Бжьаниа атәылаҿ иҟоу аҭагылазаашьа алацәажәаразы "Ахьтәы Парламент" адепутатцәеи еиԥылеит

22
(ирҿыцуп 15:35 29.01.2021)
Аԥсны Ахада Аслан Бжьаниа ажьырныҳәа 29 рзы "Ахьтәы Парламент" адепутатцәа идикылеит.

АҞӘА, ажьырныҳәа 29 - Sputnik, Асмаҭ Ҵәыџьԥҳа. Аслан Бжьаниа атәылаҿ иҟоу асоциал-економикатә ҭагылазаашьа, амаинингқәа рхархәареи аенергосистемеи рыпроблемақәа рылацәажәаразы "Ахьтәы Парламент" адепутатцәа дрыҿцәажәеит.

Атәыла ахада игәаанагарала иааиуа амчыбжь азы адепутатцәа акриптовалиута закәаншьаҭада аиуразы аҭакԥхықәра ақәыршәараз азакәан апроект иахәаԥшраны иҟоуп.

Бжьаниа дазааҭгылеит атәылаҿы акоронавирустә ҭагылазаашьа. Иара иажәақәа рыла апандемиа аҿагыларазы ареспублика миллиардбжак ахарџь ҟанаҵахьеит. Урҭ рҟынтәи 260 миллион мааҭ аҳәынҭқарратә биуџьет иатәуп, 70 миллион мааҭ абизнесуаа еизыргеит, 40 миллион мааҭ жәларбжьаратәи аиҿкаарақәеи аԥсуа диаспореи ирхарџьуп.

Аслан Бжьаниа иҳәеит аҵаратә процесс ацҵара шазыԥхьагәаҭо аԥхынтәи амзақәа: рашәара, ԥхынгәы рацҵарала. Иара ишиҳәо ала аҵаратә процесс ашколқәа рҿы ашәарҭадаратә нормақәа ирықәныҟәаны иацҵахоит.

Аиԥыларахь инаԥхьан Валери Кәарҷиа, Наҭелла Акаԥҳа, Алеко Гәарамиа, Емма Аҩӡыԥҳа, Олег Дамениа, Валери Ӷәырџьуа, Леонид Лакербаиа, Сергеи Шамба уҳәа егьырҭгьы.

30 шықәса раԥхьа, 1990 шықәса ԥхынҷкәын 24 рзы Аԥснытәи АССР Иреиҳаӡоу Асовет ахантәаҩыс раԥхьаӡа акәны аԥсуа– Владислав Арӡынба далхын. Ааԥхьара адепутатцәа аԥсуа ҳәынҭқарра ашьақәгыларазы акрызҵазкуаз адокументқәа рыдыркылеит. Ари ааԥхьара "Ахьтәы Парамент" ҳәа хьӡыс иаҭан.

22
Сторонники и родственники Ахры Авидзба собрались у СГБ Абхазии

Аҩӡба дзыхдырҟьаз ҳәа идгылаҩцәа гәҩарас ирымоу рҳәеит

37
(ирҿыцуп 02:20 05.03.2021)
Аԥсны Аҳәынҭқарратә шәарҭадаратә маҵзура ахыбра аҿаԥхьа еизаз Ахра Аҩӡба идгылаҩцәеи иуацәеи еимпырц ргәы иҭаӡам иара доурышьҭаанӡа.

АҞӘА, хәажәкыра 5 - Sputnik. Ахра Аҩӡба даанкылазар ҟалоит изакәанымкәа бџьарла еибыҭоу Донецктәи жәлар Рреспублика атәылауаа ахьицу азы ҳәа агәаанагара рымоуп иара иуацәеи идгылаҩцәеи.

Абри азы адырра ҟалеит Аҩӡба иуацәақәак АШәМ ахыбра ианыҩнала ашьҭахь. Дара изларҳәаз ала, Ахра Аҩӡба ицу донецктәи атәылауаагьы аанкылоуп.

Дара Ахра Аҩӡба доурышьҭаанӡа еимпырц ргәы иҭаӡам.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

 

37

Ахра Аҩӡба иуацәеи идгылаҩцәеи Ашәарҭадаратә маҵзура аҿаԥхьа еизеит

27
(ирҿыцуп 01:42 05.03.2021)
Хәажәкыра 4 ахәылбыҽха Ахра Аҩӡба даанкылоуп ҳәа адырра ҟалеит. Ахыҵхырҭақәа излаарыцҳауа ала, иара Аԥсны Аҳәынҭқарратә шәарҭадаратә маҵзура ахыбрахь иҿахәҿыхразы днаргеит. Иҩны азинхьчаҩцәа акәшаны игылоуп.

АҞӘА, хәажәкыра 5 - Sputnik. Аҟәа иаанкылоу Ахра Аҩӡба иуацәеи идгылаҩцәеи АШәМ ахыбра аҿаԥхьа еизеит ҳәа ааицҳауеит акорреспондент аҭыԥ аҟынтәи.

Аҩӡба иуацәа руаӡәк ишеиҭеиҳәаз ала, аӡәгьы макьана издырӡом иара дзааныркылаз, дара иҿахәҿыхра ахьымҩаԥысуа ахыбра аҿаԥхьа иԥшны игылоуп дзыхдырҟьаз еилыркаарц азы.

"Макьана ҳара иҳаздыруам дзыхдырҟьаз, аҩнуҵҟа ҳауацәақәак ҩналеит. Урҭ иҟоу шыҟоу еилыркаароуп", - иҳәеит иара.

Уи ишиҳәаз ала, ахыбра дыҩналеит адукат Инга Габилаиаԥҳа, лара иааныркылаз изинқәа лыхьчалоит.

Ахра Аҩӡба даанкылоуп ҳәа адырра ҟалеит хәажәкыра 4 ахәылԥаз. Уи ирҵабыргит изааигәоу ауаҩы.

Азинхьчаҩцәа иҩны иакәшаны игылоуп, аԥшаарақәа мҩаԥыргоит ҳәа ааицҳаит акоррреспондент аҭыԥ аҟынтәи.

Ашәарҭадаратә маҵзура апресс-маҵзураҟны ари аҭагылазаашьа ахҳәаа арҭом.

27