Аԥсны иҟоу урыстәылатәи аруаа Амшынеиқәа аҵакыраҿы "аӷа" иракетақәа ҭадырхеит

10
(ирҿыцуп 15:27 20.01.2021)
Аԥырҩы дызҭам «аӷа» ихархәагақәа аԥшыхәра мҩаԥыргон Аԥсны аҵакыраҿы иҟоу арратә обиектқәа рганахь ала, Амшынеиқәа аԥшаҳәа иаваршәны.

АҞӘА, ажьырныҳәа 20 - Sputnik. Аԥсны иҟоу Урыстәыла Аладатәи арратә округ арратә база аррамаҵзурауаа "аӷа" аԥырҩы дызҭам ихархәагақәеи  амҵәыжәҩа змоу иракетақәеи ҭадырхеит Амшынеиқәа аҵакыраҿы ҳәа аанацҳауеит аокруг апресс-маҵзура.

Аҵара-ҽазыҟаҵарақәа мҩаԥысуан аполигон Ҵабал аҿы. Урҭ ирылахәын амотохысцәеи арадиоелектронтә ҿагылара ахәҭақәеи.

Аррамаҵзурауаа аԥхьа ирбеит аԥшыхәратә хархәага. Дара уи амҩангара иалагеит. Уи аан рхы иадырхәеит арадио аԥырхага азҭо астанциақәа, нас арадиоелектронтә ҿагылара ахәҭақәа ишьақәдыргылеит ахархәага аласра.

Аԥырҩы дызҭам аԥшыхәратә хархәага амҩангара алыршаны аруаа иара дара рҵакыраҿы идыртәеит.

Арадиоелектронтә ҿагылара ахәҭақәа цәҟьараны рхы иадырхәеит Аԥсны игылоу урыстәылатәи арратә хәҭа иатәу аԥырҩы дызҭам ахархәагақәа.

10

Аԥсны даҽа 21 акоронавирустә хҭыс ҿыц ашәҟәы иҭагалоуп

1
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

1
Атемақәа:
Аҿкычымазара – акоронавирус Аԥсни адунеи аҿи: иалкаау

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4