Аԥсны аџьармыкьақәа русура аграфик алагалоуп COVID-19 иахырҟьаны

32
Аԥсны Аҳәынҭқарра Ахада Аслан Бжьаниа инапы аҵаиҩит жәабранмза 10 рҟынӡа ауааԥсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа. Аԥкрақәа ирыҵаркуеит ацәамаҭәеи афатәи рџьармыкьақәа русура.

АҞӘА, ажьырныҳәа 15-Sputnik. Аԥсны араионқәа рнапхгаҩцәа реиҳараҩык ишьақәдырӷәӷәеит ацәамаҭәеи афатәи рџьармыкьақәа русура аграфик. Ашәахьа еилкаахоит тҟәарчалтәи аџьармыкьа аус анауа амшқәа.

Уи аԥхьа Аҟәа ақалақьа ахадара иаанацҳауан, аҟәатәи аџьармыкьа хада аус аулоит мчыбжьык ахь ҩынтә: аԥшьашеи асабшеи. Ацәамаҭәатә џьармыкьа "Ахәаахәҭратә комплекс "Сухумприбор" аус аулоит аҩашеи амҽышеи.

Гәдоуҭа, атәыла ахада иусԥҟа инақәыршәаны, аџьармыкьа амшқәа ҳәа ишьақәдырӷәӷәеит-аҩашеи ахәашеи.

Гагреи Пицундеи аџьармыкьа амшқәа ҳәа аграфик аларгалеит- аԥшьашеи асабшеи. Аџьармыкьақәа реиҳабацәа ирабжьгоуп ахылаԥшра арҭарц арзҩыдаратә уснагӡатәқәа, иара убас аус зуа ирыдҵоуп асбрадақәеи анапхаҵақәеи рныҟәгара.

Очамчыра араион ахада Станислав Амҷба иҳәеит, очамчыратәи аџьармыкьа аус аулоит- ахашеи амҽышеи. Уажәазы араион анапхгара ақәҵара адкыларазы аҽазыҟаҵара иаҿуп, аԥкрақәа рынагӡашьа ахылаԥшра аиҭалоит араион аиҳабы ихаҭыԥуаҩ Артемон Габелиа. Абри аграфик ала аус аулоит галтәи аџьармыкьагьы.

Тҟәарчалтәи аџьармыкьаҟны аремонтә усурақәа мҩаԥыргоит, уи аҟнытә уаанӡа мчыбжьык хымш аус ауан. Тҟәарчала араион ахада Исидор Дочиа иажәақәа рыла, ашәахьа еилкаахоит тҟәарчалтәи аџьармыкьа аус анауа амшқәа.

Абри аграфик ала аԥснытәи аџьармыкьақәа аус рулоит жәабран 10-нӡа. Аусуҩцәа иныҟәыргалароуп асабрадақәа, анапхаҵақәа. Есыҽны имҩаԥгалатәуп апрофилактикатә рзҩыдара. Аԥсны Аҳәынҭқарра Ахада Аслан Бжьаниа ауааԥсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа инапы аҵаҩит ажьырныҳәа 12 рзы.

Иара убас шәаԥхьар ҟалоит:

32

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4