Дождь в Москве

Аҟәеи Гәдоуҭеи акырцх леит

29
(ирҿыцуп 13:46 15.01.2021)
Ахаша, ажьырныҳәа 13 рзы Аԥсны аҳҭнықалақь аҟны ҽынла аҳауаԥхарра +19°С инаӡон, аԥшьашаҽны иқәаԥссон.

АҞӘА, ажьырныҳәа 15-Sputnik. Аҟәеи Гәдоуҭеи акырцх леит, жәаминуҭк рышьҭахь ақәоура иалагеит.


Аԥснытәи аҳауагәаҭаҩцәа ирҳәахьан, Аԥсны иахьаҵанакуа ахьҭақәа ҟалоит ажьырныҳәа 18 инаркны.

Мчыбжьык аԥхьа ҳтәыла ауааԥсыра ақәоура иазыԥшын, илеиз ақәа Аԥсны абнарақәа амца ахьыркыз зегьы арцәеит.

Аԥсны ақәа алеира иалагеит ажьырныҳәа 10, шьыбжьоншьҭахь. Аҳауагәаҭыҩцәа ишырҳәаз ала, аҳауаԥхарра алаҟәхара иалагоит ажьырныҳәа 15 рышьҭахь аладатәи афронти аҩада-мраҭашәаратәи афронти ахьеилало иахҟьаны, ашьхараҿи ашьхара иахьаԥнуи ақәабаа-сабааи аси леир ҟалоит.

Аԥсны аекологиеи аԥсабарахьчареи рзы Аҳәынҭкомитет иатәу аҳауагәаҭаратә ҟәша аспециалист хада Лариса Ахԥҳа лажәақәа рыла, амшын аҿықәаҿ ақәабаа-сабаа леир ҟалоит, иара убас аԥшаҳәахьы асы.

Ажьырныҳәа 18 инаркны амш еилгоит, аха аҳауаԥхарра лаҟәуеит. Ҽынла +3°С  +8°С, уахынла - ҭыԥқәак рҟны -2°С - +3°С.

29

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау