Бжьаниа: аенергетикцәа имҩаԥырго аус азакәаншьаҭа аиуеит

40
(ирҿыцуп 16:20 26.01.2021)
Аԥсны ахада Аслан Бжьаниеи "Амшынеиқәафымцамч" адиректор хада Михаил Логәуеи аилацәажәара рыман закәаншьаҭада афымцамч ахархәареи, ареспубликаҿы амаинингтә фермақәа рзакәаншьаҭада русуреи рзы.

АҞӘА, ажьырныҳәа 26 - Sputnik, Асмаҭ Ҵәыџьԥҳа. Аԥсны ахада Апарламент ахь инеишьҭит амаининг хархәагақәа рымхреи, закәаншьаҭада рхархәараз ашьаус аартреи рзы азакәан апроект. Абри атәы иҳәеит "Амшынеиқәафымцамч" адиректор хада Михаил Логәуеи иареи реилацәажәараан.

© Sputnik / Томас Тхайцук
Аԥсны ахада Аслан Бжьаниеи "Амшынеиқәафымцамч" адиректор хада Михаил Логәуеи аилацәажәара рыман

Атәыла ахада иҳәеит уажәшьҭарнахыс аенергетикцәа имҩаԥырго аусура абри аганахь ала азакәан шьаҭаны ишаиуа.

"Амшынеиқәафымцамч" адиректор хада Михаил Логәуа иҳәеит, ажьырныҳәа 26 азтәи рдыррақәа рыла, ареспубликаҿы афымцамч ахархәара аиҵахарахьы ишнеиуа. "Амшынеиқәафымцамч " аҟазауаа ҩымш рыҩныҵҟа 50 мегаватт рҟынӡа зымчхара наӡо афермақәа аҿырхит.

"Ари тенденциа бзиоуп, аха иҟоуп ашәарҭа аусура асистематә ҟазшьа амоур, еиҭахгьы аиҭаԥшьрақәа ҟалоит ҳәа", - иҳәеит иара.

Логәуа иажәақәа рыла иахьазы уахыки-ҽнаки афымцамч ахархәара 9,8 миллион киловатт-сааҭ итәоит. Ари ҵыԥхтәи ашықәс азтәи ахархәара еиҳауп.

Бжьаниа иазгәеиҭеит ауаажәларраҿы афымцамч ахархәара зеиҵахаз аамҭа-аамҭалатәи алашара арцәароуп изыхҟьо ҳәа агәаанагара шыҟоу. Логәуа уи аҭакс иҳәеит ареспубликаҿы афымцалашара андырцәо ацәаҳәақәа рҿы ахьанҭара аныҳаракхо шакәу.

Аслан Бжьаниа иҳәеит ахәаша, ажьырныҳәа 29 араионқәа рҟны акадыртә зҵаарақәа рымҩаԥгараз амш "X" шакәу. Иара Михаил Логәуа диҳәеит араионқәа рҟынтәи ироуа адыррақәа араионқәа рхадацәа ақәыршаҳаҭзарц, избанзар "ари аус азы аҭакԥхықәра хаҭалатәуп".

Иара убас шәаԥхьар ҟалоит:

40
Атемақәа:
Аԥсны амаинингтә фермақәа раҿыхра (69)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау