Архивное фото.

Аԥсны атәанчахәытә фонд: ԥхынҷкәын азы ашәарақәа иааиуа амчыбжь азы ихыркәшахоит

18
(ирҿыцуп 01:08 30.01.2021)
Аԥсны атәанчахәытә фонд 2021 шықәсазтәи абиуџьет иартәоит миллиардки 220 миллиони 432 нызқьмааҭ.

АҞӘА, ажьырныҳәа 30-Sputnik. Ԥхынҷкәын азы атәанчахәқәеи аԥаратә цхыраагӡақәеи рыҭара иааиуа амчыбжь азы ихыркәшахоит, абри атәы иҳәеит Аԥсны атәанчахәытә фонд ахантәаҩы Денис Гәылариа.

Гәылариа иҳәеит атәанчахәытә фонд ажьырныҳәа 12 инаркны Аҟәа, Аҟәеи Тҟәарчали рраионқәа рҟны аԥаранашьҭра иалагеит ҳәа. Ашәарақәа ирылагеит 1992-1993 шықәсқәа рзтәи Аԥсны Аџьынџьтәылатәи аибашьра акатегориа иаҵанакуа рыла.

"Егьырҭ араионқәа зегьы рыҟны атәанчахәқәеи аԥаратә цхыраагӡақәеи рыҭара иааиуа амчыбжь азы ихыркәшахоит, акатегориақәа зегьы ирыҭахоит. Иазгәаҭоу 94 миллион мааҭ рҟынтәи 33 миллион аанханы иҟоуп. Анаҩсан, ажьырныҳәамзазы ашәарақәа ҳрылагоит", - иҳәеит атәыла атәанчахәытә фонд аиҳабы.

Гәылариа иажәақәа рыла, иагхан ауааԥсыра атәанчахәы рызшәара аҿкычымазара атәыла аекономика ианаҭаз ааха иахҟьеит ҳәа.

"Аԥарашәара Аҟәа инаркны иалагоит, избанзар ароуп еиҳа ирацәаҩны иахьынхо атәанчахәқәеи ашәарацҵақәеи зауа", - иҳәеит иара.

Денис Гәылариа иҳәахьан, атәанчахәытә фонд азгәаҭақәа рыла, 2021 шықәса нҵәаанӡа Аԥсны атәанчахәы зауа рхыԥхьаӡара ишацло 9-9,5 нызқьҩык рҟынӡа. Ари аҭагылазаашьа урыстәылатәи атәанчахәқәа рыҭара мап ахьацәыркуа иахҟьеит иҳәеит иара. Урыстәылатәи атәанчахәы аиуразы ихадоу зҵаароуп - аџьашықәс.

Атәылаҿы атәанчахәи аԥаратә цхыраагӡақәеи роуеит зынӡа 44 791-ҩык ауааԥсыра 39 категориа рыла, урҭ рахьтә 29 нызқьҩык раҟара – рықәрала атәанчахәы зауа роуп.

Аԥсны атәанчахәытә фонд 2021 шықәсазтәи абиуџьет иартәоит миллиардки 220 миллиони 432 нызқьмааҭ. 2020 шықәсазы абиуџьет иартәон миллиардки 103 миллион 263 нызқьмааҭ. Аизҳара атәанчахәқәеи аԥаратә цхыраагӡақәеи зауа рхыԥхьаӡара иахьеизҳаз иахҟьеит.

 

 

18

Рыӡбахә ҳәоуп аԥхынразы аҭыԥқәа еиҳа заа иахьҿарҵо Аԥсны акурортқәа

7
(ирҿыцуп 14:26 09.03.2021)
Асиа шьақәыргылоуп 2020-2021 шықәсқәа рзы Аԥсны заанаҵтәи аҭыԥқәа рҿаҵараз амаҵзура адыррала.

АҞӘА, хәажәкыра 9 - Sputnik. Аԥсшьараз анхарҭаҭыԥқәа рҿаҵара амаҵзура TVIL.RU адырра ҟанаҵоит Аԥсны акурортқәа реиҳа аҿаҵа ахьыҟарҵо ракәны иҟоуп ҳәа.

Атуристцәа реиҳараҩык заанаҵы 8 - 15 уахы аангылареи 1,3 - 2,7 нызқьмааҭ аныхреи рыгәҭакуп.

Убри аан аиҳарак аԥсшьара ахәԥса лаҟәуп Гәдоуҭа - 1,3 нызқьмааҭ уахык азы, еиҳа ахәԥса ҳаракуп Пицунда - 2,7 нызқьмааҭ уахык азы.

Ииасыз ашықәс иадкыланы заанаҵтәи аҿаҵақәа рхыԥхьаӡара еиҳахеит акурортқәа быжьба рҿы:

  • Гагра – 2419 мааҭ / 11,5 у.,
  • Пицунда – 2683 мааҭ / 11 у.,
  • Афон ҿыц -1984 мааҭ / 8 у.,
  • Аҟәа – 2441 мааҭ / 15 у.,
  • Цандрыԥшь – 2399 мааҭ / 13 у.,
  • Алаҳаӡы – 2579 мааҭ / 10 у.,
  • Гәдоуҭа – 1305 мааҭ / 14 у.

Иара убас шәаԥхьар ҟалоит:

7

Аԥсны Аџьынџьтәылатә еибашьра аветеранцәа ргәыԥк ахада ԥхьатәара дцарц ааԥхьара ирҭеит

8
(ирҿыцуп 14:17 09.03.2021)
Ҩышәҩык инарзынаԥшуа Аԥсны Аџьынџьтәылатә еибашьра аветеранцәа атәыла ахада Аслан Бжьаниа иахь ааԥхьара рнапы аҵарҩит.

АҞӘА, хәажәкыра 9 - Sputnik. 1992-1993 шықәсқәа рызтәи Аԥсны Аџьынџьтәылатә еибашьра аветеранцәа ргәыԥк ахада Аслан Бжьаниа ԥхьатәара дцарц ааԥхьара ирҭеит.

Ааԥхьараҿы аветеранцәа иазгәарҭеит 2020 шықәсазтәи анапхгареиҭакреи уи ашьҭахьтәи алхрақәеи атәылаҿ аҭагылазаашьа шеиҭарымкыз, 2004 шықәса раахыстәи аполитикатә кризис еиҳагьы аҽшарҭбааз.

"Ақәԥара ахьӡала ақәԥара ҳарааԥсеит. Адәныҟатәи ашәарҭарақәа ракәӡам ҳазҿагылогьы, ҳара ҳара ҳаиҿагылоуп. Иахьа зегьы еилыркаахьеит иалху амҩа, аиаша уҳәозар амҩа аҟамзаара, хара имгакәа аҳәынҭқарра ацәыӡрахь ҳашкылнаго", - аҳәоит аԥшьгаратә гәыԥ ирыладырҵәаз ааԥхьара.

Аҳәынҭқарразы ишәарҭоу ахылҿиаақәа ралмыршаразы, амилаҭ ԥхьаҟатәи рыҿиараз аҭагылазаашьа бзиақәа раԥҵаразы аветеранцәа ааԥхьара руеит:

  • Аслан Бжьаниа ԥхьатәара ацаразы аӡбра идикыларц,
  • Хара имгакәа ахада иалхрақәеи аҭыԥантәи ахаланапхгараҭаратә усбарҭақәа рахь алхрақәеи еицымҩаԥгазарц,
  • Аполитикатә партиа "Амцахара", аветерантә еиҿкаара "Аруаа", егьырҭ аветерантә еиҿкаарақәа ахада иалхраан акандидат иқәыргылара ма акандидатцәа руаӡәк далкааны идгылара рҽацәхьаркырц,
  • Аполитикатә партиа "Амцахара", аветерантә еиҿкаара "Аруаа", егьырҭ аветерантә еиҿкаарақәа алхрақәа раан алхратә закәанԥҵара анормақәа рықәныҟәашьеи аполитикатә етика азгәаҭашьеи хылаԥшра рыҭаразы акомиссиа (аринахыс – Акомиссиа) еицаԥырҵарц,
  • Акомиссиа иалнаршароуп ахадарахьы акандидатцәа рыбжьара аиқәшаҳаҭра анапаҵаҩра – иаиааиуа алхрақәа рышьҭахь ажәлар реидкылара аҭакԥхықәра рхахьы ишырго, аҿиаразы аҳәынҭқарратә программа аус шадыруло азы.

Аҩаша, хәажәкыра 9 рзы аветеранцәа атәылаҿ иҟоу аполитикатә ҭагылазаашьазы Аҟәа апресс-конференциа мҩаԥыргеит. Апресс-конференциа иалахәын аибашьра аветеранцәа: Гарри Саманба, Алик Бгьеу, Ҭемур Қәычбериа, Витали Тарнаа.

Апресс-конференциаҿ Аԥсны Афырхаҵа Гарри Саманба ахҳәаа аиҭеит ахада инапынҵақәа рааныжьразы аибашьра аветеранцәа ргәыԥ иҟанаҵаз ааԥхьара, иазгәеиҭеит анапхгара ҿыц шықәсыктәи русура атәыла аԥсҭазаараҿы еиҭакрак шанамҭаз.

"Сара арадикалтә усқәа сырҿагылаҩуп. Хәажәкыра 11 рзы "Аруаа" реизара ду мҩаԥысраны иҟоуп. Ааԥхьара ҟасҵоит ишәа-изаны иҟам шьаҿақәак ҟамларц, иласу аӡбрақәа рыдрымкыларц, избанзар еиҳа-еиҳа аҵахь ацара ҳаҿуп. Ахада хатәгәаԥхарала ԥхьатәара ицара акәзар – политикатә шьаҿаны сахәаԥшуеит", - иҳәеит иара.

Саманба иажәақәа рыла атәыла анапхгареи аоппозициааи аусеицура иалагароуп, ус анакәымха аҳәынҭқарра бзиарак азыԥшны изыҟалом.

8