Астанциаҿы иҟалаз авариа ашьҭахь Гагра ауааԥсыра аӡы рзынашьҭуп

15
(ирҿыцуп 17:12 26.01.2021)
Гагра аӡы аиура ԥкын ажьырныҳәа 25 рзы аӡыҭгагатә станциаҿы иҟалаз авариа ашьҭахь.

АҞӘА, ажьырныҳәа 26 – Sputnik, Бадри Есиава. Акоммуналтә маҵзурақәа аӡыҭгагатә станциа "Репруа-1" аҟны иҟалаз аҭагылазаашьа аҭыԥ иқәҵаны аӡы аурышьҭит ҳәа ааицҳауеит Гагратәи аӡыканал аиҳабы Беслан Цыгәба.

"Иацы алашара дырцәон, иадыркуан. Ахәылбыҽха аӡыҭгагатә станциа аангылеит. Аӡыҭгага еимыхны иаҳрыцқьеит, ахәҭак ҳаԥсахит. Иахьа, асааҭ 10:30 шыҟаз аӡы ауҳашьҭит. Сааҭқәак рышьҭахь ақалақь зегьы аҿы аӡы роуа иҟалоит", - иҳәеит иара.

Цыгәба иара убасгьы иҳәеит лассы-лассы алашара арцәарагьы мзызны иазыҟалеит астанциа "Репруа-1" аҟны иҟалаз авариа. Иара иажәақәа рыла астанциа ахархәарахь ирыҭан 1960-тәи ашықәсқәа рзы. Иахьа уажәраанӡагьы иароуп аус зуа.

Ашәахьа, ажьырныҳәа 25 рзы ПС "Цандрыԥшь-а́хага" аҿы 110 кВ иҟаз акабель ԥҵәеит. Уи иахҟьаны Гагра араион лашарада иаанхеит.

Аԥсны аенергоавариақәа реиҳарак мзызс ирымоу афымцацәаҳәақәа реидара хьанҭеи дара ражәреи роуп.

Аӡыҭгагатә станциа "Репруа-1" аҿы уаанӡагьы авариақәа ҟалахьан. Убас, ԥхынҷкәын 16 рзы ақалақь зегьы ӡыда иҟан уахыки-ҽнаки рыҩныҵҟа.

15
Атемақәа:
Аԥсны аенергетика апроблемақәа (228)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау