Украина АшәМ Аԥсны ахада уаанӡатәи ицхырааҩ Ахра Аҩӡба иԥшаара рыланаҳәеит

31
(ирҿыцуп 01:05 30.01.2021)
Аҩӡба Украина Ашьаустә закәанеидкыла ахәҭаҷқәа хԥа инарықәыршәаны ахара идырҵоит, атеррористтә еиҿкаара аԥҵареи атҟәацәа гәымбылџьбарала рызныҟәареи налаҵаны.

АҞӘА, ажьырныҳәа 30 - Sputnik. Украина Ашәарҭадаратә маҵзура иԥшаара рыланаҳәеит ДЖәР афырхаҵа, "Пятнашка" акомандир, жәларбжьаратә еимадарақәа рзы Аԥсны ахада уаанӡатәи ицхырааҩ Ахра Аҩӡба. Абри атәы аанацҳауеит Донецктәии Лугансктәии аобластқәа рҟны иҟоу Украина АМ Facebook адаҟьаҿы.

"Украина АшәМ аконтрԥшыхәцәеи аусҭҵааҩцәеи ишьақәдыргылеит, Урыстәыла атәылауаҩ 2014 шықәса рзы "Интернациональная бригада "Пятнашка" захьӡу аиҿкаара шаԥиҵаз, аамҭак азы напхгара шаиҭоз", - аҳәоит адырраҭараҿы.

Идырраҭараҿы иазгәаҭоуп Ахра Аҩӡба, "Абхаз" ҳәа хьыӡшьарас измоу АТО/ООС амчрақәа дырҿагыланы деибашьуан Донецктәи аобласт аҿы, итҟәаз украинатәи аруаа иргәаҟуан, аҭынч уааԥсыра иршәон ҳәа.

Аҩӡба Украина АЗ ахәҭаҷқәа хԥа инарықәыршәаны ахара идырҵоит АЗ ахәҭаҷ 258-3 актәи ахәҭа (атеррористтә еиҿкаара аԥҵара),  АЗ ахәҭаҷ 146, аҩбатәи ахәҭа (ауаа рӷьычра), АЗ ахәҭаҷ 438 актәи ахәҭа (атҟәацәа гәымбылџьбарала рызныҟәара).

2014 шықәса рзы Ахра Донецкҟа дцеит хатәгәаԥхарала. Аинтернационалтә отриад анапхгаҩыс дҟалеит. Аамҭақәак рышьҭахь ихаҭа еиҿикааз абригада "Пятнашка" напхгара аиҭон. Хьыӡшьарас имоуп – "Абхаз".

2015 шықәса рзы ареспублика аҳамҭа хада "Донецктәи Жәлар рреспублика афырхаҵа" ианашьоуп.

2020 шықәса рашәарамзазы Донецктәи "Пятнашка" ашьаҭаркҩы Аԥсны ахада дицхырааҩхеит, абри азы аусԥҟа инапы аҵаиҩит атәыла ахада Аслан Бжьаниа рашәара 9 рзы.

2020 шықәса абҵарамзазы Аҩӡба инапынҵақәа шышьҭеиҵо азы арзаҳал иҩит.

31

Ашьапылампыл азы Аԥсны аҿар еизгоу ркоманда Ростов акоманда иаҵахеит

9
(ирҿыцуп 19:28 28.02.2021)
Аԥсназы ростовтәи акомандеи иареи реицыхәмарра аԥшьбатәи аиҩызаратә хәмарра акәхеит аҵара-ҽазыҟаҵаратә ҽеизгарақәа рҳәаақәа иҭагӡаны.

АҞӘА, жәабран 28 – Sputnik. Ашьапылампыл азы Аԥсны аҿар еизгоу ркоманда Ростовтәи Аолимпиатә резерв аучилишье акоманда иаҵахеит амҽыша жәабран 28 рзы. Абри азы адырра ҟанаҵоит Аԥсны Аспорт азы аҳәынҭеилакы.

Ҭамаз Бжьаниа иааӡамҭацәа Аԥсни Урыстәылеи зҽаԥсазтәыз разыҟаҵаҩ Александр Тумасиан иазыҟаиҵо акоманда иацыхәмаруан Шәача Аолимпиатә парк аҟны, иагьхыркәшахеит 2:1 ҳәа ростоваа риааирала.

Ахәмарра даҭааит Аԥсны Аҿари аспорти рзы аҳәынҭқарратә еилакы ахантәаҩы Џьамал Гәбаз, иара Александр Тумасиан идиныҳәалеит "Ахьӡ-аԥша" аорден III аорден ахьианаршьаз, уи азы Аԥсны ахада аусԥҟа инапы аҵаиҩхьан жәабран 9 рзы.

"Сара сазыҟаҵаҩ Александр Тумасиан аорден ахьианаршьаз идсныҳәалоит. Ари ауаҩ еснагь аԥснытәи аспортсменцәа илаԥш рхуп, ҳтәылаҿы аспорт арҿиара, аларҵәара дацхраауеит. Сынтәа иара ибзоураны аԥснытәи ашьапылампыласцәа қәыԥшқәа ааҩык Ростовтәи аолимпиатә резерв иаҵанакуа атәылаҿацәтә училишье иҭалеит. Иара гәыла-ԥсыла аспорт даласоуп, ианаауҭаххалак зегь рыла дувагылоит", - ҳәа азгәеиҭеит иара.

Ашьапылампыл азы Аԥсны аҿар ркоманда аҵара-ҽазыҟаҵаратә еизгарақәа рҳәаақәа ирҭагӡаны уаанӡа иацыхәмаруан шәачатәи акоманда "Медик", урҭ ирыҵахеит 4:0 ҳәа. Анаҩс ирыцыхәмарит аклуб "Шәача", аԥснытәи акоманда ари ахәмарраан иаиааит 4:2 ҳәа. Анаҩс, ҳкоманда астрахантәи "Волгарь" адубль иацыхәмарит, ара "Волгарь" аиааит 4:1 ҳәа.

9

Амшын иаҿықәу абаҳча: апринц Ольденбургтәи ипарк аиҭашьақәыргылара шымҩаԥысуа

4
Апринц Ольденбургтәи ипарк аиҭашьақәыргылара иалагеит 2017 шықәсазы, аусурақәа рхыркәшара азԥхьагәаҭоуп аԥхынра алагамҭаз 2021 шықәсазы.

Акурорт Гагра ашьаҭаркҩы, апринц Ольденбургтәи ипарки гагратәи аколоннадеи реиҭашьақәыргылара иалагеит ԥшьышықәса раԥхьа асоциал-економикатә ҿиара апрограммала. Аусурақәа рынагӡаразы иазоушьҭын 118 миллион мааҭ аԥара.

Иазԥхьагәаҭан апарк ӡылеи фымцалашаралеи аиқәыршәара. Ҳаамҭа иақәшәо аинфраструктура аиҿкаара адагьы иазыԥхьагәаҭоуп аҵиаақәа рацәаны реиҭаҳара, аӡҭарчқәа аԥсыӡ рҭаҵара.

4