Налоги

2020 шықәсазы шәахтә ҳасабла Аԥсны абиуџьет иалагалан 2,5 миллиард мааҭ

13
(ирҿыцуп 17:04 15.01.2021)
Иҳаҩсыз ашықәс азы Аԥсны абиуџьет ахь ашәахтәқәа ралалара аплан иарбан ҩ-миллиардки 789 миллион мааҭ аԥара, инагӡан– 89,8% рыла.

АҞӘА, ажьырныҳәа 15-Sputnik. Шәахтә ҳасабла ареспублика абиуџьет иалагалан 2,5 миллиард мааҭ 2020 шықәсазы, абри атәы аанацҳауеит Аԥсны ашәахтәқәеи аизгақәеи рзы аминистрра.

2019 шықәсазы ареспублика абиуџьет иалагалан ҩ-миллирдки 586 миллион мааҭ ашәахтәарақәа.

Ԥхынҷкәынмза, 2020 шықәсазы Аҟәеи араионқәеи рҟынтә иалагалаз ашәахтәшәарақәа иартәеит 273 миллион мааҭ, аплан иарбан 281 миллион мааҭ. Аплан анагӡара- 97,2%.

Атәыла араионқәа ршәахтә лагалақәа ԥхынҷкәынмзатәи рырбагақәа:

  • Аҟәа -планла иазгәаҭан 172,9 миллион мааҭ, иаланагалеит 172, 5 миллион, инагӡоуп 99,8%
  • Гагра араион -планла иазгәаҭан 46,8 миллион мааҭ, иаланагалеит 36,2 миллион, инагӡоуп 77,4%
  • Гәдоуҭа араион -планла иазгәаҭан 22,7 миллион мааҭ, иаланагалеит 22,1 миллион, инагӡоуп 97%
  • Аҟәа араион -планла иазгәаҭан 4,5 миллион мааҭ, иаланагалеит 6 миллионк, инагӡоуп 133,4%
  • Гәылрыԥшь араион -планла иазгәаҭан 9,7 миллион мааҭ, иаланагалеит 11,4 миллион, инагӡоуп 117,9%
  • Очамчыра араион -планла иазгәаҭан 14,1 миллион мааҭ, иаланагалеит 13 миллион, инагӡоуп 92,3,9%
  • Тҟәарчал араион -планла иазгәаҭан 3,8 миллион мааҭ, иаланагалеит 4,3 миллион, инагӡоуп 109,3,9%
  • Гал араион -планла иазгәаҭан 6,2 миллион мааҭ, иаланагалеит 7,4 миллион, инагӡоуп 118,3%

Иара убас шәаԥхьар ҟалоит:

13

Миқаа Гал аус зуа агәрагаратә кәалаԥқәа рзы: иарбанзаалак қьаадк иамыԥхьаӡакәа иаанымхацт

11
Гал араион ахадара апресс-маҵзура аиҳабы Ерик Миқаа арадио Sputnik аефир аҿы еиҭеиҳәеит ақалақь аҩныҵҟа иқәшыргылоу агәрагаратә кәалаԥқәа аус шыруа атәы.
Раионк аԥсҭазаараҟынтә: Миқаа Гал иҟоу агәрагаратә кәалаԥқәа рзы

"Хымз раԥхьа Кәасҭа Ԥлиеи уи ихаҭыԥуаҩ Игорь Аҩӡбеи ражәалагалала ақалақь аҿы иқәыргылан акәалаԥқәа. Аилибамкаара ҟамларцаз, ажәла мҳәакәа, ахьӡ азгәамҭакәа, акәалаԥқәа кнаҳҳаит аџьармыкьа уахьынҭало, Гал араион ахадара аҩналарҭа аԥхьа. Аинформациатә дырраҭарақәа рыла ажәлар ирылаҳҳәоит агәрагаратә кәалаԥқәа шыҟоу, дарбанзаалакгьы џьара ажәалагалак змоу, араион аҿы иҳахәаша, ма дара иргәамԥхо, ргәы еихьызшьуа акыр ыҟазар, ражәалагала азыӡырҩра, ҳшазыхиоу. Мчыбжьык ахь знык араион ахадеи сареи ҳцаны ақьаадқәа ҭганы иааҳгоит, Кәасҭа Ԥлиа даԥхьоит, анаҩс доусы инаигӡаша аусмҩаԥгатәқәа риҭоит. Иарбанзаалакгьы қьаадк аанымхацт иамыԥхьаӡакәа. Акәалаԥқәа русура иабзоураны галтәи аџьармыкьа аусқәа ҳаӡбахьеит. Амҩақәа рыҟаҵара, абаҳчақәа рҿы атәарҭақәа ахьыргылатәу уҳәа иҟаҳҵахьо маҷым. Иҳәатәуп, ари аус адгылара шаиуз ауааԥсыра рҟынтә, даара ибзиан аус ауеит аимадара", - ҳәа еиҭеиҳәеит Миқаа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

Иара убас шәаԥхьар ҟалоит:

11

Аԥсны акоронавирус даҽа 28-ҩык ирыдырбалеит иҳаҩсыз уахыки-ҽнаки рыла

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 1 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 199-ҩык атестқәа рзыҟаҵан, урҭ рахьтә 28-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп - 21-ы.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 15-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12842-ҩык ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау