Гәдоуҭа араион иалагалоуп аамҭа-аамҭала афымцалашара арцәара аграфик

26
(ирҿыцуп 13:37 23.01.2021)
Аԥсны араионқәа зегьы рҿы иаԥҵоуп аштабқәа, урҭ русура афымцамч ахархәара аиҵатәра иазырхоуп.

АҞӘА, ажьырныҳәа 23-Sputnik. Афымцамч ахархәара аиҵатәразы Гәдоуҭа араион иалагалоуп аамҭа-аамҭала афымцалашара арцәара аграфик, абри атәы иҳәеит АУН "Амшынеиқәафымцамч" апресс-маӡаныҟәгаҩ Алхас Гагәылиа.

"Ари аграфик алагалоуп афымцамч ахархәара аиҵатәразы. Афымцалашара арцәара аамҭа џьбараӡам, иара уи ҳақәныҟәап ҳәа ҳгәыӷуеит, иҟалоит арцәара аамҭа аиҵатәра ҳалшаргьы",- иҳәеит Гагәылиа.

Гәдоуҭа араион иалагалоу аамҭа-аамҭала афымцалашара арцәара аграфик абас иҟоуп:

  • асааҭ 00:00 инаркны 02:00, иара убас асааҭ 16:00 -18:00- астанциа маҷ Гәдоуҭа, афымцацәаҳәа - Кьараз, Бамбора, гагратәи амҩа
  • асааҭ 02:00 инаркны 04:00- астанциа маҷ Гәдоута актәи асекциа, астанциа маҷ Лыхны
  • асааҭ 04:00 инаркны 06:00, иара убас асааҭ 12:00 -14:00- астанциа маҷ Афон Ҿыц аҩбатәи асекциа, астанциа маҷ Гәдоуҭа аҩбатәи асекциа
  • асааҭ 08:00 инаркны 10:00, иара убас асааҭ 14:00 -16:00- астанциа маҷ Афон Ҿыц актәи асекциа, астанциа маҷ Мҵара
  • асааҭ 18:00 инаркны 20:00- астанциа маҷ Гәдоуҭа-актәи атсанциа, астанциа маҷ Лыхны, афымцацәаҳәа Блабырхәа
  • асааҭ 22:00 инаркны 00:00- астанциа маҷ Гәдоуҭа, афымцацәаҳәақәа:ахәыҷбаҳча, ТП-11, аҩныеихагылақәа, астанциа маҷ Мысра.

Аԥсны ахада Аслан Бжьаниа ажьырныҳәа 22 рзы аилацәажәара мҩаԥигеит ареспубликаҿы иҟоу аенергетикатә кризис иазкны. Ахада адҵа ҟаиҵеит араионқәа рҿы аштабқәа аԥырҵарц, урҭ русура афымцамч ахархәара аиҵатәра иаздырхарц.

Бжьаниа афымцамч ахархәараз арбагақәа ааигеит, урҭ инарықәыршәаны, 2020 шықәса рзы иҟаз ахархәара 2019 шықәсатәи ахархәара иаҿырԥшны 21 процент еиҳахеит.

Иара убас шәаԥхьар ҟалоит:

26
Атемақәа:
Аԥсны аенергетика апроблемақәа (228)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау