ЕгрыГЕС аанкылоуп атоннель аремонт азуразы

20
(ирҿыцуп 16:55 20.01.2021)
ЕгрыГЕС адеривациатә тоннель аремонт азура мҩаԥыслоит 2021 шықәса лаҵарамза 1 аҟынӡа. Абри аамҭазы Аԥсны иахьаҵанакуа урыстәылатәи афымцалашарала еиқәыршәахоит.

АҞӘА, ажьырныҳәа 20 - Sputnik, Сариа Кәарцхьаԥҳа. ЕгрыГЕС аусура аанкылан ажьырныҳәа 20 асааҭ 15:00 рзы.

ЕгрыГЕС анапхгараҭара ахантәаҩы Леван Мебониа иажәақәа рыла, агрегатқәа рыхәбагьы аанкылоуп, аӡы аӡеизакырҭаҟынтәи атоннель ахь изымнеиуа иҟаҵоуп. Аусуҩцәа атоннель ҭадырцәуеит. Уи хымшҟа аҭахуп.

"Ажьырныҳәа 24 инаркны аремонт иалагар ауеит. Атехника, ауаа зегьы рҭыԥқәа рҿы иҟоуп, аусура анапалакра иазыхиоуп. Атоннель 15 километра инаӡоит, аҭбаара 9 метрак иҟоуп. Ауадаҩрақәа ҳәарада иҟоуп, аха аусурақәа рыплан шьақәыргылоуп. Аграфик еиԥҟьап ҳәа сыҟам. Усеиԥш ҭагылазаашьак ҟалар ҳәа арезервтә гәыԥ азыхианы иҟоуп",- иҳәеит Мебониа.

АУН "Амшынеиқәафымцамч" адиректор Михаил Логәуа уаанӡа иҳәеит, иахьанӡа арахьынтәи алашара шроуаз Гәылрыԥшь, Очамчыра, Тҟәарчал, Гагра араионқәа. Ахаша, асааҭ 11:00 рзы урыстәылатәи аҟазауаа арҭ араионқәа урыстәылатәи афымцамчхара раҵаркразы иахәҭаны иҟоу аусурақәа мҩаԥыргоит ҳәа иҳәеит иара.

Аиҭашьақәыргылара мҩаԥнагоит ақырҭуа ргыларатә еилахәыра, анемец ҟазауаа рыпроект ала. Аԥарашәара мҩаԥнагоит Европатәи арҿиара абанк. Иахьазы Аԥсны Урыстәылантәи афымцалашара аиуеит.

ЕгрыГЕС адеривациатә тоннель аҵыхәтәантәи аремонт мҩаԥган 2006 шықәса рзы, ашәарҭадара атехника ишаҳәо ала ес-хәышықәса аҭагылазаашьа ишашьклаԥшлатәу. Уажәы аӡы ахьацәцо азы 250 миллион киловатт сааҭ ыӡуеит. Ари Аԥсны шықәсык ала ахы ианархәо афымцалашараҟынтә 10% артәоит.

Аремонт ахәԥса 45 миллион евро итәоит, уи аҟынтәи 7 миллион евро Еврокомиссиа грантк аҳасаб ала иоунашьҭит, 38 миллион  ареконструкциақәеи аҿиареи Европатәи рбанк (EBRD) иоунашьҭит.

Мебониа иажәақәа рыла астанциа ахаҭа аус бзианы иауеит.

"Атоннель проблеманы иҟан. Сгәы иаанагоит аремонт ашьҭахь ҳцәыӡқәа 30-40% еиҵахап ҳәа. Уи инақәыршәаны ГЕС аусурагьы 100 миллион киловатт-сааҭ рҟынӡа иацлароуп", - иҳәеит Мебониа.

ЕгрыГЕС заҵәык ауп Аԥсны аҵакыра зегьы фымцалашарала еиқәзыршәо. Иара ахархәарахь ирыҭан 1978 шықәса рзы. Агидроагрегатқәа Аԥсны аҵакыраҿ игылоуп, аӡеизакырҭа – Қырҭтәыла. Астанциа ашықәсбжьаратә фымцамч аужьра х-миллиардки 700 миллион киловатт ыҟоуп сааҭк ала.

Иара убас шәаԥхьар ҟалоит:

20
Атемақәа:
ЕгрыГЕС атоннель аремонт (33)

Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

1
Урыстәыла Атәылахьчара аминистрра иатәу амобилтә госпиталь 2020 шықәса жьҭаара 20 рзы аусура иалагеит, аусура хыркәшахеит хәажәкыра 1 азы.

АҞӘА, хәажәкыра 1 – Sputnik, Бадраҟ Аҩӡба. Аԥсны ахада Аслан Бжьаниа идикылеит Аԥсны ацхырааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

Аслан Бжьаниа Урыстәыла АА амобилтә хырхарҭарацәалатәи агоспиталь амедусзуҩцәа гәык-ԥсык ала русураз, рыцхыраараз ҭабуп ҳәа реиҳәеит.

Агоспиталь аиҳаб иакәзар, уи аҭакс ҭабуп ҳәа ахиҳәааит аҳақьымцәа русуразы ирзыҟаҵаз аиҿкаара. Ахада агоспиталь аиҳабы ианеишьеит аҳаҭыртә шәҟәыбӷьыц, агәаларшәагатә ҳамҭақәа.

© Sputnik
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшо иҟан.

Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 19 рзы, адырҩаҽны аусурагьы иалагеит.

Уи аахыс ара ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 20-ҩык.

Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.

Иара убас шәаԥхьар ҟалоит:

1

Шә-тоннак рҟынӡа амимоза Аԥснынтә Урыстәыла иаларгалеит жәабранмзазы

4
(ирҿыцуп 11:37 01.03.2021)
2021 шықәсазы аҳауаԥхарра иахҟьаны ашәҭсезон заахеит. Амимозашәҭ абжьааԥны жәабранмза аҽеиҩшамҭаз акәын аҭира ианалагоз. Сынтәа жәабранмзатәи ашәҭ аекспорт 2020 шықәса иаԥнагеит абри аамҭа иаҿырԥшны.

АҞӘА, хәажәкыра 1 - Sputnik. Шә-тоннак рҟынӡа амимоза Аԥснынтә Урыстәылаҟа иаларгалахьеит жәабранмза иалагӡаны ҳәа аанацҳауеит "Вести-Сочи".

Иааиуа амшқәа рзы иазԥхьагәаҭоуп даҽа шә-тоннак аекспорт. Анаплакыҩцәа 200 тонна рекспорт азы адокументқәа азырхианы инарышьҭхьеит.

Аиҳарак ашәҭ аҭира хәажәкырамза иақәшәоит. Урыстәылаҟа коммерциатә хықәкала ашәҭ алагалараан ашәҟәы иҭагалатәуп. Закәаншьаҭада аиагараан ахараԥса ддыршәоит. 15 ҿаҳәара еиҳаны аҳәаа иахызго ртауар ашәҟәы иҭаргалароуп.

Амимоза аҳәаа ахыгаразы Ахәаахәҭра-ааглыхратә палатаҟынтә асертификати афито-санитартә хылаԥшра асертификати аҭахуп.

Шәачатәи аҳазалхыҩцәа административтә зинеилагара ҳәа жәаа-уск хацдыркхьеит, иаԥырҟәҟәаан тоннаки бжаки аҟынӡа амимоза закәаншьаҭада аҳәаа ахыгара.

Иара убас шәаԥхьар ҟалоит:

4