11 нызқьҩык ауааԥсыра Аԥсны иаҭаахьеит аретро-дәыӷба "Шәача" ала нанҳәамзаахыс

8
(ирҿыцуп 14:18 29.01.2021)
Аретро-дәыӷба "Шәача" Аԥсныҟа иаауеит 2020 шықәса нанҳәамза аахыс. Ареисқәа ирыцнаҵеит аӡын аамҭазгьы.

АҞӘА, ажьырныҳәа 29– Sputnik, Бадри Есиава. 11 нызқьҩык иреиҳаны ауааԥсыра Аԥсны иаҭаахьеит аретро-дәыӷба "Шәача" ала 2020 шықәса нанҳәамза инаркны 2021 шықәса ажьырныҳәамзанӡа ҳәа аанацҳауеит РЖД аҟәшатә еиҿкаара "Афедералтә пассаџьыртә еилахәыра".

"Афедералтә пассаџьыртә еилахәыра" ишаҳәо ала  40% туристцәа қәрала 40 шықәса иҭысхьеит. Аиҳарабык ианыхәыҷыз Амшынеиқәа аԥшаҳәатә курортқәа рҟны рҭаацәа ирыцны зыԥсы зшьоз роуп. Аҿаргьы адәыӷба аинтерес рымам ҳәа узҳәом. Аԥсны иаҭааз, 30 шықәса ирҭысхьоу рхыԥхьаӡара 30% инаӡоит.

Аретро-дәыӷба "Шәача" аныҟәара аграфик ԥсахын ашықәсҿыцазтәи аныҳәамшқәа раан апассаџьырцәа рырманшәаларазы. Атуристтә ретро-дәыӷба

"Шәача" аграфик ԥсахын аныҳәамшқәа раан апассаџьырцәа рырманшәаларазы. Ԥхынҷкәын 28 инаркны ажьырныҳәа 10 рҟынӡа Кисловодскынтәи Гаграҟа еиҳа иауу амаршрут ала иаауан.

Ашьхашәҩатә курорт "Роза Хутор" зыԥсы зшьо ироуеит алшара абри адәыӷбала иныҟәарц. Ирзыманшәалахарц азы ишьақәыргылоуп амшеихшанҵа. Уи инақәыршәаны "Роза Хутор" аҟынтәи авагонқәа атуристтә дәыӷба "Шәача" Адлертәи авокзал аҿы иаԥыршьуеит.

Аԥхьанатә амаршрут ҿыц аныҳәамшқәа рышьҭахь аркра азыԥхьагәаҭан аха "Афедералтә пассаџьыртә еилахәыра" Роза Хутор – Гагра амаршрут мшаԥымза нҵәаанӡа иааныжьзарц аӡбеит.

"Афедералтә пассаџьыртә еилахәыра" ишаанацҳауа ала адәыӷба аҩаша ада есыҽны иныҟәоит. Адәыӷба Шәача иқәҵлоит асааҭ 7:45 рзы, Гагра иааиуеит асааҭ 11:30 рзы. Гагрантәи ихынҳәуеит асааҭ 18:43 рзы. "Роза Хутор" аҟынтәи апассаџьырцәа есыҽны Гаграҟа иаалар рылшоит ашьыжь асааҭ 07:14 рзы, шьҭахьҟа игьежьуеит асааҭ 23:10 рзы.

"Ашьхашәҩатә курорт Роза Хутор аҟны зыԥсы зшьо алшара рымоуп рыԥсшьараамҭа еиҳагьы идырлахҿыхырц Аԥсны Аҳәынҭқаррахь ҽнактәи аныҟәара мҩаԥганы. Атуристтә дәыӷба апассаџьырцәа Гагра ҽнак рхыргар ауеит, мамзаргьы иаархәар ауеит Аԥсны аҭыԥ ԥшӡарақәа– аӡиа Риҵа, Ареликттә милаҭтә парк, Ҩыԥшаратәи аиҩхаа уҳәа рҭааразы иаку атур", - рҳәоит аилахәыраҿы.

Аду ибилеҭ ахәԥса иартәоит 2 150 мааҭ, жәашықәса рҟынӡа зхыҵуа ахәыҷқәа рзы – 1400 мааҭ. Изҭаху ирылшоит аангылара, нас рхала ахынҳәра.

Атуристтә дәыӷба "Шәача" авагонқәа асовет аамҭаан ишыҟаз еиԥшны иҟаҵоуп, убри аан иахьатәи аамҭа аҭахрақәагьы ирықәшәоит. Авагон-ақьафурҭаҿы ауаа ирыдыргалоит аурыси аԥсуеи чысқәа: ашә, апамидор, аиаҵәареи еилаџьны, аџьаԥсандал, аԥсыуала акәацеиҵарш, ауасажьы иалху ахинкали.

8

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау