Аԥсны атәылауаа ҩыџьа жәларбжьаратә шьҭазаара рымоуп "Япончик" ишьра иалахәын ҳәа

8
(ирҿыцуп 15:48 19.01.2021)
Ахара здырҵо Аԥсны аҵакыраҿы иҟоуп, Урыстәыла аусбарҭа ҷыдақәа урҭ уахь риагара азҵаара аус адыруылоит, уи ашьҭахь ашьаустә ҭакԥхықәра рақәыршәаразы.

АҞӘА, ажьырныҳәа 19- Sputnik. Аԥсны атәылауаа Асҭамыр Быҭәбеи Нугзар Папааи ахара рхараҵоуп аӷьыч Виачеслав Иваньков, "Япончик" ҳәа хьӡыс измаз ишьра иалахәын ҳәа, жәларбжьаратәи ашьҭазаарагьы рызуп. Абри атәы аанацҳауеит Урыстәыла ашьаусҭҵааратә еилакы асаит.

Урыстәыла ашьаусҭҵааратә еилакы адыррақәа рыла Иваньков ишьра далахәын Астамыр Быҭәба, 2009 шықәса, ԥхынгәымзазы аснаипертә винтовка ала Иваньков иеихсыз. Усҟан иара Москва, Хорошевское шоссе аҿы иҟоу аресторан "Тайский слон" ддәылҵуан.

Нугзар Папаа, ашьаусҭҵаара аверсиала убри аамҭазы ахҭыс ахьыҟалаз аҭыԥ аҿы имҵарсыз машьынак ала дыҟан, Быҭәба ихьаҵырҭа еиҿикаауан.

Егьырҭ, уаанӡа зхаҭара шьақәыргыло, ирбаандаҩу ауаа Иваньков ишьра еиҿыркаауан, абџьар мҩаныргон, иара дахьыҟаз ишьҭаԥшуан.

Ашьаусҭҵааратә еилакы адыррақәа рыла ауаҩшьра ашьҭахь Быҭәбеи Папааи Аԥсныҟа иааиит, иахьа уажәраанӡагьы ара иҟоуп.  

Аусҭҵаара макьанагьы ауснагӡатәқәа мҩаԥнагоит Виачеслав Иваньков ишьреи уи аиҿкаареи ирылахәыз зегь рышьақәыргылараз.

Нугзар Папаа иара убасгьы ахара идҵоуп Омар Мерцхәылаа иӷьычра далахәуп ҳәа. Ашьаус аилыргара анапы иануп Аҟәатәи араионтә ӡбарҭа.

8
Милиция

Аԥсны арепатриациазы уаанӡатәи аминистр Беслан Дбар иԥшаара рылаҳәоуп

1
(ирҿыцуп 16:26 23.04.2021)
Аԥсны Апрокуратура хада ашьаусԥшааратә усбарҭа ашьаус хацнаркит Арепатриациа уаанӡатәи аминистр Беслан Дбар иганахьала Аԥсны азакәанԥҵара анагӡашьа ахылаԥшразы аусбарҭа Апрокуратура хадахь инанашьҭыз аматериалқәа рҵаҵӷәала.

АҞӘА, мшаԥы 23 - Sputnik. Аԥсны арепатриациазы уаанӡатәи аминистр Беслан Дбар иԥшаара рылаҳәоуп ҳәа аанацҳауеит Апрокуратура хада апресс-маҵзура.

Апрокуратура хада аусҭҵааратә усбарҭа иара убасгьы ирыланаҳәоит ИАЕ ИАЕ "РемСтрой2012" адиректор Амиран Лакербаиагьы иԥшаара рылаҳәоуп ҳәа.

Ашьаусԥшаара адыррақәа рыла, Дбар амаҵзуратә ԥаршеитә усмҩаԥгатәқәа ҟаиҵеит, гәыԥҩык ауаа - ЗҲәА "РемСтрой 2012" адиректор Амиран Лакербаиеи Арепатриациазы афонд атехникатә хылаԥшра анџьныр Денис Ақаҩбеи иареи - заанаҵ еицәажәаны мҽхакы ҭбаала абиуџьеттә ԥарақәа рӷьычра хықәкыс иҟаҵаны мцҳәарала, ишԥаршеиз заанаҵ идырны ишьақәиргылеит амаҵзуратә документқәа.

Аԥсны Апрокуратура хада ашьаусԥшааратә усбарҭа ашьаус хацнаркит хәажәкыра 23 рзы. Аҟәатәи ақалақьтә ӡбарҭа Арепатриациаз уаанӡатәи аусзуҩ Денис Ақаҩба иганахьала аҩнтәы рбаандаҩра иқәнаҵеит лаҵара 23 рҟынӡа.

Иара убас шәаԥхьар ҟалоит:

1

Урыстәылатәи агранатаршәыҩцәа ацәҟьарақәа ирықәкны ихысуан

4
(ирҿыцуп 14:32 23.04.2021)
Аԥсны иҟоу Аладатәи арратә округ арратә ҟәшақәа аӡынразтәи рҵара-гәаҭаратә уснагӡатәқәа мҩаԥыргоит. Амчыбжь анҵәамҭазы арратә база адырра ахәшьара ықәдыргылоит. Ауснагӡатәқәа ирыдыԥхьалоуп 1,5 нызқьҩык аруаа, 500 ак арратә техника.

АҞӘА, мшаԥы 23 - Sputnik. Аԥсны иҟоу Урыстәылатәи Аладатәи арратә округ агранатаршәыҩцәа еиҭаҵуази еиҭамҵуази ацәҟьарақәа ирықәкны ихысуан агәаҭара аҳәаақәа ирҭагӡаны. Абри атәы аанацҳауеит аокруг апресс-маҵзура.

Аполигонқәа Нагвалоуи Ҵабали рҟны аррамаҵзурауаа "аӷа" иеибашьыга машьынақәа рсахьа змаз ацәҟьарақәа иреихсуан 350 метра набжьаны. Ацәҟьарақәа секундк 10 метрак рҟынӡа ирццакын.

Абри аан ахархәара рыҭан: анапылатә гранатаршәгақәа РПГ-7, акәылӡы кылызжәо агранатақәа ПГ-7ВЛ, агранатаршәга АГС-17.

Амшын аԥшаҳәаҿы ауснагӡатәқәа рымҩаԥгараан аԥша аӷьеы иасуан, секундк ала 20 метра инаӡон. Аруаа рхысраан ари азгәаҭара рыман.

Урыстәыла ар ргәаҭара мҩаԥысуеит Аладатәи арратә округ ар ркомандаҟаҵаҩ Александр Дворников инапхгарала. Аҽазыҟаҵарақәа мҩаԥысуеит 2021 шықәсазтәи аплан инақәыршәаны. Аҽазыҟаҵарақәа ирылархәуп Амшынеиқәатә флоти Каспитәи афлоти. Аҽазыҟаҵарақәа рыхәшьара мҩаԥыргоит арратә усбарҭа анапхгаҩцәа рыла ишьақәгылоу акомиссиа. Игәарҭоит ар реиҿкаашьа, анормативқәа рынагӡашьа, роперативтә зыҟаҵара аҩаӡара.

4