Аҟәа афымцеихшарҭа аусзуҩцәа Синоп акабель аԥхасҭа ахьаиуз макьана ирзымԥшаацт

14
Синоп иҟалаз авариа иахҟьаны Ацҳа ҟаԥшь инаркны Воронов имҩаҟынӡа ауаа лашарада иҟоуп.

АҞӘА, ажьырныҳәа 21– Sputnik, Бадраҟ Аҩӡба. СУЕС аусзуҩцәа макьана Синоп акабель аԥхасҭа ахьаиуз рзымԥшаацт ҳәа иҳәеит Sputnik аинтервиу азҭаз афымцацәаҳәақәа Аҟәатәи русбарҭа аиҳабы Ҭемыр Џьынџьал.

Афымцацәаҳәа "Синоп" аҿы ԥхасҭа афидер №7 акабель тҟәацит. Иароуп ақалақь ахәҭак лашарала еиқәзыршәо.

Уи иахҟьаны Аҟәа ауааԥсыра 10-15%, Ацҳа ҟаԥшь иаркны Воронов имҩа аҟынӡа ауаа лашарада иҟан.

Акабель ахьеиԥҟьо аҭыԥ аԥшаара мариам. Иара адгьыл иҵоуп, џьара-џьара атротуартә мҩа иаҵанакуеит ҳәа иҳәеит Џьынџьал.

Убри аан иара иазгәеиҭеит СУЕС алашаранашьҭра асхема шеиҭаркыз, ари ахәҭа иаҵанакуа ауаа лашарада иаанымхарц азы.

"Сгәы иаанагоит амш ахы-аҵыхәала апроблема аҭыԥ иқәаҳҵап ҳәа" - иҳәеит Тимур Џьынџьал.

Ажьырныҳәа 19 инаркны "Амшынеиқәафымцамч" афымцалашара ауааԥсыра рзынашьҭра ԥнакуа иалагеит аенергосистема ахьанҭара ахьацлаз азы.

Иара убас шәаԥхьар ҟалоит:

14
Гудаута

Бжьаниа Гәдоуҭа араион ахадас Боџьгәуа икандидатура еиҭа инаишьҭит

2
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.

Апресс-маҵзураҿы ишырҳәаз ала адокумент анапы аҵаҩын жәабран 26 рзы.

Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.

Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.

Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.

Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.

Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.

2
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

39
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

39