Аԥсны иҟоу Урыстәылатәи Аладатәи арратә база аҟны алаҵаҟаҵара иалагеит
(ирҿыцуп 17:04 15.01.2021)
Акоронавирус аҟынтәи ҩ-компонентк рыла еилоу алаҵа "Спутник V" хәышә доза аагоуп Аԥсны иҟоу Урыстәылатәи Аладатәи арратә базахь.
АҞӘА, ажьырныҳәа 15-Sputnik. Аԥсны иҟоу Урыстәылатәи Аладатәи арратә база аҟны аҿкычымазара иаҿагыланы алаҵаҟаҵара иалагеит, абри атәы аанацҳауеит ААБ апресс-маҵзура.
Аԥсны иҟоу Урыстәылатәи Аладатәи арратә базахь иаагоуп алаҵа "Спутник V" раԥхьатәи апартиа- хәышә доза.
COVID-19 аҟынтәи алаҵа рзыҟаҵахоит анапхгаратә еилазаара, аррамаҵзурауаа, амаҵзуратә напынҵақәа назыгӡо аруаа. Алаҵа ҟазҵо аррамаҵзурауаа зегьы амедицинатә гәаҭарақәа ирхысит, ршоура ршәеит.
Иазгәаҭоуп, алаҵаҟаҵара иззыцәгьахаз, ма изызхымгаз ҳәа уаҩ дыҟам.
Алаҵаҟаҵара мҩаԥыргоит хатәгәаԥхарала.
Иара убас шәаԥхьар ҟалоит:
- Миллионки бжаки инареиҳаны COVID-19 аҟынтәи алаҵа "Спутник V" ҟарҵахьеит
-
COVID-19 ахь аколлективтә иммунитет шьақәгылар азы иаҭаху рҳәеит
-
COVID-19 аҟынтәи алаҵаҟаҵара иаԥырхагоу амзызқәа рыӡбахә ҳәоуп
Шә-тоннак рҟынӡа амимоза Аԥснынтә Урыстәыла иаларгалеит жәабранмзазы
(ирҿыцуп 11:37 01.03.2021)
2021 шықәсазы аҳауаԥхарра иахҟьаны ашәҭсезон заахеит. Амимозашәҭ абжьааԥны жәабранмза аҽеиҩшамҭаз акәын аҭира ианалагоз. Сынтәа жәабранмзатәи ашәҭ аекспорт 2020 шықәса иаԥнагеит абри аамҭа иаҿырԥшны.АҞӘА, хәажәкыра 1 - Sputnik. Шә-тоннак рҟынӡа амимоза Аԥснынтә Урыстәылаҟа иаларгалахьеит жәабранмза иалагӡаны ҳәа аанацҳауеит "Вести-Сочи".
Иааиуа амшқәа рзы иазԥхьагәаҭоуп даҽа шә-тоннак аекспорт. Анаплакыҩцәа 200 тонна рекспорт азы адокументқәа азырхианы инарышьҭхьеит.
©
Foto / пресс - служба Краснодарской таможни
Аиҳарак ашәҭ аҭира хәажәкырамза иақәшәоит. Урыстәылаҟа коммерциатә хықәкала ашәҭ алагалараан ашәҟәы иҭагалатәуп. Закәаншьаҭада аиагараан ахараԥса ддыршәоит. 15 ҿаҳәара еиҳаны аҳәаа иахызго ртауар ашәҟәы иҭаргалароуп.
Амимоза аҳәаа ахыгаразы Ахәаахәҭра-ааглыхратә палатаҟынтә асертификати афито-санитартә хылаԥшра асертификати аҭахуп.
Шәачатәи аҳазалхыҩцәа административтә зинеилагара ҳәа жәаа-уск хацдыркхьеит, иаԥырҟәҟәаан тоннаки бжаки аҟынӡа амимоза закәаншьаҭада аҳәаа ахыгара.
Иара убас шәаԥхьар ҟалоит:
-
Амимозаз аҵарҭышагара зҭахыз аинспекторцәа рганахьала ашьаус хацыркуп
"Ақыҭа - нхарҭа ҭыԥуп": Какалиа аԥсуа қыҭа иахьатәи абзазашьеи аҿиареи ртәы
(ирҿыцуп 11:09 01.03.2021)
Ақыҭанхамҩа ԥасатәи аминистр Амиран Какалиа арадио Sputnik адырраҭара "Ақыҭа - нхарҭа ҭыԥуп" аҟны игәаанагара иҳәеит Аԥсны Аџьынџьтәылатә еибашьра ашьҭахьтәи ашықәсқәа рзы ақыҭақәа рҭацәра, рхьысҳара зыхҟьаз, уаҟа аԥсҭазаара арҿиаразы иҟаҵатәу ҳәа иибо. Ақыҭа - нхарҭа ҭыԥуп: Какалиа аԥсуа қыҭа иахьатәи абзазашьеи аҿиареи ртәы
Ақыҭа – нхарҭа ҭыԥуп. Ақыҭа иахьатәи аԥсҭазаашьеи уаҵәтәи аԥеиԥши, иацу адоуҳаи иҟоу ауадаҩрақәеи ҳрылацәажәоит. Аԥсуа қыҭа азхьаԥшразы иҟаҵатәу азы ргәаанагара рҳәоит уи иадҳәалоу ауаа.
Шәазыӡырҩы аудио.
Иара убас шәаԥхьар ҟалоит:
- Ҳагба: ҳбызшәеи ҳаԥсуареи еиқәхар ҳҭахызар - ақыҭа ҭаҳгароуп
-
"Сабша-мҽышала узынхаӡом" – ақыҭа ԥсҭазаара иацу ауадаҩрақәа ртәы