Аԥсны ААР ахада акриптовалиута аиуразы ахараԥса алагалара ахәшьара аиҭеит

31
(ирҿыцуп 10:17 25.01.2021)
Хара имгақәа Апарламент ахь инашьҭхоит азакәанԥҵаратә ԥшьгамҭа: закәаншьаҭада мегаваттк афымцамч ахархәаразы миллионки бжаки ахараԥса ашәаразы.

АҞӘА, ажьырныҳәа 25 - Sputnik. Ахараԥсақәа ралагалареи, амазара амхреи, акриптовалиута аиуразы ахархәагақәа рымхреи хымԥада иаҭахуп акриптавалиута закәаншьаҭада аиура аҿагыларазы ҳәа иҳәеит арадио Sputnik аинтервиу азҭаз Аԥсны аҩнуҵҟатәи аусқәа рминистр Дмитри Дбар.

"Апарламент ахада иажәалагала аднакылар, сара сгәы иаанагоит уи ус акәхоит ҳәа, ҳусура акыр иарманшәалон, иармарион. Ахараԥса арӷәӷәараан амилициа абри ахырхарҭаҿы русура еиҳа хра аиуеит", - иҳәоит Дбар.

Иара иажәақәа рыла, Апарламент адепутатцәа ирылшоит асессиа аизгара, оперативла ариашарақәа ралагалара. Иара иҳәеит закәаншьаҭада мегаваттк  афымцамч ахархәаразы миллионки бжаки ахараԥса ашәарагьы амаининг хархәагақәа рымхрагьы, рыҩбагьы знык ала аус еицыруроуп ҳәа.

Аԥсны аҩнуҵҟатәи аусқәа рминистр Дмитри Дбар иазгәеиҭеит акриптофермақәа закәаншьаҭада афымцацәаҳәақәа аҽрыԥшьра апроблема аӡбара ишадыԥхьалоу амчратә еилазаарақәа русзуҩцәа реиԥш "Амшынеиқәафымцамч" аусзуҩцәагьы, араионқәа рхадацәагьы. Иара агәра ганы дыҟоуп ахада рҿаԥхьа иқәиргылаз аус аӡбара шалшо жәҩахыреибыҭала аусураан.

Дбар иҳәеит араионқәа рҟны амилициа аиҳабацәа зегьы ҿыц еиҿкаау аштабқәа ишырхыԥхьаӡалоу, азинеиҿкаара амҩаԥгаразы.

Аԥсны ахада ажьырныҳәа 22 рзы Апарламент ахаҭарнакцәа дырԥылеит, амаинерцәа рзы закәаншьаҭада мегаваттк афымцамч ахархәаразы миллионки бжаки ахараԥсеи ашьаустә ҭакԥхықәреи ралагалара азԥхьагәаҭоуп. Абри Административтә зинеилагаразы азакәанеидкыла алагаларазы азакәанԥҵаратә аԥшьгамҭа Апарламент ахь инарышьҭуеит ашәахьазы.

Иара убас шәаԥхьар ҟалоит:

31
Атемақәа:
Аԥсны амаинингтә фермақәа раҿыхра (71)
Гудаута

Бжьаниа Гәдоуҭа араион ахадас Боџьгәуа икандидатура еиҭа инаишьҭит

2
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.

Апресс-маҵзураҿы ишырҳәаз ала адокумент анапы аҵаҩын жәабран 26 рзы.

Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.

Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.

Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.

Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.

Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.

2
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

39
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

39