Судебный молоток и весы правосудия

Омар Мерцхәылаа иӷьычразы аус Аҟәатәи араионтә ӡбарҭа иаҭоуп

13
(ирҿыцуп 12:39 16.01.2021)
Омар Мерцхәылаа иӷьычра афакт инамаданы ахара рыдуп ҳәа ҩыџьа рганахьала ашьаус мҩаԥыргоит-Георги Зыхәбеи Нугзар Папааи. Аусеиларгыҩцәа ишьақәдырӷәӷәом даҽа хаҿқәак аӷьычреи иҿыхразы аԥара агареи иалахәын ҳәа.

АҞӘА, ажьырныҳәа 15-Sputnik. Омар Мерцхәылаа иӷьычразы аус ахәаԥшразы Аҟәатәи араионтә ӡбарҭа иаҭоуп, аанацҳауеит Аԥсны Апрокуратура хада апресс-маҵзура.

Апрокуратура хада аусеилыргаратә ҟәша заанаҵтәи аусҭҵаара хнаркәшеит ԥхынҷкәын 31, 2020 шықәсазы.

Аусҭҵаара адыррақәа рыла, Омар Мерцхәылаа дырӷьычит Георги Зыхәбеи ишьақәырӷәӷәам ахаҿқәеи. Иоушьҭразы Георги Зыхәбеи Нугзар Папааи Мерцхәылаа иҭынхацәа 50 миллион аԥара рымырхырц рҽазыршәеит.

Зыхәба ахара идырҵоит ақәылареи, ауаҩы иӷьычреи, амашьына аӷьычреи, абџьар закәаншьаҭада амазаареи дрылахәуп ҳәа. Иахьатәи аамҭазы, апрокуратура хада адыррақәа рыла, Зыхәба дҭакуп. Папаа даанкылан ҵыԥх, ажьырныҳәамзазы, Аҟәатәи ақалақьтә ӡбарҭа аӡбамҭала аҩнытә ҭакра иқәҵаны доурышьҭит жьҭаара 16, 2020 шықәсазы.

Омар Мерцхәылаа дӷьычын мшаԥымзазы, хымз рышьҭахь иара ацәгьоуцәа дырцәыбналеит.

Мшаԥымзазы Мерцхәылаа иӷьычра далахәын ҳәа даанкылан Ерик Ҷкадуа. Цәыббрамзазы Ҷкадуа иганахьала ашьаусҭҵаара аанкылан, аҩнытә аҭакра иқәҵаны доушьҭын, уи ашьҭахь ишьҭазаара рылаҳәан. Ԥхынҷкәынмзазы Аҟәатәи аԥшаҳәаҿы аҭыԥ змаз хҩык ауааԥсыра рышьра далахәын ҳәа агәҩара зызрымоу Ерик Чкадуа даанкылан.

Рашәарамзазы Аԥсны ААР ахыбраҟны иԥсҭазаара далҵит Мерцхәылаа иӷьыҷра далаҟьшьын ҳәа агәызҩара зызрымаз даҽа хаҿык-Анзор Ҭарба.

Аҩнуҵҟатәи аусқәа рминистрра ахыбраҿы иаанкылаз Анзор Ҭарба иԥсҭазаара иалҵразы аусҭҵаара мҩаԥысуан хәымз инарзынаԥшуа Аҟәатәи ақалақьтә ӡбарҭаҿы. Аӡбаҩ Инар Кәарҷиа иӡбрала Аԥсны ААР ашьаусԥшаара Аусбарҭа уаанӡатәи аиҳабы Бадри Џьыкырбеи иара ихаҭыԥуаҩ Аслан Чедиеи, аусбарҭа аусзуҩцәа Адгур Аутлеви Витали Кулови Анзор Ҭарба иԥсразы хара рыдым ҳәа иԥхьаӡоуп, урҭ ацәгьоура ишалаҟьышьу азы ҵаҵӷәыркырак ахьыҟам азы.

 

 

 

13

Аԥсны акоронавирус даҽа 19-ҩык ирыдырбалеит

12
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12861-ы ыҟоуп, ргәы бзиахеит 12387-ҩык, рыԥсҭазаара иалҵит 202-ҩык.

АҞӘА, хәажәкыра 2– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 208-ҩык атестқәа рзыҟаҵан, урҭ рахьтә 19-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 28-ҩык акоронавирус адиагноз рзышьақәыргылоуп, рҭагылазаашьа бааԥсуп 7-ҩык, ибжьаратәуп -19-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу жәаҩык апациентцәа, Очамчыра ирхәышәтәуеит ԥшьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 11-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

12
Атемақәа:
Аҿкычымазара – акоронавирус Аԥсни адунеи аҿи: иалкаау

Џьопуа Гәылрыԥшь афымцалашара ахархәаразы: иаҳзыԥҵәоу арбага ҳахысран ҳаҟам

28
(ирҿыцуп 20:25 02.03.2021)
Гәылрыԥшь араион ахада ихаҭыԥуаҩ Асҭамыр Џьопуа арадио Sputnik аефир аҿы еиҭеиҳәеит араион аҿы афымца ахархәара хылаԥшра азызуа аштаб аусура атәы.
Раионк аԥсҭазаараҟынтә: Џьопуа Гәылрыԥшь афымца ахархәара хылаԥшра азызуа аштаб

"Гәылрыԥшь араион аамҭакала 34 мегаватт афымца ахархәаразы азин амоуп. Уажәы ашколқәеи ахәыҷбаҳчақәеи аусура иалагеит, уи инамаданы афымцалашара ахәархәара иаҳа иацлеит, аха ҳраион иазоужьу арбагақәа ҳархымсӡеит, убри аҟнытә аҭагылазаашьа цәгьам ҳәа ахыуҳәаартә иҟоуп. Ҳара иазыԥҵәоу арбага ҳахысрангьы ҳаҟам. Акаҭрантә зауад аҿы аус зуаз амаинингтә ферма акәзар, уаанӡагьы иаҿаҳхьан, уи аферма еиҳагьы еиҳан, маҷ-маҷ ақәгара иаҿын. Иахьазы уи азауад аҿы акгьы ыҟаӡам. Аштаб еиҿкаауижьҭеи 20 ферма инарзынаԥшуа аҿыхуп. Иҟоуп актәи амш инаркны аԥшәмацәа аилкаара аарԥшны иаҿызхыз, уи ашьҭахьгьы иаҿазымкыз. Иҟоуп еиҭа иаҿазкуагьы, урҭ рфермақәа зынӡагьы иқәыргартә аҟынӡа ҳазнеит, иахьазы быжь-фермак араион аҿы зынӡагьы иқәгоуп", -  еиҭеиҳәеит Џьопуа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

28
Атемақәа:
Аԥсны аенергетика апроблемақәа