Амҩаҿ амашәырқәа, аԥсыҭбарақәа: 2020 шықәсазтәи Аҳәынҭавтоинспекциа аусура аихшьаалақәа

4
(ирҿыцуп 11:21 25.01.2021)
2020 шықәса рзы ареидқәа рымҩаԥгараан ашәҟәы иҭагалан 47557 амҩа-транспорттә еилагара.

АҞӘА, ажьырныҳәа 25 – Sputnik. 2020 шықәсазы Аԥсны иахьаҵанакуа амҩа-транспорттә еилагарақәа рхыԥхьаӡара еиҵамхеит 2019 иаҿурԥшуазар ҳәа иҳәеит Аԥсны Аҳәынҭавтоинспекциа аиҳабы Баҭал Агрба Аҳәынҭавтоинспекциа аусура азҵаарақәа ирызкыз аҳасабырба-плантә еилацәажәараҿы. Абри атәы аанацҳауеит Аԥсны ААР асаит.

2020 шықәса аҩнуҵҟа ареспубликаҿы 198 машәыр аҭыԥ рыман. Убри аан аахақәа роуит 282-ҩык, иҭахеит 57-ҩык; 2019 шықәса рзы – 56-ҩык ҭахеит, 332-ҩык аахақәа роуит, иҟалеит 197 авариа.

Агрба иҳәеит амашәырқәа реиҳарак мзызс ирымоу амашьына арццакра, арыжәтә ыжәны аԥсҟы акра, амҩатә ԥҟарақәа реилагара роуп.

"67 амҩа-транспорттә хҭыс ҟалеит амашьынақәа реиҿасраан, 88 – акы ианҟьаны, 38 – ашьаҟауаа рыжәлараан. Амҩатә машәырқәа рлахәылацәа рықәратә категориа 25 - 35 ибжьанакуеит, 39-ҩык аԥсҟы зкыз арыжәтә ыжәны иҟан", - иҳәеит Баҭал Агрба.

Иара убасгьы 2019 шықәсеи 2020 шықәсеи реиҿырԥшра астатистика ааигеит. 2020 шықәса рзы ареидқәа рымҩаԥгараан ашәҟәы иҭагалан 47557 амҩа-транспорттә еилагара. Ари 2019 шықәсазы аасҭа 9923 рыла еиҳауп.

Агрба иазгәеиҭеит ииасыз ашықәс азы ижәны аԥсҟы зку раанкылареи аҭакԥхықәра рақәыршәареи рзы аусура арӷәӷәара иалҵшәаны иаанкылан 2800-ҩык, 2019 шықәсазы – 2471-ҩык.

"Ахара здыз административтә ҭакԥхықәра рыдҵан, 39 материал нашьҭын аӡбарҭатә усбарҭақәа рахь", - иҳәеит Агрба.

Аԥсны ААР аминистр ихаҭыԥуаҩ Беслан Чкадуа иазгәеиҭеит азинеилагаҩцәа раанкылара арбагақәа шыҳаракугьы, амҩатә машәырқәа рхыԥхьаӡара шеиҵамхо.

"Ари ҟалашьа змам усуп, избанзар амилициа ианапынҵа хадоу атәылауаа рыԥсҭазаарақәеи ргәабзиареи рыхьчароуп", - иҳәеит иара.

Ҷкадуа аҳәара ҟаиҵеит ахылаԥшра ҷыда азузарц ареспублика аҩақәа рҿы аҭагылазаашьа, амҩатә ԥҟарақәа реилагаҩцәа аҭакԥхықәра ӷәӷәа рыдҵалазарц.

"Атәыла анапхгара аҿҳәарақәеи аусдҵақәеи ықәдыргылоит ҳҿаԥхьа амҩақәа рҿы ашәарҭадара аиҿкааразы. Амилициа аусзуҩцәа ртехникатә базеи рматериалтә гәазыҟаҵареи иацырҵоит, аха убри аан аусураз рҿаԥхьа иқәдыргыло адҵақәагьы акыр иҳаракуп", - иҳәеит Беслан Ҷкадуа.

Аилацәажәара аихшьалақәа рыла аминистр ихаҭыԥуаҩ амаҵзурақәа реиҳабацәа анапынҵақәа риҭеит Аҳәынҭавтоинспекциа аусураҿы иҟоу агхақәа раԥыхразы, иара убасгьы агәҽанҵара-профилактикатә уснагӡатәқәа рымҩаԥгаразы.

4

Ашьапылампыл азы Аԥсны аҿар еизгоу ркоманда Ростов акоманда иаҵахеит

9
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

9

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4