бениа Руслан, Барцыц ҷкәынак, уи хабарда дыбжьаӡит. Урҭ даара аихьӡара бзиақәа аадырԥшуан, урықәгәырӷьартә иҟан. Издыруада, урҭ рыԥсы ҭаны иахьа иҟазҭгьы, шаҟа қәҿиара аадырԥшрыз аспорт аганахьала", - иҳәоит Ӡыкә Бениа.

Иара иааӡамҭацәа- ҧшьҩык азыҟаҵаҩцәас аус руеит Гәдоуҭатәи ахәыҷтәы-қәыҧштә спорттә школ аҿы. Ӡыкә иааӡаамҭацәа гәахәарыла дрыхцәажәоит, уи иазгәеиҭоит аҿар аспорт ахь аинтерес шрымоу атәы, насгьы маашьарада уи ишазнеиуа.

Аспортсмен иааӡамҭацәа иманы ақалақьқәа, атәым ҳәынҭқаррақәа дырҭаахьан, убас: Нхыҵ Кавказ, Нальчик, Урыстәыла, Москва уҳәа.

Ачымазара ҿкы иахҟьаны иахьа аспорттә школ аҟны аҽазыҟаҵарақәа аанкылоуп. Уи даара игәы иаланы Ӡыкә Бениа иҳәоит:

"Ҳәарада, ишьақәгылаз аԥкырақәа цәгьа улахь еиқәнамҵар залшом. Аспорт еснагь аҽазыҟаҵара аҭахуп, игәыгәҭаужьар ауам. Ҳаспорт школ ҳаԥхаӡа ҳшыҩназ, иҟалаз ижәдыруа ауп. Даара агәыӷра ҳамоуп, иаарласны ҳус ҳазыхынҳәып, аҿар разыҟаҵара напы аҳаркып ҳәа", - агәыӷра ааирԥшуеит иара.

Ӡыкә Маҳмеҭ-иԥа Бениа Гәдоуҭатәи ахәыҷтәы-қәыҧштә спорттә школ директорс дыҟоуп. Далахәын 1992-1993шш. Аҧсны жәлар рџьынџьтәылатә еибашьра, ианашьоуп “Ахьӡ-апша” аорден III аҩаӡара.

16

Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

173
Река ақыҭа афельдшер Ламара Ҳашԥҳа-Қәычбериа арадио Sputnik аефир аҿы еиҭалҳәеит аҿкычымазара змоу ауаа рҭагылазаашьа атәы, насгьы илҳәеит ақыҭақәа рҿы амбулатортә ҭыԥқәа раартра азҵаара ишазхәыцтәу.
Река ақыҭа афельдшер: ажәлар рзы даара иуадаҩу аҭагылазаашьа шьақәгылеит

"Ақыҭаҿы уажәазы 14-ҩык инарзынаԥшуа ачымазцәа ыҟоуп. Зегьы аҿкы рыхьны иҟоуп ҳәа ишьақәыргыланы иҟам, аха асимптоматикала иароуп уҳәар алшоит. Ахәшәқәагьы аиура цәгьахеит. Рыхәқәагьы еиҳахеит. Абри ачымазара ҟалеижьҭеи ахәшә 10 мааҭк иаԥсазҭгьы, 30 рҟынӡа инеит. Ажәлар рзы даара иуадаҩу аҭагылазаашьа шьақәгылеит. Ачымазаҩцәа рҟны мнеишьа сымаӡам, аҩны аҟара бжьазаргьы снеироуп, иага ихаразаргьы ус. Мышкы иалагӡаны 9-ҩык ауаа акапельница рзықәсыргылоит. Урҭ шьҭа мчыбжьык ҵуеит ирзыҟасҵоижьҭеи, дара алгар, нас еиҭа иззыҟаҵатәу ҟалоит. Река ақыҭа адагьы, Бедиа, Патрахәыҵа, уҳәа еиҭа ақыҭа ссақәа рҿгьы ачымазаҩцәа сымоуп. Ачымазара шысхызгахьоугьы, сҽацәысахьчоит, ҳәарада. Иаҭаху зегьы ҟасҵоит, сықәра злаҟоу ала еиҭа исыхьыргьы ауеит, еиҭа ачымазара ӷәӷәақәа схызгахьеит, абарҭ зегьы снарҿыԥшны зынӡа сзашьҭоузеи ҳәа схы сзыҟаҵом. Иара иааиуа зегьы ишахәҭоу иааиуеит. Ҳара ҳашшәо еиԥш даргьы шәоит", - ҳәа еиҭалҳәеит афельдшер.

Ламара Ҳашԥҳа-Қәычбериа илҳәеит ажьырныҳәамза мацара иалагӡаны 226-ҩык ауааԥсыра шлыдылкылахьо, урҭ рыбжаҩык атәым қыҭақәа рҟнытә иаауеит.

"Иҟоуп аҭагылазаашьақәа схала иаҭаху анрасҳәо, избанзар зегьы ақалақь аҟынӡа изцаӡом", - ҳәа азгәалҭеит афельдшер.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

173

"Амшынеиқәафымцамч" афымцалашара аиуразы аԥкырақәа аланагалоит

8
(ирҿыцуп 18:56 19.01.2021)
Ареспублика иахьаҵанакуа иалкааны алашара арцәаразы аграфик ҟалом, азхьаԥшра аҭахоит афымцацәаҳәақәа зҵало ахьанҭара.

АҞӘА, ажьырныҳәа 19 - Sputnik. "Амшынеиқәафымцамч" афымцалашара аушьҭраз аԥкырақәа аланагалоит асистема иаиуа ахьанҭара инадҳәаланы ҳәа аанацҳауеит АУН "Амшынеиқәафымцамч".

Асеиԥш ауснагӡатәқәа ирылагоуп авариа дуқәа раԥырҟәҟәааразы. Астанциа маҷқәа ирҟәыгоу афидерқәа дырцәалоит ахьанҭара аныҟалалак.

"Амшынеиқәафымцамч" апресс-маӡаныҟәгаҩ Алхас Гагәылиа иҳәеит афымцасистема ахьанҭара иҟалаз ахьҭақәа ирыхҟьеит. Уажәы ауаа еиҳа афымцалашара ахархәара арҭоит, уи адагььы уаанӡа иаҿыхыз амаинингфермақәа еиҭахьаҿаԥыршьуазы ҳәа.

Гагәылиа иҳәеит алашара арцәара бжьаратәла сааҭк аҟынӡа инаӡоит, ари аамҭа ҩ-сааҭк рҟынӡа инаӡазар, иплантәу арцәара акәӡам аҭыԥ змоу, авариоуп ҳәа.

"Амшынеиқәафымцамч" аҿы аус ауеит ардырратә маҵзура. Азҵаарақәа зегьы рзы аҭел асра алшоит абри аномер ала: +7 940 730 02 20; +7 940 930 02 20.

Гагәылиа иҳәеит АУН аколлцентр ахь ауаа рацәа аҭел ишасуа. Авариақәак раамҭаан минуҭк ала шәҩык рҟынӡааамҭакала аҭел ианасуа шыҟоу.

8