Аԥсны иазымхар ҟалоит иззеиқәшаҳаҭханы Урыстәылантәи иаауа афымцалашара

32
(ирҿыцуп 22:09 21.01.2021)
Аԥсны Аҳәынҭқарра иахьатәи аамҭазы есыҽны ахы ианархәо афымцамч 10,5 миллион киловатт сааҭ ыҟоуп.

АҞӘА, ажьырныҳәа 21 – Sputnik. Аԥсны иазымхар ҟалоит иззеиқәшаҳаҭханы урыстәылантәи иаауа 800 миллион киловатт сааҭ афымцалашара ҳәа иҳәеит АУН "Амшынеиқәафымцамч" адиректор хада Михаил Логәуа Аԥсуа телехәаԥшра аинтервиу аҭо.

Афымцалашара азымхара мзызны иамоу ареспубликаҿы иара ахархәара ҳарак ауп.

Иахьазы Аԥсны Аҳәынҭқарра есыҽны ахы ианархәоит 10,5 миллион киловатт сааҭ. Аенергетикцәа изларԥхьаӡаз ала, ЕгрыГЕС аремонт хыркәшахаанӡа Аԥсны ианеиҵаха 950 миллион киловатт сааҭ аҭахуп ҳәа иҳәеит Логәуа.

"Ҳара иахьа ҳамчқәа зегьы еизаҳамкыр, афымцалашара аекономиа ҳазымхәыцыр, адефицит ҳзацәцом. Иазԥхьагәаҭаз 800 миллион киловатт сааҭ ҳазхаӡом", - ҳәа иҳәеит Михаил Логәуа.

Иара убасгьы иҳәеит алашара арцәара зыхҟьо ацәаҳәақәа аидара ахьырзышьҭымхуа ауп ҳәа.

"Џьара ҿыцк аҳаӡбар ауп. Уи акыр ихьанҭахашт, аха сеигәыӷуеит аилкаара ааҳарԥшып ҳәа. Алашара ырцәо ҳара астанциа маҷқәа еиқәҳархоит. Ус анакәымха, "Аҟәа-1" иҟаз еиҭаҟалоит", - ҳәа иҳәеит иара.

АУН "Амшынеиқәафымцамч" адиректор Михаил Логәуа уаанӡа иҳәахьан, иахьанӡа ЕгрыГЕС аҟынтәи алашара шроуаз Гәылрыԥшь, Очамчыра, Тҟәарчал, Гагра араионқәа. Ахаша, асааҭ 11:00 рзы урыстәылатәи аҟазауаа арҭ араионқәа урыстәылатәи афымцамчхара иаҵадыркит. Аԥсны егьырҭ араионқәа Урыстәылантәи афымцалашара роуа иалагахьан 2020 шықәса ԥхынҷкәын 11 инаркны.

Ажьырныҳәа 20 рзы аремонт азы иаанкылоуп ЕгрыГЕС. Аиҭашьақәыргылара мҩаԥнагоит ақырҭуа ргыларатә еилахәыра, анемец ҟазауаа рыпроект ала. Аԥарашәара мҩаԥнагоит Европатәи арҿиара абанк. Иахьазы Аԥсны Урыстәылантәи афымцалашара аиуеит.

Иара убас шәаԥхьар ҟалоит:

32
Атемақәа:
ЕгрыГЕС атоннель аремонт (33)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау