Аҟәа афымцалашара лассы-лассы арцәара амзызқәа ирылацәажәеит

29
(ирҿыцуп 09:29 21.01.2021)
"Амшынеиқәафымцамч" Аԥсны иахьаҵанакуа алашараиуразы аԥкрақәа аланагалеит атәыла аенергосистема ахьанҭарақәа инарыдҳәаланы.

АҞӘА, ажьырныҳәа 21 – Sputnik. Аҟәа еиуеиԥшым ахәҭақәа рҿы афымцалашара арцәара Афымцатәҳақәа русбарҭа аусзуҩцәа имҩаԥырго аусурақәа ирыдҳәалоуп ҳәа иҳәеит аусбарҭа аиҳабы Ҭемыр Џьынџьал, арадио Sputnik аинтервиу аҭо.

"Ҩ-сааҭктәи арцәара  еиҳа-еиҳа изцыло ахьанҭарақәа ирыдҳәалоуп. Атрансформатортә мчхара аназымхалак, аԥкратә режим алаагалоит", - иҳәеит Џьынџьал.

Иара иазгәеиҭеит алашарарцәара аграфик шышьақәыргылам, аҭагылазаашьа иаҿырԥшны ишымҩаԥырго.

"Алашара арцәара аграфик ыҟам. Аҭагылазаашьа ишаҳәо еиԥш иҳарцәоит. Ҩымш ҵуеит ацәаҳәа "Синоп" аҿы акабельтә ԥхасҭа аҭыԥ амоижьҭеи, уи афидер №7 ауп. Иароуп ақалақь ахәҭак лашарала еиқәзыршәо. Аусурақәа ирҿуп ажьырныҳәа 19 ауха асааҭ жәаба иаркны. Макьанагьы аиԥҟьара ахьыҟалаз аҭыԥ шьақәыргылам", - иҳәеит иара.

Иара иажәақәа рыла, Аҟәа ауааԥсыра 10-15% лашарада иаанхоит. Синоп иҟалаз авариа иахҟьаны Ацҳа ҟаԥшь иаркны Воронов имҩа аҟынӡа ауаа лашарада иҟоуп. Уи адагьы Алашарбага араион аҿы атрансформатор ԥхасҭахеит. Аелектрикцәа уи аԥсахра иаҿуп ҳәа иҳәеит иара.

"Аамҭа-аамҭала асхема ҳаԥсахуеит. Алашарбага араион аҿы аграфик ыҟоуп - ԥшьба-ԥшьба сааҭ рыбжьара ҩба-ҩба сааҭ идырцәоит алашара. Аҭагылазаашьа еиҳа-еиҳа ибааԥсхоит", - иҳәеит Џьынџьал.

СУЕС аиҳабы иҳәеит ауааԥсыра амаинингқәа аҿырхаанӡа аҭагылазаашьа аҽшеиҭанамкуа.

Анаплакы аиҳабы иазгәеиҭеит алашара арцәара аенергетикатә техника акыр ишаԥырхаго.

Иара убас шәаԥхьар ҟалоит:

29
Атемақәа:
Аԥсны аенергетика апроблемақәа (233)

Рыӡбахә ҳәоуп аԥхынразы аҭыԥқәа еиҳа заа иахьҿарҵо Аԥсны акурортқәа

1
(ирҿыцуп 13:09 09.03.2021)
Асиа шьақәыргылоуп 2020-2021 шықәсқәа рзы Аԥсны заанаҵтәи аҭыԥқәа рҿаҵараз амаҵзура адыррала.

АҞӘА, хәажәкыра 9 - Sputnik. Аԥсшьараз анхарҭаҭыԥқәа рҿаҵара амаҵзура TVIL.RU адырра ҟанаҵоит Аԥсны акурортқәа реиҳа аҿаҵа ахьыҟарҵо ракәны иҟоуп ҳәа.

Атуристцәа реиҳараҩык заанаҵы 8 - 15 уахы аангылареи 1,3 - 2,7 нызқьмааҭ аныхреи рыгәҭакуп.

Убри аан аиҳарак аԥсшьара ахәԥса лаҟәуп Гәдоуҭа - 1,3 нызқьмааҭ уахык азы, еиҳа ахәԥса ҳаракуп Пицунда - 2,7 нызқьмааҭ уахык азы.

Ииасыз ашықәс иадкыланы заанаҵтәи аҿаҵақәа рхыԥхьаӡара еиҳахеит акурортқәа быжьба рҿы:

  • Гагра – 2419 мааҭ / 11,5 у.,
  • Пицунда – 2683 мааҭ / 11 у.,
  • Афон ҿыц -1984 мааҭ / 8 у.,
  • Аҟәа – 2441 мааҭ / 15 у.,
  • Цандрыԥшь – 2399 мааҭ / 13 у.,
  • Алаҳаӡы – 2579 мааҭ / 10 у.,
  • Гәдоуҭа – 1305 мааҭ / 14 у.

Иара убас шәаԥхьар ҟалоит:

1

Аԥсны Аџьынџьтәылатә еибашьра аветеранцәа ргәыԥк ахада ԥхьатәара дцарц ааԥхьара ирҭеит

6
(ирҿыцуп 14:17 09.03.2021)
Ҩышәҩык инарзынаԥшуа Аԥсны Аџьынџьтәылатә еибашьра аветеранцәа атәыла ахада Аслан Бжьаниа иахь ааԥхьара рнапы аҵарҩит.

АҞӘА, хәажәкыра 9 - Sputnik. 1992-1993 шықәсқәа рызтәи Аԥсны Аџьынџьтәылатә еибашьра аветеранцәа ргәыԥк ахада Аслан Бжьаниа ԥхьатәара дцарц ааԥхьара ирҭеит.

Ааԥхьараҿы аветеранцәа иазгәарҭеит 2020 шықәсазтәи анапхгареиҭакреи уи ашьҭахьтәи алхрақәеи атәылаҿ аҭагылазаашьа шеиҭарымкыз, 2004 шықәса раахыстәи аполитикатә кризис еиҳагьы аҽшарҭбааз.

"Ақәԥара ахьӡала ақәԥара ҳарааԥсеит. Адәныҟатәи ашәарҭарақәа ракәӡам ҳазҿагылогьы, ҳара ҳара ҳаиҿагылоуп. Иахьа зегьы еилыркаахьеит иалху амҩа, аиаша уҳәозар амҩа аҟамзаара, хара имгакәа аҳәынҭқарра ацәыӡрахь ҳашкылнаго", - аҳәоит аԥшьгаратә гәыԥ ирыладырҵәаз ааԥхьара.

Аҳәынҭқарразы ишәарҭоу ахылҿиаақәа ралмыршаразы, амилаҭ ԥхьаҟатәи рыҿиараз аҭагылазаашьа бзиақәа раԥҵаразы аветеранцәа ааԥхьара руеит:

  • Аслан Бжьаниа ԥхьатәара ацаразы аӡбра идикыларц,
  • Хара имгакәа ахада иалхрақәеи аҭыԥантәи ахаланапхгараҭаратә усбарҭақәа рахь алхрақәеи еицымҩаԥгазарц,
  • Аполитикатә партиа "Амцахара", аветерантә еиҿкаара "Аруаа", егьырҭ аветерантә еиҿкаарақәа ахада иалхраан акандидат иқәыргылара ма акандидатцәа руаӡәк далкааны идгылара рҽацәхьаркырц,
  • Аполитикатә партиа "Амцахара", аветерантә еиҿкаара "Аруаа", егьырҭ аветерантә еиҿкаарақәа алхрақәа раан алхратә закәанԥҵара анормақәа рықәныҟәашьеи аполитикатә етика азгәаҭашьеи хылаԥшра рыҭаразы акомиссиа (аринахыс – Акомиссиа) еицаԥырҵарц,
  • Акомиссиа иалнаршароуп ахадарахьы акандидатцәа рыбжьара аиқәшаҳаҭра анапаҵаҩра – иаиааиуа алхрақәа рышьҭахь ажәлар реидкылара аҭакԥхықәра рхахьы ишырго, аҿиаразы аҳәынҭқарратә программа аус шадыруло азы.

Аҩаша, хәажәкыра 9 рзы аветеранцәа атәылаҿ иҟоу аполитикатә ҭагылазаашьазы Аҟәа апресс-конференциа мҩаԥыргеит. Апресс-конференциа иалахәын аибашьра аветеранцәа: Гарри Саманба, Алик Бгьеу, Ҭемур Қәычбериа, Витали Тарнаа.

Апресс-конференциаҿ Аԥсны Афырхаҵа Гарри Саманба ахҳәаа аиҭеит ахада инапынҵақәа рааныжьразы аибашьра аветеранцәа ргәыԥ иҟанаҵаз ааԥхьара, иазгәеиҭеит анапхгара ҿыц шықәсыктәи русура атәыла аԥсҭазаараҿы еиҭакрак шанамҭаз.

"Сара арадикалтә усқәа сырҿагылаҩуп. Хәажәкыра 11 рзы "Аруаа" реизара ду мҩаԥысраны иҟоуп. Ааԥхьара ҟасҵоит ишәа-изаны иҟам шьаҿақәак ҟамларц, иласу аӡбрақәа рыдрымкыларц, избанзар еиҳа-еиҳа аҵахь ацара ҳаҿуп. Ахада хатәгәаԥхарала ԥхьатәара ицара акәзар – политикатә шьаҿаны сахәаԥшуеит", - иҳәеит иара.

Саманба иажәақәа рыла атәыла анапхгареи аоппозициааи аусеицура иалагароуп, ус анакәымха аҳәынҭқарра бзиарак азыԥшны изыҟалом.

6