Аԥсны ашәҟәыҩҩцәа Реидгыла Миха Лакрба иновеллақәа рыԥхьаразы аиндаҭлара рыланаҳәеит
(ирҿыцуп 09:50 20.01.2021)
Аиндаҭлара мҩаԥысраны иҟоуп мшаԥымза 15 рҟынӡа. Иара рҽаладырхәыр рылшоит 15 - 25 шықәса зхыҵуа. АҞӘА, ажьырныҳәа 20 – Sputnik. Аԥсны ашәҟәыҩҩцәа Реидгыла аԥсуа шәҟәыҩҩы Миха Лакрба иновеллақәа рыԥхьаразы аиндаҭлара рыланаҳәеит ҳәа Sputnik иазеиҭеиҳәеит Аидгыла ахантәаҩы Вахтанг Абҳазоу.
"Ииасыз ашықәс азы аԥсуа поетцәа рырҿиамҭақәа рыԥхьаразы онлаин-еиндаҭлара мҩаԥаагеит. Сынтәагьы иҳаԥхьаӡеит Миха Лакрба ииубилеи азы иновеллақәа рыԥхьараз аиндаҭлара рылаҳҳәарц",- иҳәеит иара.
Аиндаҭлара мҩаԥыслоит онлаин формат ала. Аҽалархәра зҭаху зегьы Миха Лакрба иновелла ма ановелла ацыԥҵәаха аԥхьара авидеоролик абри аелектронтә ҭыӡҭыԥ: kamachich@yandex.ru ахь иаарышьҭыроуп мшаԥымза 15 рҟынӡа. Аиндаҭлара иалахәхар рылшоит 15 - 25 шықәса зхыҵуа зегьы. Авидеоҭаҩра аамҭала хә-минуҭк еиҳамзароуп. Иалыркаараны иҟоуп хҩык аиааиҩцәа. Ажиури бжьыҭара маӡала урҭ рыхьыӡқәа рҳәоит. Иреиӷьқәоу иранашьахоит адипломқәа, агәалашәаратә ҳамҭақәа.
XX ашәышықәсазы иналукааша аԥсуа шәҟәыҩҩцәа дреиуоуп Миха Лакрба. Иара диит ажьырныҳәа 19, 1901 шықәсазы. Лакрба иновеллақәа адунеи абызшәақәа жәпакы рахь еиҭагоуп. Аԥсны дмаҷуп Миха Лакрба иновеллақәа — "Асас", "Аԥслаҳә зшьыз", "Аламыс" уҳәа ззымдыруа.
Иара убас шәаԥхьар ҟалоит:
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит
АҞӘА, хәажәкыра 1 – Sputnik, Бадраҟ Аҩӡба. Аԥсны ахада Аслан Бжьаниа идикылеит Аԥсны ацхырааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.
Аслан Бжьаниа Урыстәыла АА амобилтә хырхарҭарацәалатәи агоспиталь амедусзуҩцәа гәык-ԥсык ала русураз, рыцхыраараз ҭабуп ҳәа реиҳәеит.
Агоспиталь аиҳаб иакәзар, уи аҭакс ҭабуп ҳәа ахиҳәааит аҳақьымцәа русуразы ирзыҟаҵаз аиҿкаара. Ахада агоспиталь аиҳабы ианеишьеит аҳаҭыртә шәҟәыбӷьыц, агәаларшәагатә ҳамҭақәа.
©
Sputnik
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит
Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшо иҟан.
©
Видео пресс-служба ЮВО
Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 19 рзы, адырҩаҽны аусурагьы иалагеит.
Уи аахыс ара ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 20-ҩык.
Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.
Иара убас шәаԥхьар ҟалоит:
-
Двинианин амобилтә госпиталь амедусзуҩцәа аҳаҭыртә шәҟәқәа риҭеит
Шә-тоннак рҟынӡа амимоза Аԥснынтә Урыстәыла иаларгалеит жәабранмзазы
(ирҿыцуп 11:37 01.03.2021)
2021 шықәсазы аҳауаԥхарра иахҟьаны ашәҭсезон заахеит. Амимозашәҭ абжьааԥны жәабранмза аҽеиҩшамҭаз акәын аҭира ианалагоз. Сынтәа жәабранмзатәи ашәҭ аекспорт 2020 шықәса иаԥнагеит абри аамҭа иаҿырԥшны.АҞӘА, хәажәкыра 1 - Sputnik. Шә-тоннак рҟынӡа амимоза Аԥснынтә Урыстәылаҟа иаларгалахьеит жәабранмза иалагӡаны ҳәа аанацҳауеит "Вести-Сочи".
Иааиуа амшқәа рзы иазԥхьагәаҭоуп даҽа шә-тоннак аекспорт. Анаплакыҩцәа 200 тонна рекспорт азы адокументқәа азырхианы инарышьҭхьеит.
©
Foto / пресс - служба Краснодарской таможни
Аиҳарак ашәҭ аҭира хәажәкырамза иақәшәоит. Урыстәылаҟа коммерциатә хықәкала ашәҭ алагалараан ашәҟәы иҭагалатәуп. Закәаншьаҭада аиагараан ахараԥса ддыршәоит. 15 ҿаҳәара еиҳаны аҳәаа иахызго ртауар ашәҟәы иҭаргалароуп.
Амимоза аҳәаа ахыгаразы Ахәаахәҭра-ааглыхратә палатаҟынтә асертификати афито-санитартә хылаԥшра асертификати аҭахуп.
Шәачатәи аҳазалхыҩцәа административтә зинеилагара ҳәа жәаа-уск хацдыркхьеит, иаԥырҟәҟәаан тоннаки бжаки аҟынӡа амимоза закәаншьаҭада аҳәаа ахыгара.
Иара убас шәаԥхьар ҟалоит:
-
Амимозаз аҵарҭышагара зҭахыз аинспекторцәа рганахьала ашьаус хацыркуп