Аԥсны араионқәа рҿы алашара арцәара апринципқәа ртәы рҳәеит

14
Аԥсны ахада Аслан Бжьаниа инапынҵала Аԥсны араионқәа рҿы аоперативтә штабқәа аԥҵоуп афымцамчхара ахархәара аиҵатәразы.

АҞӘА, ажьырныҳәа 28 – Sputnik, Асмаҭ Ҵәыџьԥҳа. Аԥсны иахьаҵанакуа аамҭа-аамҭала алашара арцәара аграфик ыҟам ҳәа Sputnik иазеиҭарҳәеит "Амшынеиқәафымцамч" араионтә ҟәшақәа реиҳабацәа.

"Амшынеиқәафымцамч" гагратәи афилиал аиҳабы Аслан Аиба иажәақәа рыла, араион аҿы уажәы алашара дырцәоит афымцацәаҳәақәа ирықәу аидара рзышьҭымхуа иахьыҟоу аҭыԥқәа рҿы. Абри аҩыза аҭагылазаашьа ыҟоуп Гал араион аҿгьы. Уа уаанӡа мышкахьы ҩынтә, сааҭк-сааҭк алашара дырцәон ҳәа азгәеиҭеит Ниаз Џьгеренаиа.

Проблема ыҟам Гәылрыԥшь араион аҿгьы ҳәа иҳәеит "Амшынеиқәафымцамч" гәылрыԥшьтәи афилиал аиҳабы Нугзар Ҳашба. Араҟагьы алашара дырцәоит ада ԥсыхәа аныҟам. Тҟәарчал араион ауааԥсыра ракәзаргьы уадаҩра рымаӡам. Араионтә ҟәша аиҳабы Вахтанг Харчлаа иажәақәа рыла амаинингтә фермақәа анаҿырх ашьҭахь алашара шамахамзар иҟоуп.

Аҟәа араион аҿы алашара дырцәоит авариатә ҭагылазаашьақәа раан.

Аамҭа-аамҭала алашара уаанӡа идырцәон Гәдоуҭеи Очамчыреи араионқәа рҿы, аха уажәы иаҟәыҵит.

"Амшынеиқәафымцамч" очамчыратәи афилиал аиҳабы Енрико Хораа ишиҳәо ала, аҟазауаа амаинингтә фермақәа раҿыхразы аус руеит, ажьырныҳәа 27 мацара азы иаҿыхын 5 фермак.

"Амшынеиқәафымцамч" гәдоуҭатәи афилиал аиҳабы Гарри Лабиагьы Sputnik иазеиҭеиҳәеит аҭагылазаашьа аҽшеиҭанакыз.

Аԥсны араионқәа рҿы Аԥсны ахада Аслан Бжьаниа ажьырныҳәа 22 рзы имҩаԥигаз аилацәажәараҟны иҟаиҵаз анапынҵала аоперативтә штабқәа аԥҵоуп афымцамчхара ахархәара аиҵатәразы.

Бжьаниа: аенергетикцәа имҩаԥырго аус азакәаншьаҭа аиуеит>>

Бжьаниа иааигаз адыррақәа рыла 2019 шықәса иаҿырԥшны 2020 шықәса рзы афымцалашара ахархәара 21 процент рыла еиҳахеит. Апроблема ӡбамхар акадртә еиҭакрақәа ҟалоит ҳәа иҳәеит ахада. Алҵшәақәагьы амчыбжь иахымгакәа иааԥшыроуп ҳәа азгәеиҭеит Бжьаниа.

Ажьырныҳәа 26 рзы Аслан Бжьаниеи Михаил Логәуеи аицәажәара рыман. Логәуа иажәақәа рыла ареспубликаҿы аамҭа-аамҭалатәи аграфик ыҟам, алашара андырцәо ацәаҳәақәа аидара ианаҵало ауп.

Иара убас шәаԥхьар ҟалоит:

14
Атемақәа:
Аԥсны амаинингтә фермақәа раҿыхра (71)

Аԥсны даҽа 21 акоронавирустә хҭыс ҿыц ашәҟәы иҭагалоуп

2
(ирҿыцуп 22:16 05.03.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12952-ҩык ыҟоуп, ргәы бзиахеит 12400-ҩык, рыԥсҭазаара иалҵит 203-ҩык.

АҞӘА, хәажәкыра 5– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 234-ҩык атестқәа рзыҟаҵан, урҭ рахьтә 21-ы акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 34-ҩык, урҭ рахьтә 21-ы акоронавирус адиагноз рзышьақәыргылоуп, рҭагылазаашьа бааԥсуп фҩык, ибжьаратәуп -16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 14-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - жәаҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит аҿкычымазара рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

2
Атемақәа:
Аҿкычымазара – акоронавирус Аԥсни адунеи аҿи: иалкаау

Какалиа "Ақыҭанхамҩа аҿиареи, аинновациеи рзы ацентр" иазкны

4
(ирҿыцуп 22:05 05.03.2021)
Ақыҭанхамҩа ԥасатәи аминистр Амиран Какалиа арадио Sputnik аефир аҟны еиҭеиҳәеит анаплак ҿыц "Ақыҭанхамҩа аҿиареи, аинновациеи рзы ацентр" ахықәкы, инанагӡараны иҟоу аусқәа ртәы.
Ҳазлацәажәаша ҳамоуп: Какалиа "Ақыҭанхамҩа аҿиареи, аинновациеи рзы ацентр" иазкны

Аҟәа имҩаԥысит "Ақыҭанхамҩа аҿиареи, аинновациеи рзы ацентр" захьӡу анаплак ҿыц аалыҵ аӡыргара иазкыз аусмҩаԥгатә. Аӡыргарахь инаган еиуеиԥшым ахәаҷа-маҷақәа рнырҵәаразы рхы иадырхәо ҩынҩажәа рҿынӡа ахәшәқәа. Аиҿкааҩцәа излазгәарҭо ала, ари коммерциатә проектуп. Уи напхгара аиҭоит ақыҭанхамҩа ԥасатәи аминистр Амиран Какалиа.

Шәазыӡырҩы аудио.

4