Гагра иӡыз Урыстәыла атәылауаҩԥҳәыс лыԥшаара ишаҿыц иаҿуп

32
(ирҿыцуп 13:35 28.01.2021)
Урыстәыла атәылауаҩ Елена Федотова хабарда дыӡит ҳәа Гагра араион ААР аҷаԥшьаратә хәҭахьы аҭел иасит ажьырныҳәа 18 рзы.

АҞӘА, ажьырныҳәа 28– Sputnik, Бадраҟ Аҩӡба. Гагра иӡыз Урыстәыла атәылауаҩԥҳәыс лыԥшаара ишаҿыц иаҿуп, макьаназ лҵшәа ыҟам ҳәа Sputnik иазеиҭеиҳәеит Аԥсны ААР аминистр ихаҭыԥуаҩ Руслан Ажьиба.

"Лара адәынтәхылаԥшра акамерақәа рҟны дазгәаҭан даныӡуаз ауха, асааҭ жәеиза шыҟаз. Амҩа хада ала Ажәытә Гаграҟа лхы рханы дцон. Ауаажәларратә транспорт аангыларҭаҿы днеиит, аха нас шьҭахьҟа дгьыжьит", - иҳәоит аминистр ихаҭыԥуаҩ.

Абри ашьҭахь атуристка амшын аҟәарахьы дышнеиуаз дырбеит егьырҭ акамерақәа.

"Уи ашьҭахь дхынҳәит, лхабаргьы ыӡит. Гагра инхо ауааԥсыра лфотосахьақәа рзаҳшеит, ареспублика амилициа араионтә ҟәшақәа ирзынаҳашьҭит. Лыԥшаара ҳаҿуп", - иҳәеит Руслан Ажьиба.

Елена Федотова хабарда дыӡит ҳәа Гагра араион ААР аҷаԥшьаратә хәҭахьы аҭел иасит ажьырныҳәа 18 рзы. Аусбарҭахь адырра ҟалҵеит Федотова лҩыза, Нижни Новгород инхо. Лара илҳәеит лҩыза ажьырныҳәа 17 асааҭ 22:30 раахыс дыҟам ҳәа.

Аԥсны аҩнуҵҟатәи аусқәа рминистрра ааԥхьара ҟанаҵоит Федотова дызбаз ма дахьыҟоу здыруа зегьы аҷаԥшьаратә хәҭахьы абарҭ аномерқәа +7 (840) 226 41 41; +7 (940) 920 20 95 рыла аҭел иасырц.

Уаанӡа Федотова лыԥшаара иашьҭан Аԥсны АҶА аусзуҩцәа. Ажьырныҳәа 20 асааҭ 14:03 рзы Жәаҩакәара аиҩхааҿы дыӡит Урыстәыла атәылауаҩ. Аԥшааҩцәа аус нап адыркит, аха аамҭақәак рышьҭахь адырра роуит аҵыхәтәан аԥҳәыс дахьырбаз дара ахьыԥшаауа анҭыҵ акәын ҳәа. Абри ашьҭахь АҶА лыԥшаара иаҟәыҵит.

32
Гудаута

Бжьаниа Гәдоуҭа араион ахадас Боџьгәуа икандидатура еиҭа инаишьҭит

1
(ирҿыцуп 09:29 05.03.2021)
Гәдоуҭа араионтә еизара адепутатцәа Баграт Боџьгәуа араион ахадас дшьақәыдмырӷәӷәеит ажьырныҳәа 29 рзы имҩаԥысыз аилатәараҿы.

АҞӘА, хәажәкыра 5 – Sputnik, Бадри Есиава. Аԥсны ахада Аслан Бжьаниа Гәдоуҭатәи араионтә еизарахь ашәҟәқәа неишьҭит араион ахадас Баграт Боџьгәуа икандидатура ахәаԥшразы ҳәа аанацҳауеит ахада ипресс-маҵзура.

Апресс-маҵзураҿы ишырҳәаз ала адокумент анапы аҵаҩын жәабран 26 рзы.

Баграт Боџьгәуа Гәдоуҭа араион ахада инапынҵақәа назыгӡо ҳәа дҟаҵан Аԥсны ахада Аслан Бжьаниа идҵала 2020 шықәса, лаҵарамзазы. Боџьгәуа ари аҭыԥ аҿы диԥсахит Руслан Ладариа.

Гәдоуҭа араионтә еизара адепутатцәа Боџьгәуа араион ахадас дшьақәыдмырӷәӷәеит ажьырныҳәа 29 азтәи реилатәараҿы. Уи азы бжьык игхеит.

Аконституциатә процедура инақәыршәаны атәыла ахада азин имоуп 30 мшы рыҩныҵҟа аҽазныкгьы Боџьгәуа икандидатура адепутатцәа ирыдигалар, мамзаргьы аҽа кандидатурак рыдигалар.

Аизараҿы ақалақь, араион ахадас зыӡбахә ҳәо икандидатура рыдрымкылар, атәыла ахада азин имоуп аамҭала анапынҵақәа назыгӡо иаҭара.

Араион, Аҟәа ақалақь, аҳабла, ақыҭа ахадас дҟалар илшоит Аԥсны атәылауаҩ, 30 шықәса ирҭысхьоу, 5 шықәса еиҵамкәа аџьатә ԥышәа змоу.

1
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

38
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

38