Бжьаниа иҳәеит аԥсуа енергетика шәарҭарыда аус аурц азы заҟа аԥара аҭаху

27
(ирҿыцуп 16:48 29.01.2021)
Аԥсны ахада Аслан Бжьаниа имоу аинформациала 2017 шықәса раахыс атәыла аенергетика есышықәса иақәхарџьын 215 миллион мааҭ.

АҞӘА, ажьырныҳәа 29 – Sputnik, Асмаҭ Ҵәыџьԥҳа. Аԥсуа енергетика шәарҭарыда аус аурц азы 21 миллиард мааҭ еиҵамкәа аԥара аҭахуп ҳәа иҳәеит Аслан Бжьаниа Апарламент актәи ааԥхьара адепутатцәа рԥылараан.

Иара иажәақәа рыла 2017 шықәса раахыс асистема 862 миллион мааҭ ақәхарџьуп.

"Ԥхьаҟагьы ас мацара ҳцалар 90 шықәсагьы ҳазхом. Иҳахәо акакәым. Уажәы адокументқәа аус рыдырулоит, 2016 шықәсатәи аԥхьаӡарақәа рыла 21 миллиард мааҭ рыхәԥса зыртәо. Урыстәыла аенергетика аминистрра аҟынтәи аҟазауаа ааны иҟан ҭагалан. Арҭ ацифрақәа актуалра азыруоит. Адокумент инақәыршәаны аҿҳәарақәа 2026 шықәсанӡа иарбоуп", - иҳәеит Бжьаниа.

Атәыла ахада иазгәеиҭеит Урыстәыла Аԥсны ишацхраауа аусхк аинвесторцәа радыԥхьаларазы.

"Ари амҩаҿы иугәамԥхаша ауснагӡатәқәагьы ҳадаҳкылар акәхоит. 2012 шықәса раахыс афымцалашараз атариф 40 копеи шыҟац иҟоуп. Уи аҟынтәгьы еизааго 50 процент роуп. Бжьаратәла ҳтариф 1,60 копеи иҟазароуп. 40 капеи анаҳзеизымго. Иаҳзеизгом избанзар афымцамчхара аԥхьаӡагақәа ықәгылам. Урҭ рықәыргыларазы аԥара ду аҭахуп", - иҳәеит иара.

Аслан Бжьаниа иҳәеит Апарламент ахь ишынеишьҭыз акриптовалиута аиуразы изакәаным аусурақәа мҩаԥызго рҭакԥхықәра арӷәӷәаразы азакәанқәа рыпроектқәа, иааиуа амчыбжь азы иахәаԥшраны ишыҟоу.

Аслан Бжьаниа ажьырныҳәа 29 рзы "Ахьтәы Парламент" адепутатцәа идикылеит. Аиԥылара аан атәылаҿ иҟоу асоциал-економикатә ҭагылазаашьа, амаинингқәа рхархәареи аенергосистемеи рыпроблемақәа ирылацәажәан.

Иара убас шәаԥхьар ҟалоит:

27
Атемақәа:
Аԥсны аенергетика апроблемақәа (228)

Гыцба еиҭеиҳәеит Гәдоуҭатәи аветеринартә маҵзурахьы аҳақьымцәа усура изымнеиуа

14
(ирҿыцуп 20:14 26.02.2021)
Гәдоуҭатәи аветеринартә маҵзура аиҳабы Лавренти Гыцба арадио Sputnik аефир аҟны еиҭеиҳәеит рмаҵзура иахьа уадаҩрас иамоу атәы.
Раионк аԥсҭазаараҟынтә: Гыцба еиҭеиҳәеит Гәдоуҭатәи аветеринартә маҵзура аусушьа атәы

"Ҳраион аҟны 20 қыҭа ыҟоуп, ашьамаҟа хыԥхьаӡарала иугозар 45 нызқь рҟынӡа инаӡоит. Ачымазара бааԥсқәа узыцәшәаша ҳәа макьана акгьы ҳамам. Арахә ачымазара рыламҽырц ҳазҿу аусурақәа ыҟоуп, аха ҳазхьымӡогьы рацәоуп. Сара аусураҟны аҳақьым дсымаӡам. Афельдшер аӡәы апрактика дахысуеит, аӡәы еилзырго лоуп акәымзар, аҳақьым ҳара ҳҟны дааиӡом ауалафахәы амаҷра иахҟьаны. Ачымазарақәа рҟынтәи ахшәқәа ааҳгоит, ҳамч ахьынӡарықәхо. Араион аҟынтәигьы ацхыраара ҟарҵоит, аха уи жәаџьара ишаны хәҭак. Абиуџьет уажәы еиҵартәеит, 80 нызқь мааҭ шықәсык ҳәа иԥхьаӡан. Хык 350 мааҭ ақәӡоит иҟауҵозар (ахәшә). 45 нызқь хы арахә ахьыҟоу, ажәқәа мацара аагозар, хәҭак хыџьара- ԥшьыџьара ишаны иҟалоит. Ачымазара рыхьаанӡа апрофилактика аҳасабала алаҵа ҟауҵароуп", - иҳәеит Гыцба.

Шәазыӡырҩы аудио.

14

Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

10
(ирҿыцуп 19:01 26.02.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит .

АҞӘА, жәабран 25 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау