Амиллиардқәа рус: ишԥаҭырҵаауеи Аԥсны аекономикатә цәгьоурақәа

16
(ирҿыцуп 14:09 29.01.2021)
Аԥсны Ахылаԥшратә палата 2014 шықәса раахыс аусура аихшьаалақәа ҟанаҵеит. Аревизиатә усбарҭа иаанарԥшыз аекономикатә цәгьоурақәа аҳәынҭқарра миллиардла аԥхасҭа арҭеит.

АҞӘА, ажьырныҳәа 29 - Sputnik. Аԥсны Ахылаԥшратә палата Апрокуратура хадахьы инанашьҭит 38 материал, 2014-2020 шықәсқәа рызтәи агәаҭарақәа реихшьаалақәа рыла. Урҭ рҟынтәи быжь-усҭҵаарак хацыркуп. Абри атәы арадио Sputnik иазеиҭеиҳәеит Ахылаԥшратә палата аиҳабы Роберт Аршба.

Аревизиатә усбарҭа аиҳабы иажәақәа рыла арҭ аматериалқәа еиуеиԥшым аиҿкаарақәа русурақәа ирзырхоуп. Аарԥшрақәа ирхыԥхьаӡалоуп: абиуџьеттә ԥарақәа хра рымамкәа, хықәкыда рныхра, ашәахтә закәанԥҵара аилагара, аҳасабеилыргаратә закәанԥҵара аилагара, аҳәынҭқарратә мазара ииашамкәа ахархәара уҳәа егьырҭгьы. Аҳәынҭқарра аԥхасҭа акәзар миллиардк инеиҳаны иҟоуп.

"Арҭ 38 материал аус рыдулатәуп. Ауаажәларра рҿгьы алацәажәара змоу аусқәа ртәы жәдыруеит. Урҭ ируакуп аминистрра аекономика анапаҵаҟа иҟоу аҳәынҭқарратә еилахәыра "Аԥсныбылтәы" афинанс-нхамҩатә усура, уи адагьы имаҷым зыӡбахә уҳәаша егьырҭ аобиектқәагьы. Иҟоуп макьаназ изхәамԥшыц аматериалқәагьы, акалмаҳааӡарҭатә нхамҩа иазку еиԥшу. Ари аус апрокуратурахь инаҳашьҭыз ираԥхьатәиуп, аха макьаназы лыҵшәа амам. Ари анхамҩа аҿиара иазынашьҭын шә-миллион мааҭ, арахь ҟаҵа ыҟаӡам", - иҳәеит Аршба.

Убри аан иҟоуп ихыркәшоу аматериалқәа, иаҳҳәап "Абхазсельхоз заготовка" аус.

"Сгәаанагарала аус ахыркәшарахь инеихьеит. Аҭакԥхықәра здыз ауаҩы иус ӡбоуп, 300 000 мааҭ ахараԥса иршәоуп. Абиуџьеттә кредит, 9 миллионки 800 нызқьмааҭ иҟоу атәы ӡбам, аха уи ҳара ҳакәым зус алоу. Ахылаԥшратә палата уи аҩыза азинмчрақәа амаӡам", - иҳәеит Роберт Аршба.

Аршба иара убасгьы иазгәеиҭеит аусбарҭа еснагь аинформациа ныҭкааны ишамоуа, аԥшьбаратә ҳасабырбақәа шхыркәшам, аихшьаалақәа шыҟаҵам. Ари аревизиатә усбарҭа аусура ԥнакуеит, аамҭа агоит.

Иара убас шәаԥхьар ҟалоит:

16

"Аруаа" адҵа ҟарҵоит ҩаӡарарацәалатәи Қырҭтәыла алацәажәарақәа ирҟәаҵтәуп ҳәа

3
Аҩаша, хәажәкыра 2 рзы Аҟәа, Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

АҞӘА, хәажәкыра 2 - Sputnik. Апарламент ахь инеиз аоппозициатә партиа "Аруаа" адҵа ҟарҵоит Аԥсны адәныҟаполитикатә концепциаҿы ҩаӡарарацәалатәи Қырҭтәыла алацәажәарақәа ирҟәаҵтәуп ҳәа.

"Арҭ ауаа – ақырҭцәа, ҳара ҳраӷаны ҳарбоит. Урыстәылатәи аҳәаахьчаҩцәа ракәымзар егьараантә абџьар шьҭыхны иҳақәлахьазаарын. Аахыҵ Уаԥстәыла иҟалаз ҳара ҳҿгьы иҟарҵон. Ахада иконцепциаҿы иарбоуп ҩаӡарарацәалатәи аизыҟазаашьақәа, ари иалацәажәатәума ҳәынҭқарраны ҳрымԥхьаӡозар?", - иҳәеит аиҿкаара "Аруаа" алахәыла Ҭемур Надараиа.

Надараиа иара убасгьы дазааҭгылеит ахәаахәҭратә еизыҟазаашьа. Аполитикатә зҵаарақәа ӡбамкәа ахәаахәҭра азҵаара алацәажәара иашам ҳәа азиԥхьаӡоит иара.

"Ҳара иаҳҭаху иацы ирылаҵәаз авидео азы адепутатцәа ргәаанагара адырреи, Апарламент аполитикатә зҵаарақәа рыӡбаанӡа иарбанызаалак ахәаахәҭратә формақәа ралмыршараз азакәан адкылареи роуп", - иҳәеит Надараиа.

Иара иҳәеит Қырҭтәыла алахәаахәҭра аԥсадгьыл аинтересқәа рыҭира акәны ишахәаԥштәу.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Ауаажәларратә еиҿкаарақәа рхаҭарнакцәа – ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц Бенура Қвираиа иумҭа ахәшьара аҭаразы Апарламент адепутатцәа рыҿцәажәаразы инеиит. Аицәажәара ашьҭахь дара ахада иахь инеираны иҟоуп.

Уаанӡа аопоззициатә партиақәа рхаҭарнакцәа аҳәамҭа ҟарҵахьан Бенур Қәираиа ԥхьатәара ицаразы адҵа шыҟаҵахо азы. Убри аан ахада Иусбарҭа аҳәамҭа ҟанаҵеит Қвираиа жәабран 19 рзы инапынҵақәа шьҭеиҵеит ҳәа.

"Аԥсны Аҳәынҭқарра адәныҟатә политика аконцепциазы" адҵа Аслан Бжьаниа инапы аҵеиҩит ԥхынҷкәын 7 рзы.

Аконституциа инақәыршәаны атәыла ахада иҳәаақәиҵоит адәныҟатәии аҩныҵҟатәии политика ахырхарҭақәа.

Иара убас шәаԥхьар ҟалоит:

3

Аԥсны Апарламент аԥхьа еизаз рҟынтәи ԥшьҩык адепутатцәа рахь инеиит

24
(ирҿыцуп 15:56 02.03.2021)
Аԥсны Апарламент ахьиниуеит ауаажәларра, аоппозициа, апартиақәа рхаҭарнакцәа ахада уаанӡатәи иабжьгаҩ иумҭа иақәыӡбарц.

АҞӘА, хәажәкыра 2 - Sputnik, Асмаҭ Ҵәыџьԥҳа. Ауаажәларратә еиҿкаарақәа рхаҭарнакцәа Бенур Қәираиа иумҭа ахәшьара аҭаразы Апарламент адепутатцәа рыҿцәажәаразы инеиит.

Аделегатцәа ауаажәларратә ветерантә еиҿкаара "Аруаа" аиҳабы Ҭимур Гәлиа, АУЕ "Аруаа" Иреиҳаӡоу ахеилак алахәыла Ҭемур Надараиа, апартиа "Аԥсны" аиҳабы Витали Габниа, Жәлар ракзаара Афорум аиҳабы Аслан Барцыц.

Аҩаша, хәажәкыра 2 рзы Аҟәа, Ахақәиҭра ашҭаҿы ауаажәларратә еиҿкаара "Аруаа" ааԥхьара ҟанаҵеит ачынуаа Қырҭтәыла рцара згәы амырҭынчуа зегьы еизарц азы.

Абри ашьҭахь Ахақәиҭра ашҭаҿы еизаз рҟынтәи ҩышәҩык рҟынӡа Аԥсны Жәлар Реизара ахыбрахь инеиит адепутатцәа ирыҿцәажәарц уаанӡатәи ахада иабжьгаҩ Бенур Қәираиа Қырҭтәыла иҟазаара иазкны.

Иара убас шәаԥхьар ҟалоит:

24