Гәдоуҭеи Гагреи араионқәа рҿы амҩақәа рремонт амшцәгьақәа ирхырҟьаны иаанкылоуп

© Sputnik / Игорь Онучин / Амедиаҵәахырҭахь аиасраДорожные знаки на территории капитального ремонта участка автодороги А-375 "Восток" Хабаровск - Находка.
Дорожные знаки на территории капитального ремонта участка автодороги А-375 Восток Хабаровск - Находка. - Sputnik Аҧсны
Анапаҵаҩра
Гәдоуҭеи Гагреи араионқәа рҿы амҩақәа аремонт рзыруеит Аԥсны асоциал-економикатә ҿиараз Аинвестициатә программа аҳәаақәа ирҭагӡаны.

АҞӘА, ажьырныҳәа 21 – Sputnik, Бадри Есиава. Гәдоуҭеи Гагреи араионқәа рҿы амҩақәа рремонт амшцәгьақәа ирхырҟьаны иаанкылоуп ҳәа Sputnik иазеиҭеиҳәеит Аԥсны акапиталтә ргылараз Аусбарҭа атеххылаԥшра аиҳабы Дикран Хынҭәба.

Иара иҳәеит Абӷархықә ақыҭа амҩа акаҭран ақәҵара шхыркәшо, аха Аҷандараҟа узго амҩа аремонт алагараз аусурақәа ишырхьымӡаз.

"Амшқәа бзианаҵы Абӷархықәтәи амҩа ҳҽахьаҳагӡеит. Амш шааилгалак Аҷандаратәи амҩа нап аҳаркуеит", - ҳәа иҳәеит Хынҭәба.

Пицунда агәы инаркны Ареспубликатә мҩаду ахь инеиуа 18 километра инаӡо амҩа 2020 шықәса абҵарамзазы иалагеит. Иара убри аамҭазы нап аркын Ԥсоу иаԥну амҩа Октиабрскаиа. Иара жә-километрак рҟынӡа инаӡоит. Ԥхынҷкәын агәҭазы амҩа аремонт хдыркәшеит, егьырҭ Цандрыԥшь амҩа маҷқәа рремонт иалагараны иазԥхьагәаҭан.

Ремонт дорог в Новосибирске  - Sputnik Аҧсны
Гәдоуҭа араион ақыҭақәа ҩба рҿы амҩаҟаҵара иалагеит

"Ашықәс ҿыц ашьҭахь аусурақәа ҳрылагараны ҳаҟан, аха амшцәгьа ҳԥырхагахеит. 20 нызқь метрԥшьыркца инаӡо 12 мҩа-маҷ рремонт ҳалагараны ҳаҟоуп. Сгәы иаанагоит амш шааилгалак ҳалагап ҳәа", - иҳәеит Хынҭәба.

Гәдоуҭеи Гагреи араионқәа рҿы амҩахәҭақәа аремонт рзыруеит Аԥсны асоциал-економикатә ҿиаразы Аинвестициатә программа аҳәаақәа ирҭагӡаны. Аусурақәа мҩаԥнагоит "Амҩаргыларатә комбинат". Ахылаԥшра анапы иануп ареспублика Акапиталтә ргылараз аусбарҭа.

Ажәабжьқәа зегьы
0