Администрация города Сухум

Афымцамч ахархәара аларҟәразы иаԥҵоу аҟәатәи аоперштаб уахгьы-ҽынгьы аус аулоит

20
Атәыла ахада араионқәа реиҳабацәа дҵаны рҿаԥхьа иқәиргылеит мчыбжьык иалагӡаны афымцалашара ахархәара аларҟәразы иҟоу апроблема ӡбахарц.

АҞӘА, ажьырныҳәа 23-Sputnik. Закәаншьаҭада акриптовалиута аиура аҿагылара азҵааразы Аҟәа иаԥҵоуп аоперштаб, иара уахгьы-ҽынгьы аус аулоит. Абри атәы аанацҳауеит аҳҭнықалақь ахадара асаит.

Закәаншьаҭада акриптовалиута аиура аҿагыларазы анагӡаратә план алацәажәаразы аоперштаб есыҽны аилатәара мҩаԥыргалоит, иара убас инарыгӡаз аусқәа рҳасабырба Аԥсны Ахада Иусбарҭахьи аминистрцәа Реилазаарахь инарышьҭларц адҵа рыҭоуп.

Аштаб ахадара аиҭоит аҳҭнықалақь аиҳабы Беслан Ешба, иара убас иалоуп:

  • Леон Кәарҷиа- ақалақь ахада ихаҭыԥуаҩ,
  • Алхас Агәымаа- Аҟәа ақалақь апрокурор,
  • Асҭамыр Хагәышь- Аҟәа ақалақь амилициа аҟәша аиҳабы инапынҵақәа назыгӡо,
  • Ҭеимыр Џьынџьал- Аҟәатәи афымцеихшарҭақәа русбарҭа аиҳабы,
  • Ҭенгиз Блабб- Аҟәатәи афымцеихшарҭақәа русбарҭа анџьныр хада,
  • А.П Строчан- Аҟәатәи афымцеихшарҭақәа русбарҭа атехникатә ҟәша аиҳабы,
  • Руслан Аҩӡба- Аҟәа ахадара Анхарҭа-коммуналтә усбарҭа адепартамент адиректор,
  • Д.Н. Аршба- АУН "Амшынеиқәафымцамч" аусбарҭа афымцаҭира аиҳабы,
  • Л.А-Қәачахьиа- амуниципалтә усбарҭа "Горсервис" аиҳабы,
  • Д.А. Аҟалӷьба- Аҟәа ақалақь ахадара аекономикатә ҿиаразы аҟәша аспециалист хада,
  • Аслан Дочиа- Аҟәа ақалақь ахадара азинтә ҟәша аиҳабы.

Аԥсны ахада Аслан Бжьаниа ажьырныҳәа 22 рзы аилацәажәара мҩаԥигеит ареспубликаҿы иҟоу аенергетикатә кризис иазкны. Ахада адҵа ҟаиҵеит араионқәа рҿы аштабқәа аԥырҵарц, урҭ русура афымцамч ахархәара аиҵатәра иаздырхарц.

Ажьырныҳәа 23 рзы афымцамч ахархәара аиҵатәразы Гәдоуҭа араион аамҭа-аамҭала афымцалашара арцәара аграфик шалагалоу.

Бжьаниа афымцамч ахархәараз арбагақәа ааигеит, урҭ инарықәыршәаны, 2020 шықәса рзы иҟаз ахархәара 2019 шықәсатәи ахархәара иаҿырԥшны 21 процент еиҳахеит.

Иара убас шәаԥхьар ҟалоит:

20
Атемақәа:
Аԥсны амаинингтә фермақәа раҿыхра (71)
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

37
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

37

Ахра Аҩӡба иуацәеи идгылаҩцәеи Ашәарҭадаратә маҵзура аҿаԥхьа еизеит

27
(ирҿыцуп 01:42 05.03.2021)
Хәажәкыра 4 ахәылбыҽха Ахра Аҩӡба даанкылоуп ҳәа адырра ҟалеит. Ахыҵхырҭақәа излаарыцҳауа ала, иара Аԥсны Аҳәынҭқарратә шәарҭадаратә маҵзура ахыбрахь иҿахәҿыхразы днаргеит. Иҩны азинхьчаҩцәа акәшаны игылоуп.

АҞӘА, хәажәкыра 5 - Sputnik. Аҟәа иаанкылоу Ахра Аҩӡба иуацәеи идгылаҩцәеи АШәМ ахыбра аҿаԥхьа еизеит ҳәа ааицҳауеит акорреспондент аҭыԥ аҟынтәи.

Аҩӡба иуацәа руаӡәк ишеиҭеиҳәаз ала, аӡәгьы макьана издырӡом иара дзааныркылаз, дара иҿахәҿыхра ахьымҩаԥысуа ахыбра аҿаԥхьа иԥшны игылоуп дзыхдырҟьаз еилыркаарц азы.

"Макьана ҳара иҳаздыруам дзыхдырҟьаз, аҩнуҵҟа ҳауацәақәак ҩналеит. Урҭ иҟоу шыҟоу еилыркаароуп", - иҳәеит иара.

Уи ишиҳәаз ала, ахыбра дыҩналеит адукат Инга Габилаиаԥҳа, лара иааныркылаз изинқәа лыхьчалоит.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

27